Monday, June 29, 2015

رباب مہدی کی غلط بیانیاں ، حقائق کیا ہیں ؟

رباب مہدی کم از کم اپنے خاندان کے لوگوں کے وعدے کی پاس کرلے !

کچھ روز پہلے میرے بڑے بھائی ، محترم حیدر جاوید سید کا مجھے فون موصول ہوا ، جس میں انھوں نے کہا کہ
عامر اگر آپ سے کوئی قربانی مانگوں تو کیا آپ دوگے
میں نے کہا کیوں نہیں جناب
انہوں نے کہا کہ نذر اللہ ، نیاز حسین پھر رباب مہدی سے درگذر کرلیں اور اس حوالے سے فیس بک پر سٹیٹس دیں ،
یار دیکھو مومن گھرانا ہے ، اس گھر کے لوگوں کے فون آئے ہیں کہ یہ سلسلہ بند ہونا چاہئیے
میں نے کہا کہ
شاہ جی آپ کا حکم سرآنکھوں پر ، لیکن معاملہ یہ ہے کہ رباب مہدی ان لوگوں کو سپورٹ کررہی ہے جو توھین اہل بیت اطہار کے مرتکب ہوئے ، اور نازیبا زبان استعمال کی ہے ، اس نے ان کی مذمت کرنے کی بجائے ان لوگوں کے خلاف کمپئن شروع کرڈالی جنھوں نے اس پر صدائے احتجاج بلند کی اور مذمت کی ، کمرشل لبرل مافیا کے ساتھ اس کے گہرے سمبندھ ہیں
شاہ جی نے کہا کہ دوسری جانب سے کہا گیا ہے کہ اب ایسا نہیں ہوگا ، مجھے بعد میں معلوم ہوا کہ یہ وعدہ اور یقین دھانی رباب مہدی کے والد ملک غضنفر مہدی اور ماموں سبطین لودھی کی جانب سے آئی تھی
ابھی تھوڑا وقت ہی گزرا تھا کہ رباب مہدی نے ایک دوسری ویڈیو تیار کی اور اس ویڈیو کے لئے ایک شیعہ پیج جعفری 72 کی ٹیم کو فون کیا اور اس طرح سے یہ ویڈیو اس پیج پر اپ لوڈ ہوگئی اور اس ویڈیو کو اپ لوڈ کرکے رباب مہدی نے اپنے بڑوں کے وعدے کا پاس بھی نہیں کیا

اس ویڈیو کے مندرجات جھوٹ کا پلندہ ہیں ، سب سے پہلے تو میں یہ واضح کردوں کہ میں زات پات ، رنگ ،نسل کے تعصبات پر یقین نہیں رکھتا ، لیکن صریح جھوٹ بھی تو بار بار نہیں بولنا چاہئیے ، اس ویڈیو میں کئی مرتبہ رباب مہدی کے لئے سیدہ اور سید زادی کا لفظ استعمال ہوا ہے ، ان کے والد کو ایک زمانہ جانتا ہے ، کبیروالہ سے تعلق اور وہاں کی ملک برادری سے ان کا تعلق ہے اور ان کے ساتھ ملک غضنفر مہدی آج کا نہیں جڑا ہوا ، ان کے ماموں سبطین لودھی ہیں تو ظاہر ہے کہ والدہ لودھی پٹھان ہیں ، اس کے باوجود لکھا جارھا ہے کہ
ایک سیدہ یا سید زادی کے خلاف جھوٹا پروپیگنڈا
یہ غلط بیانی اجر رسالت پیج پر بھی ویڈیو میں کی گئی تھی جس کی نشاندہی میں نے کی تھی ، معاملہ رباب کی زات کا نہیں ہے بلکہ اس کی غلط بیانی کا ہے ، پہلی ویڈیو میں میرے آرٹیکل کے ایک حصے کو اٹھاکر سیاق و سباق سے ھٹاکر لگایا گیا اور ساتھ اسی انسائٹ پروگرام کا کلپ دکھایا گیا
میں نے اس وقت رباب سے اپنی گفتگو کے سکرین شارٹ دئے تھے تاکہ معلوم ہوسکے کہ میں نے جو بات کی اس کا تناظر کیا تھا
میرا موقف یہ تھا کہ رباب جب اقوام متحدہ کی کونسل فار ہیومن رائٹس کے ایک سائیڈ لائن اجلاس میں سلیم رضا ، علی عباس زیدی کے ساتھ شیعہ نسل کشی پر تقریر کرنے گئیں تو اس تقریر میں انھوں نے دیوبندی تکفیری دہشت گردی کی اصطلاح استعمال نہیں کی اور اہلسنت والجماعت کو شیعہ نسل کشی کا زمہ دار نہیں ٹھہرایا ، میں نے ان سے جب اس حوالے سے مئی 2014 میں سوال کیا تھا تو ان کا جواب یہ تھا کہ ایسا کرنے کے لئے ثبوت درکار ہے جو ایل یو بی پاک والے دیتے نہیں ہیں ، اس سے یہ تو پتہ چل گیا تھا نا کہ رباب نے یہ زکر اقوام متحدہ میں نہیں کیا تھا

میں پھر بھی رباب کو پیشکش کرتا ہوں کہ اگر آپ نے اقوام متحدہ کی ہیومن رائٹس کونسل کے اندر دیوبندی تکفیری اور اہلسنت والجماعت کا نام لیا تھا تو برائے مہربانی اس تقریر کے ایسے متعلقہ حصے کا کلپ اس ویڈیو میں کیوں نہیں ڈالا ، صرف ساکت تصویر کیوں ڈالی ؟ اب بھی اگر میرا دعوی غلط ہے تو چلئے متعلقہ کلپ اپ لوڈ کریں میں اعلانیہ معافی مانگ لوں گا

کہا گیا کہ ھاوس آف لارڈ میں شیعہ نسل کشی کا کئی مرتبہ کیس پیش کیا ، ھاوس آف لارڈ میں جہاں رباب نے دیوبندی تکفیری فاشزم اور اس کی مختلف شکلوں کے بارے میں کوئی تقریر یا کوئی بریفنگ دی ہو اس کا کوئی کلپ اس ویڈیو میں موجود نہیں ہے ، اگر ہے تو پیش کیوں نہیں کیا جارہا ؟

ایک اور جھوٹ جو اس ویڈیو میں بولا گیا وہ یہ ہے کہ رباب مہدی پر یہ الزام لگایا گیا کہ وہ ہزارہ شیعہ کے قتل کی وجہ نسلی یا لسانی بتلاتی ہے ، یہاں پر حقائق کو توڑ موڑ کر پیش کیا گیا ، ان پر تنقید یہ تھی کہ وہ سلیم رضا کے ساتھ کیوں ہیں اور اس کو پروموٹ کیوں کرتی ہیں جبکہ یہ شخص اقوام متحدہ سمیت مختلف پلیٹ فارمز پر ہزارہ کمیونٹی کے قتل عام کو نسلی و لسانی ایشو کے طور پر پیش کرتا ہے اور اسے شیعہ نسل کشی سے الگ کرتا ہے اور جب رباب ایسے آدمی کو پروموٹ کرے گی اور اس کے موقف کا نام لیکر رد نہیں کرے گی تو اسے بھی سلیم رضا کے موقف کا حامی سمجھا جائے گا ، اس سے خود اندازہ کیا جاسکتا ہے کہ کون حقائق کو مسخ کررہا ہے

رباب مہدی پر شدید تنقید اور مذمت کا سلسلہ کیوں شروع ہوا ،رباب مہدی نے اجر رسالت اور جعفری 72 دونوں پر جو ویڈیوز شئیر کیں اس پر پردہ ڈالا ہے ، اور اس کا زکر تک نہیں کیا

رباب مہدی سے Sania Hassan Kayani نام کی ایک خاتون نے المانہ فصیح کی جانب سے حضرت علی کرم اللہ وجہہ الکریم ، جناب فاطمہ الزھرا کی شان میں نازیبا الفاظ کے استعمال کی مذمت نہ کرنے بارے سوالات شروع کئے تو رباب مہدی نے نہ صرف اس کی مذمت کرنے سے گریز کیا بلکہ احتجاج اور مذمت کرنے والوں کو چو-یا کہہ ڈالا ، اس سے ایک تو رباب کی شائستگی کا اندازہ لگایا جاسکتا ہے ، دوسرا اس نے ایل یو بی پاک پر الزام عائد کیا کہ وہ ایک قاتلانہ مہم چلارہا ہے جو بلاسفیمی کارڈ کھیلنے کے مترادف ہے ، یہ وہ الزام تھا جو بینا سرور اینڈ کمپنی کی جانب سے ایل یو بی پاک اور ہر اس فرد پر لگایا جارہا تھا جو المانہ فصیح کی مذمت کررہا تھا ، رباب مہدی نے پوری تھریڈز اور کمنٹس میں ایک جگہ بھی المانہ فصیح کی مذمت نہ کی اور بلکہ یہ موقف بھی اختیار کرلیا کہ اہل بیت اطہار کوئی ستم رسیدہ شخصیات نہ تھیں اور نہ ہی ہمارے دفاع کی ان کو کوئی ضرورت ہے ، یعنی اگر کوئی آئمہ اہل بیت اطہار کے بارے میں نازیبا زبان استعمال کرتا ہے تو اس پر احتجاج اور مذمت کرنے کی ضرورت نہیں کیونکہ ان ھستیوں کو ہماری مذمت اور احتجاج کی ضرورت نہیں ہے ، یہ اور اس طرح کے دوسرے عذر اصل معاملے سے فرار حاصل کرنے کے لئے ہیں

رباب مہدی نے یہ بھی اس ویڈیو میں کہا ہے کہ بیانات کو گھما پھرا کر مسخ کیا جارہا ہے تو ان کی ثانیہ حسن کیانی سے گفتگو کے سکرین شاٹ موجود ہیں ، میرے ساتھ بات چیت کے سکرین شاٹ موجود ہیں اگر کوئی شئے موجود نہیں تو ایک تو المانہ فصیح کی جانب سے کہے گئے فقروں کی مذمت ، علی ارقم کی امام مہدی کے ساتھ ملا عمر کی مشابہت اور میدان چھوڑ کر بھاگنے کی تہمت کی مذمت

اسی طرح رباب مہدی سے بھی میں یہ سوال کرتا ہوں کہ
وہ دکھائیں کہ کہاں المانہ فصیح کی مذمت کرنے والوں نے المانہ کے خلاف بلاسفیمی کا رڈ کھیلا ؟ کہاں اس پر بلاسفیمی ایکٹ کے تحت پرچہ درج کرنے کو کہا ؟ کہاں اس کے خلاف تشدد پر اکسایا ؟
یہ اور ایسے کئی سوالات سلمان حیدر سے میں نے کئے تھے تو وہ بدتمیزی اور ھذیان و ھفوات بکنے لگا تھا اور ڈھیٹ اتنا کہ جب بھی الزام لگایا ثبوت غائب تھا اور مانگا تو جواب بدزبانی تھا

رباب مہدی جعل سازی اور جوتوں سمیت آنکھوں میں گھس کر شہید و مظلوم بننے کی کوشش کررہی ہے
اس نے اس ویڈیو میں ایک مقام پر کہا ہے کہ باہمی اختلاف کا مناسب فورم تلاش کرنے کی ضرورت ہے ، عجیب بات ہے  کہ ایک تو وہ آن دی ریکارڈ مسخ شدہ حقیقتوں پر مبنی  ویڈیوز نشر کرتی ہیں اور دوسری طرف اختلاف کو سلجھانے کی بات کرتی ہیں
گویا لما تقولون ما لا تفعلون کی صف میں کھڑی ہوجاتی ہیں
انھوں نے ویڈئو کے شروع جو آیت رکھی ہے وہ خود ان پر صادق آتی ہے
میں سبطین لودھی سے معذرت خواہ ہوں کہ ان کو اس پوسٹ سے صدمہ ہوگا لیکن معاملہ میری زات کا ہوتا تو میں درگذر کرجاتا لیکن یہ معاملہ ایسا نہیں ہے کہ کمرشل لبرل مافیا کے ساتھ بھی رہا جائے اور دعوی پھر حسینیت کا ہو
لندن والوں سے مجھے اور بھی بہت سی خبریں ملیں تھیں لیکن ان میں زاتیات کی بات غالب ہے ، میں نے اسے نظر انداز کیا کیونکہ میں اسے اپنے شایان شان خیال نہیں کرتا 


Sunday, June 28, 2015

حقانی نیٹ ورک اور سعودی عرب کے تعلقات کی کہانی سعودی ویکیلیکس کی زبانی




سعودی سفارتی دستاویزات جو ویکی لیکس نے شایع کی ہیں کے مطابق سعودی عرب کا اسلام آباد پاکستان میں سفارت خانہ دیوبندی دہشت گرد گروپ حقانی نیٹ ورک کے ساتھ رابطے میں رہا اور گروپ لیڈر جلال حقانی کے علاج و معالجے کے لئے سعودی عرب کے دورے کا انتظام بھی کیا

ویکی لیکس نے جو دستاویزات شایع کی ہیں ان سے سعودی حکام اور حقانی نیٹ ورک کے درمیان تعلق پر کم ہی روشنی پڑتی ہے ، حالانکہ دونوں کے درمیان سی آئی اے -سعودی فنڈڈ جہاد افغانستان کے دنوں سے ہی تعلقات چلے آرہے ہیں

ویکی لیکس نے سعودی عرب کی جن خفیہ دستاویزات کو شایع کیا ہے ، ان میں سے ایک دستاویز پر سعودی عرب کے پاکستان میں متعین سابق سفیر عبدالعزئزابراھیم الصالح الغدیر کے دستخط ہیں اور اسے انتہائی کانفیڈنشل قرار دیا ہے ، اس دستاویز کے مطابق حقانی نیٹ ورک کے سربراہ جلال الدین حقانی کا بیٹا نصیرالدین حقانی سے سعودی سفیر کی ملاقات ہوئی اور یہ ملاقات 15 فروری 2012ء کو ہوئی

ملاقات کا مقام درج نہیں ہے لیکن سفیر اکثر ملاقاتیں اپنی رہائش یا سفارت خانے میں کیا کرتے تھے اور یہ دونوں ڈپلومیٹک انکلیو میں واقع ہیں جہاں سخت پہرہ ہوتا ہے اور پاکستانی انٹیلی جنس ایجنسیوں کی ہمہ وقت نگاہیں وہاں لگی رھتی ہیں

اس ملاقات کے دوران نصیرالدین نے اپنے والد کی جانب سے بادشاہ عبداللہ بن عبدالعزیز کو سعودی ھسپتال میں علاج کی سہولت فراہم کرنے کی درخواست کی

ایک اور کیبل جس پرفروری 25 ، 2015ء کی تاریخ درج ہے ، کہتی ہے کہ بیماری کی نوعیت سفیر غدیر کو بتادی گئی ہے لیکن اس مراسلت میں یہ نہیں بتایا گیا کہ جلال حقانی کون سی بیماری میں مبتلا تھا

میڈیا نے جلال الدین حقانی کو رعشے کی بیماری میں مبتلا بتایا تھا اور جبکہ بعض نے اس کو لوپس کی بیماری کا ہے
سفیر غدیر کا مراسلہ بتاتا ہے کہ اس وقت جلال الدین حقانی وزیرستان میں مقیم تھا اور ڈاکڑوں نے اسے ہسپتال داخل ہونے کا مشورہ دیا تھا

نصیر الدین اور سعودی سفیر کے درمیان ملاقات اس رات ہوئی جب افغان صدر حامد کرزئی کی آصف علی زرداری سے اسلام آباد میں ہوئی تھی اور جنرل کیانی کو کہا گیا تھا کہ وہ ملا عمر سے ان کی ملاقات کو ممکن بنائیں ، سعودی مراسلے کے مطابق جنرل کیانی نے کرزئی کو مشورہ دیا تھا کہ وہ حقانی نیٹ ورک والوں سے مل لیں ، کرزئی نے کہا تھا کہ اس کو حقانی گروپ کے رہنماوں سے ملنے پر کوئی اعتراض نہیں ہے لیکن شاید وہ اس سے ملنا پسند نہ کریں

جلال الدین حقانی نے طالبان رجیم کے کابل میں امریکی حملے کے گرنے کے بعد شمالی وزیرستان میں اپنا اڈا قائم کیا تھا ، اور اس اڈے سے وہ باڈر معاملات کو دیکھ تہا تھا اور اسی اڈے سے وہ نیٹ ورک کے آپریشنز کی نگرانی کرتا تھا ، گروپ پر افغانستان میں مہلک ترین حملے کرنے کا الزام بھی عائد کیا گیا

اپنی بیماری کے سبب جلال حقانی نے گروپ کی قیادت اپنے بیٹے سراج الدین حقانی کو سونپ دی تھی
جلال الدین 31 جنوری 2001 ء سے اقوام متحدہ کی پابندیوں والی فہرست میں شامل ہے ، سلامتی کونسل کی قراداد نمبر 1267 جو 1999ء میں منظور ہوئی اور قرارداد نمبر 1333 جو 2000 ء میں منظور ہوئی کا اطلاق بھی اس پر ہوتا ہےجس کی وجہ سے اس پر انٹرنیشنل سفر پر پابندی ہے اور اس کے ساتھ کسی قسم کا تعاون نہیں ہوسکتا ہے

سعودی کیبل سے ظاہر یوتا ہے کہ جلال الدین حقانی کے پاس جہاد افغانستان کے دنوں سے سعودی پاسپورٹ ہے
اس کے بیٹے نصیرالدین نے باپ کا پاسپورٹ بھی دوران ملاقات غدیر کے حوالے کیا ، اگرچہ کیبل سے یہ پتہ نہیں چلتا کہ پاسپورٹ سفیر کے حوالے کیوں کیا گیا ، لیکن شنید یہ ہےکہ مقصود پاسپورٹ کی تجدید تھی
جو کیبل ریلیز ہوئی ہے اس میں جلال حقانی کے سفر کی تفصیل نہیں ہے کہ کب اس نے سفر کیا سعودی عرب کا یا یہ سفر ہوہی نہیں سکا تھا
حیرت کی بات یہ ہے کہ پاکستان کے حقانی نیٹ ورک سے تعلقات کا الزام تو امریکیوں کی جانب سے کئی بار لگایا گیا لیکن امریکی اداروں نے کبھی سعودی عرب کے حقانی نیٹ ورک سے تعلقات کا نہ تو انکشاف کیا اور نہ ہی سعودی عرب سے حقانی نیٹ ورک کے ساتھ تعلقات منقطع کرنے کا مطالبہ کیا
نوٹ : اس بلاگ کے لئے انگریزی روزنامہ ڈان کی ویب سائٹ پر باقر سجاد سید کی خبر کو بنیاد بنایا گیا ہے


Saturday, June 27, 2015

حامد رضا قادری رضوی کیا واقعی دہشت گرد ہیں ؟ عارف جمال اپنا کہا خود بھول گئے ؟

اہلسنت سواد اعظم جو پاکستان کے اندر 60 فی صد سے زیادہ ہیں کی تنظیم سنی اتحاد کونسل کے سربراہ صاحبزادہ حامد رضا قادری رضوی پر جمعہ کی شب اس وقت موٹر سائیکل سوار دیوبندی تکفیری دہشت گردوں نے قاتلانہ حملہ کیا جب وہ جھنگ سے افطار کی تقریب سے واپس فیصل آباد جارہے تھے ، اس حملے میں وہ بلٹ پروف گاڑی کی وجہ سے بچ گئے ، سٹئرنگ لگنے سے معمولی زخمی ہوئے
صاحبزادہ حامد رضا پر یہ حملہ رانا ثناء اللہ کے صوبائی وزیر قانون کے منصب پر دوبارہ براجمان ہونے کے فوری بعد کیا گیا ، جن کے بارے  میں نہ صرف سنی اتحاد کونسل بلکہ اکثر سنی تنظیموں کا یہ کہنا ہے کہ وہ پنجاب میں کالعدم سپاہ صحابہ پاکستان / اھلسنت والجماعت / لشکر جھنگوی کے سرپرست ہیں اور انھوں نے گذشتہ انتخابات میں پنجاب کے اندر کالعدم سپاہ صحابہ پاکستان کے ساتھ نہ صرف اتحاد قائم کیا بلکہ مسلم لیگ نواز کے 22 سے زیادہ قومی و صوبائی اسمبلی کے ٹکٹ بھی کالعدم سپاہ صحابہ پاکستان سے تعلق رکھنے والے لوگوں کو دلوائے جن میں گجرات سے منتخب ہونے والا عابد گجر ، اور مظفرگڑھ سے ہار جانے والا سردار عباد ڈوگر بھی شامل ہے

صاحبزادہ حامد رضا قادری رضوی کے والد صاحبزادہ فضل کریم جمعیت العلمائے پاکستان کے مرکزی رہنماوں میں سے تھے اور وہ 90ء میں مولانا شاہ احمد نورانی کی جانب سے نواز شریف کی مخالفت کی وجہ سے ایک دھڑے کے ساتھ اپنی جے یو پی بنانے پر مجبور ہوئے تھے جوکہ مرکزی جمعیت العلمائے پاکستان کے نام سے قائم ہوئی اور پھر وہ 2008ء تک مسلم لیگ نواز کے اتحادی رہے لیکن اس دوران مسلم لیگ نواز کی سعودی عرب سے بڑھتی قربت اور اس کے نتیجے میں پاکستان کے اندر سعودی عرب کے معتمد سیاسی و مذھبی سلفی و دیوبندی گروپوں کے ساتھ ان کے تعلق کے مضبوط ہونے کی وجہ سے صاحبزادہ فضل کریم کے میاں برادران سے تعلقات میں دراڑ پڑنے لگی
جبکہ دوسری طرف رانا ثناء اللہ پنجاب میں بالعموم اور فیصل آباد ڈویژن میں بالخصوص سپاہ صحابہ پاکستان کی پوری سرپرستی کرنے لگا ، جبکہ اسی دوران خیبرپختون خوا میں بڑھتی طالبانائزیشن کے سبب مزارات اولیاء کرام پر حملے شروع ہوگئے اور علماء و مشائخ کا قتل بھی شروع ہوگیا ، یہ سلسلہ بڑھتے بڑھتے ڈاکٹر سرفراز نعیمی آف گڑھی شاہو لاہور کے خود کش بم دھماکے میں ھلاکت تک جاپہنچا اور پھر حضرت داتا گنج بخش کے مزار پر حملہ ہوا ، ان سب حملوں میں کالعدم سپاہ صحابہ جو لشکر جھنگوی کے نام سے کام کررہا تھا اور جس کے طالبان و القائدہ سے روابط تھے کے ملوث ہونے کے ٹھوس ثبوت پائے گئے تھے ، صاحبزادہ فضل کریم نے نواز شریف اور شہباز شریف کو کہا کہ وہ سپاہ صحابہ پاکستان کے ساتھ اتحاد ختم کریں اور جو وزراء و مشیر و عیدے داران ان کی سرپرستی کرتے ہیں ان کو بھی پارٹی سے نکال باہر کریں ، جبکہ طالبانائزیشن کے خلاف گول مول موقف ختم کردیں لیکن نواز شریف اور شہباز شریف نے ایسا نہ کیا کیونکہ بقول صاحبزادہ فضل کریم نواز شریف پاکستان میں دیوبندی تکفیری لابی کے ھاتھوں یرغمال بن چکے تھے اور سعودی عرب کے بے پناہ دباو میں بھی تھے ، اگرچہ میرے نزدیک دباو سے کہیں زیادہ نواز شریف کے سعودی عرب کے مالدار شیوخ اور شاہی خانوادے کے ساتھ شروع ہونے والے بزنس وینچرز تھے جنھوں نے شریف برادران کو پاکستان کا حریری بنانے میں اہم ترین کردار ادا کیا تھا
صاحبزادہ فضل کریم مسلم لیگ نواز اور نواز شریف برادران سے مایوس ہوئے تو انھوں نے اہلسنت کی جملہ تنظیموں کے اتحاد کی ٹھان لی اور اس طرح سے سنی اتحاد کونسل وجود میں آئی ، جس کی جدوجہد کا بنیادی مرکز پاکستان کے اندر دیوبندی -سلفی عسکریت پسندی ، دیوبندی طالبنائزیشن کے بڑھتے ہوئے اثر اور اہلسنت المعروف بریلوی کی اکثریت کو سعودی فنڈڈ مدارس و اداروں اور دہشت گردی کے زریعے اقلیت میں بدلنے کے خلاف سیاسی مزاحمتی پلیٹ فارم تشکیل دینا تھا ، یہ بنیادی طور پر پاکستان کے 60 فیصد مسلم آبادی کی نمائیندگی کرنے والے سنیوں کا پلیٹ فارم تھا

صاحبزادہ فضل کریم نے سنی اتحاد کونسل کے پلیٹ فارم سے پہلی مرتبہ پاکستان کی سیکولر اور لبرل امیج رکھنے والی جماعتوں کی جانب تعاون کا ھاتھ بڑھایا اور اس سلسلے میں انھوں نے 2012ء کی الیکشن کے دوران ایک طرف تو مسلم لیگ قائد اعظم سے اتحاد کیا تو پاکستان پیپلز پارٹی کے ساتھ بھی سیٹ ایڈجسٹمنٹ کی بات چیت کی ، صاحبزادہ فضل کریم نے ایک طرح سے 1970ء سے سنی سیاست کے ڈسکورس میں نمایاں تبدیلی پیدا کی اور ان سے پہلے پاکستان عوامی تحریک کی شکل میں ڈاکٹر طاہر القادری کی جانب سے یہ تبدیلی سامنے آئی تھی جب انھوں نے نواز شریف کے دوسرے دور حکومت میں پاکستان پیپلزپارٹی سے اتحاد بنایا اور پاکستان عوامی اتحاد کے سربراہ بھی بنے جس میں محترمہ بے نظیر بھٹو بھی ان کی سربراہی میں کام کررہی تھیں

صاحبزادہ فضل کریم الیکشن کمپئن کے دوران پراسرار حالت میں جان بحق ہوگئے ، ان کے بیٹے صاحبزادہ حامد رضا قادری رضوی کا الزام ہے کہ ان کے والد کو سروسز ھسپتال میں زھر دیا گیا ، جس سے ان کی ھلاکت ہوئی اور وہ اس کی زمہ داری رانا ثناء اللہ اور میاں برادران پر عائد کرتے ہیں

عارف جمال جوکہ امریکہ میں مقیم ہیں اور وہ پاکستان کے اندر عسکریت پسند رجحان ، 80ء ، 90ء اور پھر پوسٹ نائن الیون مذھبی دہشت گردی و نام نہاد جہاد پر رپورٹنگ و تجزیوں کے حوالے سے شہرت رکھتے ہیں ، انھوں نے صاحبزادہ حامد رضا قادری رضوی پر جھنگ میں قاتلانہ حملے پر تبصرہ کرتے ہوئے فیس بک وال پر جو تبصرہ پوسٹ کیا ، ایک تو وہ حقائق کے سخت منافی ہے ، دوسرا وہ پاکستان میں اہلسنت سواد اعظم کی شناخت ، ان کے عقائد اور طرز زندگی پر سعودی فنڈڈ سلفیت و دیوبندنائزیشن کی یلغار سے پیدا ہونے والی صورت حال کی بھی نفی ہے

عارف جمال نے سنی اتحاد کونسل اور صاحبزادہ حامد رضا قادری رضوی کو دہشت گرد کے طور پر پیش کرکے اپنے دی نیوز انٹرنیشنل سنڈے میگزین میں وقار گیلانی کو دئے جانے والے انٹرویو میں کہی ہوئی باتوں کی بھی نفی کی ہے

اس انٹرویو میں اگرچہ انھوں نے پاکستان میں دیوبندنائزیشن کو

Sunnification

کا بڑھتا ہوا رحجان قرار دیا تھا لیکن اسی جگہ اگلے جملے میں انھوں نے لکھا تھا کہ

پاکستان کے اندر ہر غیر سلفی و دیوبندی وقت گزرنے کے ساتھ ساتھ خوف کے ساتھ زندگی بسر کرے گا ، انھوں نے اس انٹرویو میں خود یہ تسلیم کیا تھا کہ پاکستان میں سنی بریلوی اکثریت بھی نام نہاد جہادی فرقہ پرست دہشت گرد تنظیموں کے حملوں کی زد میں ہے اور اسی انٹرویو میں انھوں نے زور دیکر یہ بات کہی تھی کہ سپاہ صحابہ پاکستان یا اہلسنت والجماعت اور لشکر جھنگوی میں کوئی فرق نہیں ہے ، یہ الگ الگ تنظیمیں نہیں ہیں بلکہ ان کو حکمت عملی کے تحت الگ الگ شو کیا جاتا ہے ، عارف جمال نے یہ بھی لکھا تھا کہ جب طارق اعظم نے ایرانی سفیر صادق گنجی کے قتل میں ملوث حق نواز کی پھانسی روکے جانے کے لئے سپاہ صحابہ کے پلیٹ فارم سے تحریک چلائی تھی تو ثابت ہوگیا تھا کہ یہ الگ الگ نہیں ہیں

لیکن عارف جمال کی جب سے کتاب " ٹرانس نیشنل جہاد " سامنے آئی ہے جس میں انھوں نے لشکر طیبہ اور آج جماعتہ الدعوہ کے حوالے سے بہت مبالغہ آمیز تھیوری پیش کی ہے اور وہ اس حوالے سے پاکستان میں دیوبندی تکفیری دہشت گرد تنظیموں اور ان کے جنوبی ایشیا ، مڈل ایسٹ ، شمالی افریقہ اور یہاں تک کہ انڈو چین اور یورپ و امریکہ تک پر اثرات بارے قدرے عارضی فنومن کی تھیوری پیش کرتے ہوئے پاکستان میں " سلفیت کو مستقبل کا سب سے بڑا خطرہ بتاتے ہیں ، اور وہ مفروضوں میں بات کرتے ہوئے جماعت دعوہ کو مستقبل کی سب بڑی اور خطرناک ترین جہادی تکفیری تنظیم بننے کی پیشن گوئی کرتے ہیں اور حال ہی میں انھوں نے داعش کے معاملے کو لیکر انگریزی جریدے ھیرالڈ میں آرٹیکل لکھا

Who is Afraid of ISIS
اس مضمون میں بھی انھوں نے تحریک طالبان پاکستان کے مولوی فضل اللہ گروپ کو سلفی ثابت کرنے کی کوشش کی اور بالواسطہ یہ کہنے کی کوشش کی کہ دیوبندی جہادی تنظیمیں عارضی مظہر ہیں مستقبل میں سلفی جہادی تنظیمیں ہی پاکستان کے اندر لیڈ کریں گی

عارف جمال جو ایک لمبے عرصے سے جہاد ، دہشت گردی پر کام کررہے ہیں کے ہاں سے اس طرح کا خام تجزیہ آنا کچھ شکوک و شبہات پیدا کرتا ہے ، کیونکہ ان کو بخوبی علم ہوگا کہ سعودی عرب ، کویت ، قطر ، متحدہ عرب امارات وغیرہ سے 80ء کی دھائی سے دیوبندی مدارس ، دیوبندی عسکری تنظیموں کو جو مالی مدد ملنا شروع ہوئی ، وہ ان مدارس و عسکری تنظیموں کے حنفی فقہ سے دستبرادری کی شرط پر منحصر  نہیں ہے اور دیوبندی تکفیری دہشت گرد تنظیمیں جہادی و عسکری انتہا پسندانہ نظریات کو مستعار لینے کی حد تک اور عقائد کے باب میں رہنمائی کی حد تک شیخ ابن تیمیہ ، محمد بن عبدالوھاب نجدی اور دیگر رہنماوں کے نظریات سے استفادہ کرتی ہیں لیکن فقہ کے باب میں وہ حنفیت کو ہی اپنائے ہوئے ہیں اور پاکستان سمیت بھارت و جنوبی ایشیا میں القائدہ ہو ، داعش ہو انھوں نے اپنے جو ریجنل برانچ بنائے ان کی سربراہی دیوبندی تکفیری ہی کررہے ہیں ، القائدہ برصغیر والھند کی سربراہی بھی دیوبندی تکفیری عاصم عمر کے پاس ہے جبکہ ان کے لئے 99.5 فیصد ریکروٹمنٹ بھی دیوبندی تنظیموں کی ہے اور ایک طرح سے القائدہ و داعش کا عقائدی و سیاسی ڈھانچہ تو شیخ ابن تیمیہ و محمد بن عبدالوھاب نجدی کے نظریات سے مستعار ہوگا جنوبی ایشا میں لیکن یہ ہوگا حنفی ٹچ لئے دیوبندی تکفیری برانڈ

اگر طالبان یا دیوبندی تنظیموں کو سلفی جہاد یا سلفی عسکریت پسندی اپنے دیوبندی جہادی و عسکریت پسند ماڈل کے منافی لگتی ہوتی تو ملا عمر کبھی بھی القائدہ کو افغانستان میں آنے اور وہاں پر تربیتی مراکز قائم نہ کرنے دیتے اور نہ ہی اس کی خاطر امریکیوں کو ناراض کرتے

عارف جمال میرے خیال میں پاکستان اور پاکستان سے باہر ان تجزیہ نگاروں کی لائن فالو کررہے ہیں جو دیوبندی تکفیری فاشزم کے جنوبی ایشیا میں دہشت گردی کی ڈرائیونگ سیٹ پر بیٹھے ہونے سے انکاری ہیں اور وہ لفظ دیوبندی کی تکفیریت ، جہادیت ، عسکریت پسندی اور دہشت گردی کے ساتھ جوڑنے اور اس کو جنوبی ایشیا سمیت کئی ایک خطوں میں سنجیدہ خطرے کے طور پر بیان کرنے سے گریزاں ہیں اور وہ اس کو شعوری طور پر چھپاتے ہیں اور اسے منظم اور باقاعدہ طور پر

Obfuscate
کرتے ہیں

عارف جمال کی جانب سے سلمان تاثیر کے قتل کے معاملے میں صاحبزادہ حامد رضا رضوی قادری کی جانب سے ممتاز قادری کی حمائت کو ہی پاکستان میں ممتاز قادری کو سزا نہ ملنے کی وجہ قرار دینا بھی تعصب اور جانبداری پر مبنی تجزیہ ہے ، میں صاحبزادہ حامد رضا قادری ، ثروت اعجاز قادری یا کسی اور سنی بریلوی کی جانب سے ممتاز قادری کے دفاع کو غلط خیال کرتا ہوں ، کیونکہ سلمان تاثیر سے کسی قسم کی گستاخی رسول کا صدور نہیں ہوا تھا اور اس لئے ممتاز قادری کی جانب سے سلمان تاثیر کا قتل وقتی اشتعال کا نتیجہ قرار نہیں دیا جاسکتا ، اس موقف کی تائید منھاج القرآن کے سربراہ ڈاکٹر طاہر القادری اور دعوت اسلامی کے بانی سربراہ مولانا الیاس قادری کی جانب سے بھی ہوا ہے ، سلمان تاثیر کے قتل سے پہلے جو فضا تیار کی گئی ، اس میں عارف جمال پاکستانی میڈیا ، اینکرز پرسن ، کالم نگاروں ، تجزیہ کاروں ، تحریک طالبان پاکستان ، جامعہ بنوریہ ، سپاہ صحابہ پاکستان ، وکلاء ، ججز کے کردار کو  نظرانداز کرگئے ، وہ سلمان تاثیر کے قتل پر ایک کروڑ کے انعام کا اعلان کرنے والے مسلم لیگ نواز مظفر گڑھ کے رہنماء و امیدوار سردار عباد ڈوگر جوکہ کالعدم سپاہ صحابہ پاکستان / اہلسنت والجماعت کے بھی رکن ہیں کو بھی یکسر نظر انداز کرگئے اور انھوں نے سارا ملبہ حامدرضا قادری رضوی اور سنی اتحاد کونسل پر ڈالنے کی کوشش کی

ان کی اس پوسٹ پر جن لوگوں نے لائک کے بٹن کو دبایا ہے ، ان کے ناموں اور کارناموں پر ایک نظر ڈالنے سے پتہ چل جاتا ہے کہ دراصل عارف جمال بھی پاکستان میں اس کمرشل لبرل مافیا کو سپورٹ کررہے ہیں جو پاکستان کے اندر منظم دیوبندی تکفیری دہشت گردی اور دیوبندی تکفیری فاشزم کو چھپانے اور ان کی طرف سے پاکستان کے اندر 72 ہزار سے زیادہ پاکستانیوں کو شہید کرنے جن میں سب سے زیادہ سنی بریلوی اور پھر شیعہ ہیں کے منظم دہشت گردانہ جرم کی زمہ داری سنیت کی مبہم اور ناروا اصطلاح استعمال کرکے یا سلفی تکفیریت کی اصطلاح استعمال کرکے زبردستی اس میں اہلسنت بریلوی اور شیعہ کو بھی شریک کرنا چاہتا ہے

سنی بریلویوں یا شیعہ کے ہاں انفرادی یا وقتی اکا دکا دہشت گردی کی کوئی مثال سامنے رکھکر ان سب پر منظم تکفیری دہشت گردی اور تکفیری فاشزم کا الزام دھرنا اصل میں جنوبی ایشیا میں دیوبندی تکفیری دہشت گردی اور مڈل ایسٹ سمیت دنیا بھر میں سلفی -تکفیری فاشزم اور دہشت گردی کے منظم نیٹ ورک کے ساتھ بریلوی /شیعہ انفرادی دہشت گردی کی غلط طور پر بائنری بنانا ہے اور یہ شیعہ و صوفی سنی نسل کشی پر پردہ ڈالنا اور اس کو گول مول کرنا بھی ہے

کمرشل لبرل مافیا جس کے سرغنہ نجم سیٹھی ہیں کیونکہ انہوں نے ڈیلی ٹائمز کی ملکیت اور پھر فرائیڈے ٹائمز میں اور اس کے بعد جنگ ، جیو سے وابستہ ہونے کے بعد سے ایک پوری لاٹ ایسی تیار کی ہے جو امریکی سامراجیت کی جانب سے پوری دنیا میں نام نہاد جہادی دہشت گردی اور تکفیریت کو شیعہ -سنی اور سعودی ایران بائنری میں ٹرانسلیٹ کرتی ہے اور نجم سیٹھی اور ان کے  ماوتھ آرگن نام نہاد لبرل صحافی ، تجزیہ کار ، کالمسٹ اور اینکر پرسنز تو اس معاملے میں دو قدم آگے گئے ہیں وہ سپاہ صحابہ پاکستان / اہلسنت والجماعت کی نرم تمثال کاری ، اور اس کی موجودہ لدھیانوی و فاروقی اور سابقہ جو اب دیوبندی پاکستان علماء کونسل کی شکل میں موجود ہے کی قیادت جیسے طاہر اشرفی اور زاہد القاسمی جس کا باپ سپاہ صحابہ پاکستان کا بانی اور اس کی سپریم کونسل کا چئیرمین تھا اور وہ خود بھی سرگرم رہنماء رہا اور آج کل رانا ثناء اللہ کا رایٹ ہینڈ ہے کو امن کے پیامبر کے طور پر پیش کرتے ہیں ، نجم سیٹھی اور ان کے جملہ ساتھیوں کے اس کردار کو بے نقاب کرنے کی کوشش کرنے والوں کے خلاف سب سے زیادہ سرگرم ان دنوں میں بینا سرور گروپ ہے اور اس گروپ کا واحد مقصد نجم سیٹھی کے سیاہ کارناموں کو چھپانا ہے اور پھر پاکستان میں لبرل اور سیکولر حلقوں میں
False binaries

غلط مساوات کا پروپیگنڈا کرنا ہے ، عارف جمال کا حالیہ فیس بک سٹیٹس اس بات کا آئینہ دار ہے کہ وہ اپنی ہی کہی ہوئی بہت سی باتوں کی تردید کرکے شیعہ -سنی بائنری اور اسی تناظر میں سعودی - ایران بائنری کو زبردستی درست ثابت کرنے کی کوشش کررہے ہیں

پاکستان کا یہ کمرشل لبرل مافیا اور نام نہاد دفاعی تجزیہ نگار سعودی ویکیلیس پر خاموش بیٹھے ہیں اور بہت تندی اور مستعدی کے ساتھ دیوبندی تکفیری دہشت گردی کا شکار شیعہ ، صوفی سنی کے اندر تکفیریت کے منظم رجحان کی تلاش میں مصروف ہیں ، ان کو وہاں سے لے دیکر صرف و صرف ممتاز قادری کی چند ایک حلقوں کی جانب سے موافقت نظر آتی ہے تو یہ 22 ہزار شیعہ ، 45 ہزار سنی بریلوی ، کئی سو کرسچن و احمدی و ہندو ، عام دیوبندی و سلفیوں کے قاتل دیوبندی تکفیری دہشت گردوں کی بائنری سنی بریلوی اور شیعہ کے ساتھ بنانے لگتے ہیں

پاکستان کا لبرل رائٹ بلاگ ایل یو بی پاک المعروف تعمیر پاکستان اس وقت کمرشل لبرل مافیا اور ان کی صفوں میں جا شامل ہونے والے چند ایک کرئیرسٹ لبرلز کے مسلسل حملوں کی زد میں بھی اس لئے ہے کہ وہ

False Shia -Sunni Binary , Saudi -Iran Binary and obfuscation if Deobandi Takfiri identity of Pakistani based takfiri terrorist groups and their sympathisers

کے خلاف سرگرم ہے اور ان بائنریز اور شناخت کو ابہام کے اندھیروں میں پھینکنے والے کمرشل لبرل مافیا کو بے نقاب کررہا ہے

راقم نے بھی جب اس کھلی بے ایمانی ، ڈھٹائی اور علمی بدیانتی کا پردہ چاک کرنا شروع کیا تو چند اور چہرے بے نقاب ہوکر سامنے آگئے اور ان کی جانب سے اس قدر جھوٹ اور تہمتوں کی بارش ہوئی کہ الامان الحفیظ کی صدائیں بلند ہونے لگیں

میں اپنے ان دوستوں کو جنھوں نے مجھ سے ای میل ، فون ، میسجنگ کے زریعے سے یہ پوچھا کہ آخر بظاہر لبرل ، سیکولر اور ترقی پسند نظر آنے والوں کی جانب سے مجھ پر حملے اور میری طرف سے جوابی تنقید کا سلسلہ کیوں جاری ہے سب کو انباکس ، اور فون چیٹ پر بھی بتاچکا ہوں اور اب اس بلاگ کے زریعے سے بھی بتارہا ہوں کہ سلمان حیدر سمیت جتنے بھی نئے نئے لوگ ہیں جو نجم سیٹھی کے لبرل کمرشلز کو بچانے کے لئے سرگرداں ہیں ان کا حملہ سوائے مفاد عاجلہ اور زاتی کرئیرازم کے اور کچھ بھی نہیں ہے اور ان کی جانب سے مجھ پر یا علی عباس تاج ایڈیٹر انچیف ایل یو بی پاک ، خرم زکی پر جو الزامات لگائے گئے جن میں سرفہرست ہم پر تکفیری ہونے کا الزام ہے اور بلاسفیمی کارڈ کھیلنے کا تو ان کی جھوٹ کا اندازہ اس امر سے لگایا جاسکتا ہے کہ پہلے تو یہ کوئی سچا ، جھوٹا ثبوت لا نہ سکے لیکن پھر انہوں نے جعل سازی کرتے ہوئے میرے ، علی عباس تاج ، خرم زکی ، ایل یو بی پاک آرکائیوز کے من گھڑت سکرین شاٹ کے نام پر سٹیٹس بنائے جن کا فیس بک لنک مانگنے کے باوجود نہ دیا گیا اور علی عباس تاج کے نام پر جعل سازی سے جو سکرین شاٹ بنایا گیا اس پر تاریخ 2013 ء کی اور تھریڈ المانہ فصیح پر توھین مذھب کا مقدمہ درج خرنے کے مطالبے کا تھا ، المانہ فصیح کی جانب سے نازیبا کلمات 2015 ء جون کے ماہ میں سامنے آئے اور اس کے خلاف تکفیری تھریڈ 2013ء یعنی دو سال پہلے ہی آگیا .... اس کو کہتے ہیں دروغ گو حافظہ نہ باشد کہ جھوٹے کا حافظہ نہیں ہوتا

سلمان حیدر ، علی ارقم نے تواتر سے ایل یو بی پاک پر یہ الزام لگایا کہ المانہ فصیح کے واجب القتل ہونے اور اس پر بلاسفیمی کے تحت مقدمہ درج کرنے کی کمپئن چلائی گئی ہے لیکن جب بھی ثبوت مانگے گئے کسی کے پاس اس کی شہادت ایل یو بی پاک کے بلاگ ، ایل یو بی کی ٹیم کے اکاونٹس کی تھریڈ یا اس کے موقف کی حمائت کرنے والے میرے جیسے بلاگر کے بلاگ یا فیس بک و ٹوئٹر سے ان کے پاس نہ کل تھی نہ آج ہے اور یہی وجہ ہے کہ زید پر قتل کا الزام ثابت کرنے کے لئے بنا کسی ثبوت کے کہا جارہا ہے کہ وہ جو بکر کے نام سے گولی حنیف کو لگی تھی وہ اصل میں زید تھا بکر کے لباس میں اور جب ثبوت مانگا جائے تو کہا جاتا ہے بس بکر کا گولی چلانا ہی زید کے قاتل ہونے کی نشانی اور ثبوت ہے اور اگر داخلی شواہد سے یہ پتہ چلے کہ زید کو قاتل قرار دینے والے بکر کے بھیس میں خود تھے تو پھر بھی ان کی جانب سے شور مچانے کا سلسلہ جاری رہتا ہے
، ابراہیم امین ایڈیٹر انچیف روزنامہ الاخبار بیروت نے اپنے ایک کالم

غبی ، چور اور فقیر
میں لکھا ہے کہ وکیلیکس سے لبنان کے جن صحافیوں ، سیاست دانوں اور مذھبی لیڈروں اور نام نہاد سیکولر لبرل تجزیہ نگاروں کے سعودی عرب کے در کے فقیر ، چور اور غبی ہونے کا ثبوت ملا ہے وہ چور بھی اور چتر بھی ہونے کا ثبوت دیتے ہوئے اب یہ کہتے ہیں کہ
ھاں ہم سعودی عرب کے کیمپ میں ہیں اور جنھوں نے یہ وکیلیکس شایع کی ہیں وہ ایرانی کیمپ میں ہیں ، یہ ہی صورت حال پاکستان کے کمرشل لبرل مافیا کی ہے کہ وہ بے شرمی کے ساتھ پاکستان میں شیعہ و صوفی سنی نسل کشی کو ردعمل قرار دیتا ہے اور اسے دو متحارب کیمپوں کی لڑائی قرار دیتا ہے جس میں 22 ہزار صوفی سنی ، 45 ہزار شیعہ اور باقی جو دیوبندی اور سلفی عام بھی مارے گئے سب کے سب دیوبندی دہشت گردوں کے ھاتھ مارے گئے اور خود تکفیری گروپ ملک اسحاق کے لوگوں نے شمس معاویہ کو مارا تو الزام شیعہ پر لگاڈالا بعد میں پول کھل گیا ، گویا شیعہ - دیوبندی بائنری کا سامان بھی دیوبندی  تکفیری خود ہی پیدا کرتے ہیں ، یہ یک طرفہ منظم قتل و غارت گری اور نسل کشی ہے جس پر پردہ ڈالا جارہا ہے