Saturday, December 3, 2011

منصور اعجاز کے تازہ انکشافات لیل و نہار/عامر حسینی

منصور اعجاز کے تازہ انکشافات
لیل و نہار/عامر حسینی
منصور اعجاز کا ایک نیا مضمون امریکی جریدہ نیوز ویک میں شایع ہونے جا رہا ہے-ایک ویب سائٹ ہے جس نے یہ انکشاف کیا ہے-اور اس نے اس مضمون کے چند مندرجات بھی درج کے ہیں-منصور اعجاز نے اس مضمون میں اس مرتبہ حسیں حقانی پر زیادہ سنگین الزام عائد کے ہیں-اس نے اس مرتبہ صدر زرداری پر بھی براہ راست الزامات لگائے ہیں-
منصور اعجاز کا سب سے سنگین الزام تو یہ ہے کہ حسین حقانی اور صدر زرداری کو سی آئی اے نے اسامہ بن لادن کی ایبٹ آباد میں موجودگی بارے حسین حقانی اور صدر زرداری کو بتا دیا تھا-اور صدر زرداری نے سی آئی اے کو یہ آپریشن کرنے کا گرین سگنل دے ڈالا تھا-اس کے خیال میں صدر زرداری اسامہ بن لادن کے خلاف امریکی کاروائی کو بنیاد بنا کر آرمی چیف اور ڈی جی آئی ایس آئی کو برطرف کرنا چاہتے تھے-اور وہ یہ کام کرتے ہوئے امریکہ کی حمایت کے بھی خواہاں تھے-اسی لئے صدر زرداری نے حسین حقانی کو میمو لکھنے کا کہا تھا-
منصور اعجاز کے مطابق حسین حقانی نے ان کو میمو لکھنے اور اس کو مولن تک پہنچانے کے لئے اس لئے منتخب کیا تھا کہ ان کو معلوم تھا کہ ان کے علاوہ کسی اور کی مولن تک ایسے رسائی نہیں ہے-
منصور اعجاز نے یہ بھی کہا ہے کہ صدر زرداری کا کسی بھی ادارے پر کوئی کنٹرول نہیں ہے-وہ موجودہ سویلین حکومت کو کمزور ترین حکومت قرار دے رہے ہیں-
مصور اعجاز نے میمو ایشو پر مزید روشنی ڈالتے ہوئے -حسین حقانی پر یہ الزام عائد کیا ہے کہ انھوں نے تین مرتبہ اپنا بلیک بیری تبدیل کیا-اور تین مرتبہ پن کوڈ بھی تبدیل کیا-ان کا یہ بھی کہنا ہے کہ حسین حقانی نے امریکہ کے خفیہ اداروں میں اپنے دوستوں کی مدد سے اپنے بلیک بیری سیٹوں سے مواد کو بھی ختم کرایا -اس طرح ان کا خیال تھا کہ وہ مواد میرے بلیک بیری سے بھی ختم ہوجائے گا -لکین ایسا نہیں ہوا-وہ سارا مواد موجود ہے-
منصور اعجاز کے یہ نئے انکشافات ایسے دھماکہ خیز تھے کہ وائٹ ہاؤس کو اس حوالے سے وضاحت کرنا پڑ گئی-کہ منصور اعجاز کا یہ کہنا ٹھیک نہیں ہے کہ کہ اسامہ بن لادن کے خلاف کاروائی کا پاکستان کی حکومت یا کسی اور اہلکار کو اس کا علم تھا-معاملے کی حساسیت کی وجہ سے اس کی خبر کسی کو بھی نہیں دی گئی تھی-لکین منصور اعجاز کے ان انکشفات نے پاکستان میں پھر سے ایک ہلچل مچا دی ہے-کیونکہ یہ تو واضح ہے کہ فوجی قیادت منصور اعجاز کی باتوں کو غیر سنجیدگی سے نہیں لے رہی-اس کی سنجیدگی کا یہ عالم ہے کہ ڈی جی آئی ایس آئی خود جا کر لندن میں منصور اعجاز کو ملے تھے-اور انھوں نے منصور اعجاز سے گفتگو کے دوران نوٹس بھی بنائے تھے-اگرچہ یہ بات اپنی جگہ اہم ہے کہ منصور اعجاز جو کہ آئی ایس آئی اور فوج سے سخت نفرت کرتا ہے-اور ان کو امریکی مشکلات کا ذمہ دار بھی قرار دیتا ہے-وہ کیوں اور کیسے آئی ایس آئی کے سربراہ سے لندن ملنے کو تیار ہو گیا-اور وہ کیوں فوجی قیادت اور آئی ایس آئی کو بچانا چاہتا ہے/وہ ایک سویلین حکومت کی مشکلات میں اضافہ کر رہاہے-
کچھ لوگوں کا خیال یہ ہے کہ منصور اعجاز کو چارہ بنا کر حسین حقانی کے آگے ڈالا گیا تھا-اور حسین حقانی اس چارہ کے فریب میں آگئے-یہ بھی ہو سکتا ہے کہ منصور اعجاز آئی ایس آئی کا ہی ایک مہرہ تھے-جس کو آئی ایس آئی نے حسین حقانی کو بے نقاب کرنے کے لئے استعمال کیا-اب اس میں صدر زرداری کا بھی کھل کر نام لیا جا رہا ہے-
اب تک منصور اعجاز کو کسی نے طلب کرنے کی کوشش نہیں کی-نہ ہی ان کو پاکستان بلا کر تحقیق کرنے کی کوشش ہوئی ہے-جبکہ منصور اعجاز کا کہنا ہے کہووہ کسی بھی جگہ اور کسی بھی عدالت میں وہ آنے کو تیار ہیں-اوربھی تک یہ بھی معلوم نہیں ہوا ہے کہ میمو گیٹ ایشو کی تحقیقات کس ادارے یا کمیٹی کو سونپی گئی ہیں-اور ان کی تحقیق کون کررہا ہے-حکومت کا یہ وہ کمزور ایہلو ہے جس سے فائدہ اٹھا کر نواز شریف سپریم کورٹ چلے گئے-اور انھوں نے پارلیمنٹ کو غیر فعال تک کہ ڈالا-
منصور اعجاز اب تک امریکی میڈیا میں اپنے انکشافات کو مضامین اور انٹرویو کی صورت میں چھپوا رہے ہیں-حسین حقانی نے نیوز ویک کی مدیرہ کو ایک خط لکھا ہے کہ منصور اعجاز نے اپنے مضمون میں جو الزامات لگائے ہیں -وہ سراسر بے بنیاد ہیں-اور اگر یہ مضمون چھپتا ہے تو وہ میگزین کے خلاف عدالت میں جائیں گے-سوال یہاں پر یہ جنم لیتا ہے کہ اگر وہ اس مرتبہ نیوز ویک کے خلاف عدالت میں جا سکتے ہیں تو وہ اس وقت عدالت میں کیوں نہ گئے-جب منصور اعجاز نے پہلی مرتبہ میمو کا ذمہ دار ان کو قرار دیا تھا؟اور ابھی تک وہ کسی عدالت میں منصور اعجاز کیخلاف نہیں گئے-ان کا نہ جانا بھی کافی شکوک و شبھات پیدا کر رہا ہے-
عام طور پر حکومت کے بارے میں یہ تاثر پختہ ہوتا جا رہا ہے کہ وہ کسی بھی اہم ایشو پر اتنی تندہی سے کام نہیں کرپاتی جس قدر ضرورت ہوتی ہے-اور جب پانی سر چڑھ جاتا ہے تو پھر بھاگ دوڑ شروع کی جاتی ہے-میمو ایشو میں بھی یہی بات دیکھنے کو ملی-یہ تو سامنے کی بات ہے کہ پنجاب کے اندر پی پی پی کے صوبائی اراکین اسمبلی بہت عرصۂ سے کہ رہے تھے کہ ان کو پنجاب حکومت تو فنڈ نہیں دیتی -لکین وفاق بھی ان پر توجہ نہیں دیتا -وزیر اعظم پر یہ الزام تھا کہ وہ پارٹی سے زیادہ گیلانی گروپ کو مضبوط کرنے کی فکر کر رہے ہیں-یہ شکوے چلتے رہے-ان پر کوئی توجہ نہ دی گئی-تاوقتیکہ پی پی پی کے اندر فارورڈ بلاک کی باتیں میڈیا پر سامنے آنے لگیں-اور شاہ محمود قریشی کیمپ نے یہ کہنا شروع کر دیا کہ بہت سارے صوبائی اسمبلی کے ممبران پی پی پی سے ٹوٹ کر ان کے ساتھ ملنے والے ہیں-اس پر وزیر اعظم یوسف رضا گیلانی پی پی پی پنجاب کی پارلیمانی پارٹی کسے ملے اور موقعہ پر ممبران کو ٧ ،٧ کروڑ کے ترقیاتی فنڈ اور اسلحہ کے لائیسنس بھی دینے کا فیصلہ ہوگیا-
اب آصف علی زرداری کے پارٹی پر کنٹرول پر بھی سوال اٹھنا شروع ہو گئے ہیں-سندھ میں ذوالفقار مرزا کی روش نے ان کے پارٹی پر کنٹرول کھونے کے تاثر کو مضبوط کیا ہے-اور آصف علی زرداری جب پی پی پی کی سنٹرل کمیٹی کی بجائے پی پی پی کی کور کمیٹی جس کی کوئی آئینی حثیت نہیں بنتی کے پلیٹ فارم سے انتہائی اہم فیصلے کرتے ہیں-اور ہر بحران پر اسی کا اجلاس بلایا جاتا ہے-تو بھی ان کی کمزوری کا تاثر ابھرتا ہے-ایسے میں منصور اعجاز کا یہ کہنا کہ صدر آصف علی زرداری ایک کمزور شخص ہیں اور ان کا کسی ادارہ پر کنٹرول نہیں ہے-حکومت اور آصف زرداری کی مشکلات میں مزید اضافہ کر دیا ہے-شائد پی پی پی کے کچھ لوگوں نے صدر زرداری کو ٹھیک مشوره دیا ہے کہ اب وقت آگیا ہے کہ وہ اپنی پارٹی کے کارکنوں سے ملین-اور نیچے عوام میں اپنے حامیوں سے رجوع کریں-ان کی پارٹی کو تیزی سے سرگرم ہونے کی ضرورت ہے-اس وقت پی پی پی کی تنظیمی صورت حال بہت خراب ہے-یہ بے نظیر کے دور میں بھی کچھ زیادہ بہتر نہیں تھی-لکین ان کی شخصیت کا کرشمہ اس پارٹی کے کارکنوں کو متحرک کر دیتا تھا-یہ بات صدر زرداری کو بھی معلوم ہے کہ وہ کرشمہ سے محروم ہیں-ان کی ضرورت ہے کہ وہ اس محرومی کو دور کرنے کے لئے اپنی پارٹی کے تنظیمی ڈھانچہ کو مضبوط کریں-کارکنوں میں پھیلی بد دلی کو دور کریں-ورنہ حکومت اور ان کی پارٹی کو تنہائی سے کوئی نہیں بچا سکے گا-

کیا جمہوریت خطرے میں ہے؟

کیا جمہوریت خطرے میں ہے؟
لیل و نہار /عامر حسینی
میاں محمد نواز شریف جعمرات کے دن سپریم کورٹ کے نو رکنی پبنچ کے سامنے پیش ہوئے-انھوں نے میمو ایشو پر یہ موقف اختیار کیا کہ حقانی نے یہ میمو خود نہیں لکھا -بلکہ کسی کے کہنے پر لکھا ہے-اس کردار کو بےنقاب ہونا چاہئے-انھوں نے کہا کہ میمو کے ذمہ داران کے خلاف آئین کی شق ٦ کے تحت کاروائی ہونی چاہئے-انھوں نے پارلیمنٹ کو بھی غیر فعال قراردے ڈالا -سپریم کورٹ نے ان کی بات سننے کے بعد ٩ صفحات پر مشتمل ایک فیصلہ سنایا -اس فیصلے میں سپریم کورٹ نے میمو گیٹ اشو پر ایک کیمشن مقرر کرنے کا فیصلہ کیا-اور انھوں نے حسین حقانی کے ملک سے جانے پر پابندی عائد کردی-انھوں نے آئی ایس آئی کے چیف،آرمی چیف اور وزیر اعظم کو بھی کیمشن کو سارے حقائق سے آگاہ کرنے کا حکم دیا-اس کے ساتھ ساتھ سپریم کورٹ نے کمیشن کو پندرہ دن کے اندر اندر سارے معاملے تحقیق کر کے رپورٹ سپریم کورٹ میں پیش کرنے کی ہدایت بھی کی-
ابھی یہ تفصیلی لکھا ہوا فیصلہ آیا بھی نہیں تھا کہ ایوان صدر میں پی پی پی کا انتہائی اہم اجلاس منعقد ہوا-اس اجلاس میں یہ فیصلہ کیا گیا کہ پی پی پی کے رہنما ایک پریس کانفرنس کے ساتھ اس فیصلے پر اپنے رد عمل کا اظہار کریں گیں-یہ پریس کانفرنس ڈاکٹر بابر اعوان ،خورشید شاہ ،عاشق فردوس اعوان اور قمر الزمان کائرہ نے مل کر کی-اس پریس کانفرنس میں پی پی پی کی طرف سے یہ کہا گیا کہ سپریم کورٹ نے وفاق کو سنے بغیر فیصلہ صادر کر دیا-اور سپریم کورٹ کو کیمشن بنانے کا اختیار نہیں تھا-
اس معاملے پر قانونی ماہرین بھی تقسیم نظر آتے ہیں کہ سپریم کورٹ کو کیمشن بنانے کا اختیار تھا یا نہیں-لکین ایک بات تو ظاہر ہے کہ میاں نواز شریف نے چونکہ حکومت اور حسین حقانی کو مقدمہ کا فریق بنایا تھا -تو ان کو بھی اپنا موقف پیش کرنے کی اجازت دی جاتی-یہ اجازت کیوں نہیں دی گئی -یہ ایک سوالیہ نشان ہے-
پھر صورت حال یہ تھی کہ اس وقت میمو ایشو پر وزیر اعظم یوسف رضا گیلانی نے ایک کمیٹی قائم کی ہوئی تھی-جو اس معاملے کی تحقیقات کر رہی ہے-اور پھر خود آئی ایس آئی نے بھی اس معاملے کی تھققیق شروع کر رکھی تھی-سپریم کورٹ از خود کوئی کیمشن بنانے کی بجائے حکومت سے جواب طلب کر سکتی تھی-اگر جواب تسلی بخش نہ ہوتا تو کیمشن قائم کرنے کا حکم دیا جا سکتا تھا-اس فیصلے میں سپریم کورٹ کے نورکنی بنچ نے ایک مرتبہ پھر طارق کھوسہ کو کیمشن کا سربراہ مقرر کیا ہے-لوگ اب یہ بھی سوال کرتے ہیں کہ کیا افسر شاہی کی لاٹ میں ایماندار دفسر اب صرف ظفر قریشی ،طارق کھوسہ ہی رہ گئے ہیں-کسی افسر کے غلط اقدام یا تفشیش صحیح نہ کرنے پر اس کو ہٹانے کا حکم دینے کا اختیار تو عدالت کے پاس ہے-لکین مرضی کے افسر تعینات کرنے کا اختیار تو آئین میں کسی جگہ بھی سپریم کورٹ کو نہیں دیا گیا ہے-یہ ایک ایسی صورت حال ہے جس پر ہر غیر جانبدار آدمی کو بھی تشویش ہونا لازمی ہے-
میں اگرچہ یہ کہوں گا کہ پریس کانفرنس میں ڈاکٹر بابر اعوان کا سپریم کورٹ کی طرف رویہ کچھ حد سے زیادہ سخت تھا-لکین آزاد عدلیہ کے بارے میں اب یہ تاثر عام ہوتا جا رہا ہے کہ وہ مخصوص قسم کے مقدمات کی سماعت کر رہی ہے-یہ تاثر اس لئے پیدا ہوا ہے کہ لاہور ہائی کورٹ اور خود سپریم کورٹ نے میاں نواز شریف اور ان کے ساتھیوں کو ایسے سٹے دئے ہیں جن کی وجہ سے ان پر کوئی مقدمہ کھل نہیں پا رہا ہے-اسی طرح سپریم کورٹ نجانے کیوں آئی ایس آئی کی طرف سے آئی جے آئی کو رقوم فراہم کے جانے والے کیس کی سماعت نہیں کر رہی -اسی طرح بھٹو کیس پر بھی اتنی دلچسپی کا مظاہرہ دیکھنے کو نہیں مل رہا -جتنی دلچسپی ایسے کیسوں میں دکھائی جاتی ہے جو حکومت کے خلاف ہوتے ہیں-یہ وہ باتیں ہیں جو پی پی پی کے لوگ ہی نہیں بلکہ عام آدمی بھی کرتے ہیں-
پھر یہاں پر ہمیں جسٹس طارق محمود کی بات پر بھی غور کرنا چاہئے کہ جن کے مطابق حکمت عدلیہ چتقلش کی وجہ سے اور عدالتوں کی طرف میڈیا ہائیپ پیدا کرنے والے کیسز کی جلدی سماعتوں کی وجہ سے جو عام آدمی کے کیسز ہیں -وہ بری طرح سے التوا کا شکار ہیں-عام سائلین کو سخت مشکلات کا سامنا ہے-یہ آمدمی عدالتوں کے مخصوص ایکٹو ازم سے بار طرح سے متاثر ہوا ہے-یہ اپنی مشکلات کا رونا کس کے سامنے روئے-اس کو نہ تو انتظامیہ انصاف فراہم کر رہی ہے-اور نہ ہی عدالتوں سے اس کو انصاف فراہم ہو رہا ہے-آزاد عدلیہ اور جمہوریت کی بحالی یہ دونوں سلوگنز اگر عوام کی مشکلات کا خاتمہ کرنے کی بجائے -ریاست کے دو اداروں میں اختیارات کی جنگ کے ٹول بن جاتے ہیں تو پھر عام آدمی کی مایوسی کا جواز تو بنتا ہے-
ڈاکٹر بابر اعوان نے پی پی پی کے احتساب اور عدالتی ٹرائل کا ذکر کیا -اور اس دوراننھوں نے یہ بھی کہنے کی کوشش کی کہ یہ ٹرائل اس لئے ہورہا ہے کہ آصف علی زرداری سندھی ہیں -تو میرا خیال ہے کہ انھوں نے جلدبازی سے کام لیا ہے-یہ ٹھیک ہے کہ پاکستان کی عدالتوں کی ماضی میں یہ روش رہی ہے کہ اس نے جمہوری سیاست کو ریلیف دینے کی بجائے آمر حکمرانوں کو ریلیف دینے میں زیادہ دلچسپی دکھائی-لکین اس دور حکومت میں پاور سیکنڈل،این آئی سی ایل کیس،حج فراڈ کیس میں جو فراڈ سامنے آئے -ان کا احتساب کرنے کو پی پی پی کا میڈیا ٹرائل کہنا غلط ہے-پی پی پی کی حکومت کو بدعنوان کوئی بھی ہو اس کے لئے پارٹی کے امیج کو داؤ پر لگانے کی کیا ضرورت ہے-ان کو این آر او کیس سمیت وفاق کے خلاف بننے والے ہر کیس میں اپنے کیمپ کی طرف سے کیس ٹھیک طرح سے نہ لڑنے جیسی خامی پر بھی غور کرنا چاہئے-وہ این آر یو نظر ثانی کیس میں عدالت میں پیش ہوئے تھے-عدالت ان سے دو دیں یہ پوچھتی رہی کہ جس کیس کا دفاع تک کرنے سے حکمت کو انکار تھا -اس کیس کی نظر ثانی کی درخواست کیوں دائر کی گئی-اور اس کیس میں پانچ وکیل کیوں بدلے گئے-کمال اظفر کہاں چلے گئے؟-اور وہ تو یہ بھی نہ بتا سکے کہ وفاق کیسے اس کیس میں متاثر ہوا -انھوں نے عدالت کو یہ بھی نہیں بتایا کہ آخر سوئیس حکام کو خط لکھنے میں حکومت کو کیا روکاوٹ درپیش آرہی ہے-وہ عدالت کے ریکارڈ میں کوئی بات بھی تو درج نہ کرسکے-یہ ایک ایسا حکومتی وکلاء کی ناہلی کا پہلو ہے-جس کا کوئی جواب حکومت کے پاس نہیں ہے-اب اس ناہلی کو چھپانے کے لئے عدالتوں کو نسلی یا لسانی تعصب کا شکار قرار دینا مناسب بات نہیں لگتی ہے-
پی پی پی کے رہنماؤں نے میاں نواز شریف کی طرف سے میمو گیٹ ایشو پر عدالت پر جانے کو جن بنیادوں پر تنقید کا نشانہ بنایا ہے-وہ ٹھیک نظر آتے ہیں-کیوں کہ میاں نواز شریف نے پارلیمنٹ کو غیر فعال قرار دیا -تو یہ بات ان کے منہ سے اچھی نہیں لگتی-کیونکہ آئینی ترامیم اور قانون سازی کے حوالے سے یہ پارلیمنٹ اپنی پیش رو پارلیمنٹوں سے بہت بہتر کارکردگی کی مالک ہے-بلکہ اس پارلیمنٹ نے تو صوبائی خودمختاری کا ایشو بھی حل کر دیا ہے-جو ٧٣ کی اسمبلی بھی نہیں کر سکی تھی-١٨ وین ترمیم ،این ایف سی ایوارڈ جیسے اقدامات سنہری الفاظ میں لکھےجانے کے قابل اقدامات ہیں-اور ان کو کرنے میں خود مسلم لیگ نواز کا بھی بہت ہاتھ ہے-پاکستان کی یہ واحد پارلیمنٹ ہے -جس میں قائمہ کیمٹیوں میں جہاں حزب اختلاف کی نمائندگی موجود ہے-بلکہ ان کی کارکردگی بھی سابقہ ادوار سے کہیں زیادہ ہے-پبلک اکاونٹس کمیٹی کو جس قدر اختیارات اس پارلیمنٹ میں ملے پہلے کبھی نہیں تھے-اور قومی سلامتی کی قائمہ کیمٹی کو بھی بہت اختیارات ملے-یہ ایسی چیزیں ہیں جن کو نظر انداز نہیں کیا جاسکتا-اور قومی اسمبلی کو غیر فعال کہ دینا ٹھیک نہیں ہے-اس طرح کے فقرے اگمیاں نواز شریف جیسے سیاست دنوں کے منہ سنکلے گیں تو پھر ملک میں جمہوری نظام کا خدا ہی حافظ ہے-
میاں نواز شریف کو سیاسی ایشوز پر پارلیمنٹ کے اندر اور پارلیمنٹ کے باہر جدوجہد کرنے سے کوئی نہیں روکتا-لکین اگر وہ عدالتوں میں جائیں گے تو پھر جمہوریت کا سفر ہموار طریقہ سے جاری نہیں رہ سکے گا-لوگ یہ بھی سوچنے پر مجبور ہو رہے ہیں کہ اگر کچھ سیاسی جماعتیں یہ سوچ لیں کہ ان کو انتخاب کی سیاست سے اقتدار نہیں ملے گا -اور وہ جمہوری طریقہ سے کسی حکومت یا جماعت کو شکست نہیں دے سکتے -تو ان کو اس حکومت کا تختہ یا تو فوج کے ساتھ مل کر کر دینا چاہئے یا عدالت سے ان کی نااہلی کا نوٹیفکیشن لینے کی وہ کوشش کرے تو پھر اس صورت میں آمروں کو اقتدار پر قبضہ کرنے سے کوئی نہیں روک سکتا-
پاکستان میں جمہوریت پسند قوتوں کو یہ تشویش بجا طور پر لاحق ہے کہ جب انتظامی امور کا سربراہ وزیر اعظم ہے-اور اسی پر حکومتی اقدمات کی ذمہ داری عائد ہوتی ہے تو پھر صدر کی ذات پر تنقید کا مطلب کیا ہے-اور جب حزب اختلاف گو زرداری گو کہتی ہے تو یہ بات سمجھ میں نہیں آتی کہ کیا حزب اختلاف کی جماعتوں کی نظر میں صدر کا ملک کی اسمبلیوں سے انتخاب کا کوئی مطلوب نہیں بنتا ہے؟کیا صدر زرداری کوئی چور دروازہ استعمال کر کے صدرات کے منصب پر فائز ہوئے ہیں؟پھر ان کے خلاف اس قدر شور کیوں پبا ہے؟مسلم لیگ نواز ایک عوامی جمہوری جماعت ہے-اس کو جمہوری طریقے سے حکمت کے خلاف جدوجہد کرنی چاہئے-
میں سمجھتا ہوں کہ جب تک مسلم لیگ نواز اور پی پی پی نہیں چاہئیں گی ملک میں نہ تو فوجی حکمت آسکتی ہے-اور نہ ہی بنگلہ دیش ماڈل آسکتا ہے-لکین اگر ان دو جماعتوں نے محاز آرائی کا یہ سفر اسی طرح سے جاری رکھا -اور ایک دوسرے کے خلاف اسی لب و لہجہ میں بات جاری رکھی جس میں پہلے سپریم کورٹ کے اندر نواز شریف نے کی -اور بعد میں بابر اعوان نے کی-تو پھر جمہوریت کو واقعی خطرات لاحق ہیں-اور ملک میں جمہوریت کا سفر کسی وقت بھی رک سکتا ہے-

Thursday, November 10, 2011

پردۂ غیب سے کیا ظاہر ہونے والا ہے؟

پردۂ غیب سے کیا ظاہر ہونے والا ہے؟
تحریر :عامر حسینی
اس وقت یہ تو صاف نظر آ رہا ہے کہ پاکستان کی سیاست کے اہم کھلاڑی پنجاب کو اپنی سیاست کا مرکزی فوکس بناے ہوئے ہیں-مسلم لیگ نواز کا جو اجلاس رائے ونڈ میں میاں نواز شریف کے گھر پر ہوا -اس میں پہلی مرتبہ میں نواز شریف کی صاحبزادی مریم نواز شریف نے بھی شرکت کی-وہاں سے یہ خبریں ملی ہیں کہ مریم نواز شریف کو میدان سیاست میں اتارا جا رہا ہے-ان کو سیاست میں اتارے جانے کا ایک تو مقصد یہ بتایا گیا ہے کہ پنجاب میں خواتین کے اندر مسلم لیگ نواز کو مقبول بنانا مقصود ہے-مسلم لیگ نواز کے لوگوں کے مطابق اس وقت مسلم لیگ کو ایسی نوجوان خاتون کی اشد ضرورت ہے جو پنجاب میں تاجروں،مڈل کلاس پرتوں کی خواتین خاص طور پر نوجوان خواتین کو پاکستان تحریک انصاف میں جانے سے روک سکے-اس سے قبل میں نواز شریف اور شہباز شریف نے حمزہ شیباز شریف کو میدان میں اس لئے اتارا تھا کہ وہ نوجوانوں کو مسلم لیگ کی طرف راغب کر سکیں-لکین لگتا ہے کہ وہ مسلم لیگ نواز کی امیدوں پر اس طرح سے پورا نہیں اترے -جس کی امید کی جا رہی تھی-وہ مسلم لیگ کے نوجوانوں کے لئے متاثر کن اور سحر انگیز اور کرشماتی شخصیت ثابت نہیں ہو سکے-مریم نواز کی سیاست میں آمد مسلم لیگ نواز کے لئے سیاست میں ہوا کا تازہ جھونکا ثابت ہوسکے گی-پی پی پی کے شریک چیرمین آصف علی زرداری بلاول کو پہلے لئے سیاست کے میدان میں اتار چکے ہیں-ان کے لئے لیاری کا قومی اسمبلی کا حلقہ بھی چن لیا گیا ہے-جبکہ یوسف رضا گیلانی نے اپنے بیٹے قادر گیلانی کو متحرک کر دیا ہے-دوسری طرف شاہ محمود قریشی اپنے بیٹے زین قریشی کو میدان میں اتار چکے ہیں-چوہدری برداران مونس الہی کو سامنے لیکر آئے ہیں-یہ پاکستان کے طاقتور سیاستدانوں کی نوجوان اولاد پاکستانی سیاست میں کسی تبدلی کا سبب بن سکے گی؟کیا پاکستان کی نوجوان نسل ان نوجوان چہروں کی تازگی سے متاثر ہو کر ان کو اپنا رہبر اور رہنما ماں لیں گے؟یہ سوالات ایسے ہیں کہ ان کا ایک جواب تو یہ بنتا ہے کہ یہ نوجوان اپنے اپنے خاندان کے سیاسی ورثہ کو بچانے کے لئے میدان میں آئے ہیں-ان کے پیش نظر سیاست پر اپنے خاندانوں کی اجارہ داری برقرار رکھنے کا ہدف زیادہ اور پہلی اہمیت کا حامل ہے-ان نوجوان لیڈروں کو جہاں اپنے خاندانوں کی سیاسی پہچان کا فائدہ ہے-وہاں پر ان خاندانوں کے ساتھ جو بدنامیاں لگی ہوئی ہیں ان کا نقصان بھی کافی ہے-مرمیم نواز شریف پنجاب کی نوجوان خواتین کو اس وقت متاثر کر سکتی ہیں -جب وہ کم از کم نواز لیگ کے روایتی سلوگنز سے ہٹ کر اس نسل کی امنگوں کی ترجمانی کرنے کی کوشش کریں-یہ بات بہت واضح ہے کہ پنجاب کی شہری آبادی کے نوجوان مرد اور عورتوں کی اکثریت نواز شریف اور ان کے ساتھیوں کی سیاست سے مایوس ہو کر تحریک انصاف کی طرف جا رہی ہے-یہ نوجوان ٨٨ کے بعد سے لیکر اب تک چلی آنے والی سیاست سے بہت زیادہ بیزار ہیں-یہ کرپشن کے خلاف تو ہیں ہی-یہ سیاسی بنیادوں پر ہونے والی بھرتیوں کے ڈسے ہوئے بھی ہیں-اسی لئے ان کو عمران خان کی طرف سے میرٹ اور انصاف کو سلوگن بہت زیادہ اپیل کر رہا ہے-پنجاب کے اربن مرکز میں خصوصی طور پر اور پورے پنجاب میں عمومی طور پر پڑھے لکھ نوجوانوں میں سفارش ،بے انصافی اور کرپشیں کے خلاف سخت نفرت موجود ہے-اور یہ نوجوان نسل ان تین برائیوں کا سبب دو بڑی سیاسی پارٹیوں کو خیال کرتی ہے-مسلم لیگ نواز ہی پنجاب میں نوجوان نسل کی حمایت سے محروم نہیں ہو رہی بلکہ دیگر جماعتوں کو بھی نوجوان نسل کی طرف سے حمیت نہیں مل رہی ہے-مسلم لیگ نواز تحریک انصاف کو لکھ اسٹبلشمنٹ کی جماعت کہیں-عمران خان کی اصلاح پسندی پر مجھ سمیت دوسرے لوگ کتنی ہی ٹھوس تنقید کر لیں-پنجاب کی خصوصی طور پر نوجوان نسل روایتی سیاسی جماعتوں سے باغی ہو چکی ہے-مریم نواز ،بلاول بھٹو زرداری کی طرف اس نوجوان نسل کا جھکاؤ ایک مشکل ٹاسک نظر آ رہا ہے-
پی پی پی اس صورت حال سے نمٹنے کے لئے کیا سوچ رہی ہے -اس کا اندازہ ہم یوں کر سکتے ہیں کہ اس نے اپنی سیاست کے محور پنجاب میں سب سے زیادہ پنجاب کی تقسیم کے ایشو کو بنا رکھا ہے-پی پی پی اپر پنجاب کے حوالے سے شائد کسی حد تک خود کو ناکام خیال کر رہی ہے-کیونکہ اپر پنجاب میں اس کے پاس کوئی ایسا آدمی بھی نہیں ہے جو وہاں لوگوں کو اپنے گرد اکٹھا رکھ سکے-اپر پنجاب میں پی پی پی کے پاس یہ آپشن موجود تھا کہ وہ وہاں پر محنت کشوں کی سیاست کا ایجنڈہ لیکر سامنے آتی-لکین اس کی جاگیردار اور سرمایہ دار قیادت کی موقعہ پرستی اس کو ایسا کوئی بھی ایجنڈہ سامنے لیکر آنے سے روک رہی ہے-اپر پنجاب میں اس کے پاس زمینداروں،متوسط طبقے کے سیاسی لیڈروں اور سرمایہ داروں سے تعلق رکھنے والی جو قیادت ہے -ان کو اپنے اپنے طبقے میں وہ اثر رسوخ نہیں ہے جو مسلم لیگ نواز کی قیادت کو حاصل ہے-یا اب تحریک انصاف کو ملا ہوا ہے-اس لئے وہاں پر پی پی پی کی خواہش یہ ہے کہ یشن دائیں بازو کا پی پی پی مخالف ووٹ زیادہ سے زیادہ تقسیم ہو اور اپر پنجاب سے کوئی بھی پارٹی اکثریتی پارٹی بن کر نا ابھرے-جبکہ وہ جنوبی پنجاب میں سیاست کو الگ صوبے کے ایشو کے گرد ہی رکھنا چاہتی ہے-اسی لئے پی پی پی نے پنجاب کی تنظیم کو دو حصوں میں تقسیم کر دیا ہے-وسطی پنجاب کی تنظیم اس وقت ساہیوال ،لاہور،فیصل آباد ،راول پنڈی ،گوجرانوالہ ،سرگودھا ریجنز پر مشتمل ہے-جس کے صدر اب صفدر ورائچ ہیں-جبکہ جنوبی پنجاب کی تنظیم ملتان،بہاول پور ،ڈیرہ غازی خان ،ریجنز پر مشتمل ہے-جس کے صدر مخدوم شہاب الدین کو بنایا گیا ہے-انھوں نے صدر بننے کے ساتھ ہی شد و مد سے جنوبی پنجاب کو الگ صوبہ بنانے کی بات شروع کی ہے-آنے والے دنوں میں پی پی پی جنوبی پنجاب کو یہی ٹاسک دیا گیا ہے کہ وہ ساری سیاست کا محور و مرکز الگ صوبہ کو بنائے-یہ ایک ایسا ایشو ہے جس کی وجہ سے اس خطہ میں نا صرف مسلم لیگ نواز دفاعی انداز میں کھیلنے پر مجبور ہے-بلکہ یہاں پی پی پی سے ناراض شاہ محمود قریشی کا گروپ اور مسلم لیگ ق کے پی پی پی سے اتحاد کی وجہ سے الگ رہ کی تلاش میں نکلے ڈیرہ غازی خان کے لغاری اور رحیم یار خان کے ترین بھی مشکل کا شکار ہوں گے-پی پی پی جنوبی پنجاب میں جمشید دستی سے ردکل اور تیز تر کام لے سکتی ہے-جو اس کے حریفوں کو مزید پیچھے دھکیل سکتا ہے-شاہ محمود قریشی اور مرزا ذوالفقار کے گروپ ایسے ہیں جو جنوبی پنجاب اور سندھ میں پی پی پی کی مشکلات کا سبب بن سکتے ہیں-صدر زرداری جن کو بہترین سیاسی کھلاڑی کہا جا رہا ہے-اب تک ان دو بڑوں کے ساتھ نمٹنے میں ناکام رہے ہیں-شہمھمود قریشی اگر تحریک انصاف میں نہیں جاتے -اور ذوالفقار مرزا بھی کسی اور جگہ نہیں جاتے -اور پی پی پی کے لیبل کو بھی نہیں اتارتے -اس کے ساتھ ساتھ اگر وہ شہید بنظر بھٹو کی سیاسی میراث کے دعوے دار بھی رہتے ہیں-اور وہ کرپشن اور ملکی اداروں کی بعد حالی کے سلوگنز کو بھی ساتھ رکھتے ہیں -تو پھر جنوبی پنجاب اور سندھ میں پی پی پی کے اندر اور باہر سے وہ لوگ ان کے ساتھ کھڑے ہوسکتے ہیں-جو پی پی پی کے کارکن یا حامی تصور کے جاتے ہیں-جنوبی پنجاب اور سندھ میں شاہ محمود اور ذوالفقار مرزا کی طرح کچھ اور سیاست دان بھی ہیں-جو اپنا حلقہ اثر رکھتے ہیں-اور ان کی شہرت بھی نیک ہے-یہ سارے لوگ اگر پی پی پی کے شریک چیرمین کے خلاف یک نکاتی ایجنڈے پر اکٹھے ہو گئے-اور یہ آگے چل کر موجودہ حکومت کے خلاف محرم کے بعد تحریک چلنے پر اتفاق کر لیتے ہیں -تو پھر سیاسی نقشہ وہ نہیں ہوگا -جو پی پی پی اپنے ذھن میں رکھے ہوئے ہے-تحریک انصاف اور مسلم لیگ نواز کو مختلف قوتیں یہ باور کرا رہی ہیں کہ وہ اگلے انتخاب کا انتظار نہ کریں-سینٹ کے انتخاب سے قبل ہی اسلام آباد کا رکھ کر لیں-زرداری ہٹاؤ مہم چلائی جائے-میاں نواز شریف زرداری ہٹاؤ مہم پر اتفاق کرچکے ہیں-ان کی طرف سے یہ عندیہ نظر آ رہا ہے کہ وہ محرم کے بعد زرداری ہٹاؤ تحریک کو نکلی سطح تک لے جائیں گے-جب کہ عمران خان کی جماعت کی مرکزی مجلس عاملہ بھی چند دنوں تک کوئی اصولی فیصلہ لینے والی ہے-شہمھمود قریشی ٢٧ نومبر کو گھوٹکی جلسہ میں ملک بچاؤ مہم کا آغاز کرنے والے ہیں-ذولفقار مرزا بھی سندھ کے شہروں میں جلسے کر رہے ہیں-سندھی قوم پرست بھی میدان میں آ رہے ہیں-ان سب کی مہم کا مقصد مرکزی حکومت کا خاتمہ اور نئے انتخابات ہیں-اب سوال یہ جنم لیتا ہے کہ آئینی راستہ تو ہے نہیں-اگر لانگ مارچ ہوتا ہے-حکومت تحریک کو زبردستی روکتی ہے-سیاسی جبر کا دور آتا ہے تو کیا یہ طریقہ پی پی پی کی حکومت کو فوجی مداخلت سے بچا سکے گا؟اگر فوج اور مقتدر طاقتیں صدر زرداری کو استعفا دینے پر مجبور کرتی ہیں تو کیا صدر زرداری ایسا کر دین گے؟صدر زرداری ایسا نہیں کرتے اور جواب میں فوج زبردستی ایسا کرتی ہے تو کیا حزب اختلاف کی پارٹیوں میں پھر سے پہلے انتخاب پھر احتساب یا پہلے احتساب پھر انتخاب والا اختلاف سامنے نہیں آئے گا؟یہی وہ اختلاف تھا جس نے قومی اتحاد میں پھوٹ ڈلوا دی تھی-اور ضیاء الحق ١١ سال حکومت کرتے رہے تھے-نوجوان نسل پاکستان میں کرپٹ سیاسی سماجی نظام سے نجات کے لئے سڑکوں پی آنے کے لئے بچیں ہے-سڑکوں پر یہ نئی نسل اگر ای تو پھر ان کی جدوجہد صرف زرداری ہٹاؤ مہم تک محدود نہیں رہے گی-اگر اس تحریک میں محنت کش طبقہ بھی شامل ہوگیا تو پھر یہ تحریک اور کئی قسم کے زیادہ ریڈکل سلوگنز کو بھی اپنا سکتی ہے-یہ تحریک ارب انقلاب کی تراز بھی اختیار کر سکتی ہے-جب حکومت کو ہٹائے جانے کے لئے سڑک سیاست کا انتخاب ہوتا ہے تو اس میں کئی طرح کے امکانات اور خدشات چھپے ہوتے ہیں-اور تحریک بھی پھر لیڈروں کی آرزوں کے مطابق نہیں چلا کرتی -یہ وہ خدشات ہیں جن کی وجہ سے عمران خان،میاں نواز شریف،شاہ محمود اور دیگر حکمران طبقات کے لوگ تحریک کو فی الفور چلانے میں تذبذب کا شکار ہیں-حکمران طبقات کی یہ تقسیم اور تذبذب نیچے سے بحران کے نیتجے میں اٹھنے والی بے چینی اور اس کے نتیجہ میں لوگوں کے باہر نکل کے آنے کے خطرے کو دور نہیں کر سکتے-معاشی بحران،مہنگائی میں اضافہ ،بے روزگاری کا طوفان،مسلسل بیروزگار ہوتے مزدور ،اور بند ہوتے کارخانے اور تباہ ہوتے چھوٹے کاروبار ،مڈل کلاس پرتوں پر بڑھتا ہوا بوجھ کسی بھی وقت عوام کی مختلف پرتوں کے صبر کا پیمانہ لبریز کر سکتا ہے-اور ایک بڑا سیاسی سماجی عبار دیکھنے کو مل سکتا ہے-

پردۂ غیب سے کیا ظاہر ہونے والا ہے؟

پردۂ غیب سے کیا ظاہر ہونے والا ہے؟
تحریر :عامر حسینی
اس وقت یہ تو صاف نظر آ رہا ہے کہ پاکستان کی سیاست کے اہم کھلاڑی پنجاب کو اپنی سیاست کا مرکزی فوکس بناے ہوئے ہیں-مسلم لیگ نواز کا جو اجلاس رائے ونڈ میں میاں نواز شریف کے گھر پر ہوا -اس میں پہلی مرتبہ میں نواز شریف کی صاحبزادی مریم نواز شریف نے بھی شرکت کی-وہاں سے یہ خبریں ملی ہیں کہ مریم نواز شریف کو میدان سیاست میں اتارا جا رہا ہے-ان کو سیاست میں اتارے جانے کا ایک تو مقصد یہ بتایا گیا ہے کہ پنجاب میں خواتین کے اندر مسلم لیگ نواز کو مقبول بنانا مقصود ہے-مسلم لیگ نواز کے لوگوں کے مطابق اس وقت مسلم لیگ کو ایسی نوجوان خاتون کی اشد ضرورت ہے جو پنجاب میں تاجروں،مڈل کلاس پرتوں کی خواتین خاص طور پر نوجوان خواتین کو پاکستان تحریک انصاف میں جانے سے روک سکے-اس سے قبل میں نواز شریف اور شہباز شریف نے حمزہ شیباز شریف کو میدان میں اس لئے اتارا تھا کہ وہ نوجوانوں کو مسلم لیگ کی طرف راغب کر سکیں-لکین لگتا ہے کہ وہ مسلم لیگ نواز کی امیدوں پر اس طرح سے پورا نہیں اترے -جس کی امید کی جا رہی تھی-وہ مسلم لیگ کے نوجوانوں کے لئے متاثر کن اور سحر انگیز اور کرشماتی شخصیت ثابت نہیں ہو سکے-مریم نواز کی سیاست میں آمد مسلم لیگ نواز کے لئے سیاست میں ہوا کا تازہ جھونکا ثابت ہوسکے گی-پی پی پی کے شریک چیرمین آصف علی زرداری بلاول کو پہلے لئے سیاست کے میدان میں اتار چکے ہیں-ان کے لئے لیاری کا قومی اسمبلی کا حلقہ بھی چن لیا گیا ہے-جبکہ یوسف رضا گیلانی نے اپنے بیٹے قادر گیلانی کو متحرک کر دیا ہے-دوسری طرف شاہ محمود قریشی اپنے بیٹے زین قریشی کو میدان میں اتار چکے ہیں-چوہدری برداران مونس الہی کو سامنے لیکر آئے ہیں-یہ پاکستان کے طاقتور سیاستدانوں کی نوجوان اولاد پاکستانی سیاست میں کسی تبدلی کا سبب بن سکے گی؟کیا پاکستان کی نوجوان نسل ان نوجوان چہروں کی تازگی سے متاثر ہو کر ان کو اپنا رہبر اور رہنما ماں لیں گے؟یہ سوالات ایسے ہیں کہ ان کا ایک جواب تو یہ بنتا ہے کہ یہ نوجوان اپنے اپنے خاندان کے سیاسی ورثہ کو بچانے کے لئے میدان میں آئے ہیں-ان کے پیش نظر سیاست پر اپنے خاندانوں کی اجارہ داری برقرار رکھنے کا ہدف زیادہ اور پہلی اہمیت کا حامل ہے-ان نوجوان لیڈروں کو جہاں اپنے خاندانوں کی سیاسی پہچان کا فائدہ ہے-وہاں پر ان خاندانوں کے ساتھ جو بدنامیاں لگی ہوئی ہیں ان کا نقصان بھی کافی ہے-مرمیم نواز شریف پنجاب کی نوجوان خواتین کو اس وقت متاثر کر سکتی ہیں -جب وہ کم از کم نواز لیگ کے روایتی سلوگنز سے ہٹ کر اس نسل کی امنگوں کی ترجمانی کرنے کی کوشش کریں-یہ بات بہت واضح ہے کہ پنجاب کی شہری آبادی کے نوجوان مرد اور عورتوں کی اکثریت نواز شریف اور ان کے ساتھیوں کی سیاست سے مایوس ہو کر تحریک انصاف کی طرف جا رہی ہے-یہ نوجوان ٨٨ کے بعد سے لیکر اب تک چلی آنے والی سیاست سے بہت زیادہ بیزار ہیں-یہ کرپشن کے خلاف تو ہیں ہی-یہ سیاسی بنیادوں پر ہونے والی بھرتیوں کے ڈسے ہوئے بھی ہیں-اسی لئے ان کو عمران خان کی طرف سے میرٹ اور انصاف کو سلوگن بہت زیادہ اپیل کر رہا ہے-پنجاب کے اربن مرکز میں خصوصی طور پر اور پورے پنجاب میں عمومی طور پر پڑھے لکھ نوجوانوں میں سفارش ،بے انصافی اور کرپشیں کے خلاف سخت نفرت موجود ہے-اور یہ نوجوان نسل ان تین برائیوں کا سبب دو بڑی سیاسی پارٹیوں کو خیال کرتی ہے-مسلم لیگ نواز ہی پنجاب میں نوجوان نسل کی حمایت سے محروم نہیں ہو رہی بلکہ دیگر جماعتوں کو بھی نوجوان نسل کی طرف سے حمیت نہیں مل رہی ہے-مسلم لیگ نواز تحریک انصاف کو لکھ اسٹبلشمنٹ کی جماعت کہیں-عمران خان کی اصلاح پسندی پر مجھ سمیت دوسرے لوگ کتنی ہی ٹھوس تنقید کر لیں-پنجاب کی خصوصی طور پر نوجوان نسل روایتی سیاسی جماعتوں سے باغی ہو چکی ہے-مریم نواز ،بلاول بھٹو زرداری کی طرف اس نوجوان نسل کا جھکاؤ ایک مشکل ٹاسک نظر آ رہا ہے-
پی پی پی اس صورت حال سے نمٹنے کے لئے کیا سوچ رہی ہے -اس کا اندازہ ہم یوں کر سکتے ہیں کہ اس نے اپنی سیاست کے محور پنجاب میں سب سے زیادہ پنجاب کی تقسیم کے ایشو کو بنا رکھا ہے-پی پی پی اپر پنجاب کے حوالے سے شائد کسی حد تک خود کو ناکام خیال کر رہی ہے-کیونکہ اپر پنجاب میں اس کے پاس کوئی ایسا آدمی بھی نہیں ہے جو وہاں لوگوں کو اپنے گرد اکٹھا رکھ سکے-اپر پنجاب میں پی پی پی کے پاس یہ آپشن موجود تھا کہ وہ وہاں پر محنت کشوں کی سیاست کا ایجنڈہ لیکر سامنے آتی-لکین اس کی جاگیردار اور سرمایہ دار قیادت کی موقعہ پرستی اس کو ایسا کوئی بھی ایجنڈہ سامنے لیکر آنے سے روک رہی ہے-اپر پنجاب میں اس کے پاس زمینداروں،متوسط طبقے کے سیاسی لیڈروں اور سرمایہ داروں سے تعلق رکھنے والی جو قیادت ہے -ان کو اپنے اپنے طبقے میں وہ اثر رسوخ نہیں ہے جو مسلم لیگ نواز کی قیادت کو حاصل ہے-یا اب تحریک انصاف کو ملا ہوا ہے-اس لئے وہاں پر پی پی پی کی خواہش یہ ہے کہ یشن دائیں بازو کا پی پی پی مخالف ووٹ زیادہ سے زیادہ تقسیم ہو اور اپر پنجاب سے کوئی بھی پارٹی اکثریتی پارٹی بن کر نا ابھرے-جبکہ وہ جنوبی پنجاب میں سیاست کو الگ صوبے کے ایشو کے گرد ہی رکھنا چاہتی ہے-اسی لئے پی پی پی نے پنجاب کی تنظیم کو دو حصوں میں تقسیم کر دیا ہے-وسطی پنجاب کی تنظیم اس وقت ساہیوال ،لاہور،فیصل آباد ،راول پنڈی ،گوجرانوالہ ،سرگودھا ریجنز پر مشتمل ہے-جس کے صدر اب صفدر ورائچ ہیں-جبکہ جنوبی پنجاب کی تنظیم ملتان،بہاول پور ،ڈیرہ غازی خان ،ریجنز پر مشتمل ہے-جس کے صدر مخدوم شہاب الدین کو بنایا گیا ہے-انھوں نے صدر بننے کے ساتھ ہی شد و مد سے جنوبی پنجاب کو الگ صوبہ بنانے کی بات شروع کی ہے-آنے والے دنوں میں پی پی پی جنوبی پنجاب کو یہی ٹاسک دیا گیا ہے کہ وہ ساری سیاست کا محور و مرکز الگ صوبہ کو بنائے-یہ ایک ایسا ایشو ہے جس کی وجہ سے اس خطہ میں نا صرف مسلم لیگ نواز دفاعی انداز میں کھیلنے پر مجبور ہے-بلکہ یہاں پی پی پی سے ناراض شاہ محمود قریشی کا گروپ اور مسلم لیگ ق کے پی پی پی سے اتحاد کی وجہ سے الگ رہ کی تلاش میں نکلے ڈیرہ غازی خان کے لغاری اور رحیم یار خان کے ترین بھی مشکل کا شکار ہوں گے-پی پی پی جنوبی پنجاب میں جمشید دستی سے ردکل اور تیز تر کام لے سکتی ہے-جو اس کے حریفوں کو مزید پیچھے دھکیل سکتا ہے-شاہ محمود قریشی اور مرزا ذوالفقار کے گروپ ایسے ہیں جو جنوبی پنجاب اور سندھ میں پی پی پی کی مشکلات کا سبب بن سکتے ہیں-صدر زرداری جن کو بہترین سیاسی کھلاڑی کہا جا رہا ہے-اب تک ان دو بڑوں کے ساتھ نمٹنے میں ناکام رہے ہیں-شہمھمود قریشی اگر تحریک انصاف میں نہیں جاتے -اور ذوالفقار مرزا بھی کسی اور جگہ نہیں جاتے -اور پی پی پی کے لیبل کو بھی نہیں اتارتے -اس کے ساتھ ساتھ اگر وہ شہید بنظر بھٹو کی سیاسی میراث کے دعوے دار بھی رہتے ہیں-اور وہ کرپشن اور ملکی اداروں کی بعد حالی کے سلوگنز کو بھی ساتھ رکھتے ہیں -تو پھر جنوبی پنجاب اور سندھ میں پی پی پی کے اندر اور باہر سے وہ لوگ ان کے ساتھ کھڑے ہوسکتے ہیں-جو پی پی پی کے کارکن یا حامی تصور کے جاتے ہیں-جنوبی پنجاب اور سندھ میں شاہ محمود اور ذوالفقار مرزا کی طرح کچھ اور سیاست دان بھی ہیں-جو اپنا حلقہ اثر رکھتے ہیں-اور ان کی شہرت بھی نیک ہے-یہ سارے لوگ اگر پی پی پی کے شریک چیرمین کے خلاف یک نکاتی ایجنڈے پر اکٹھے ہو گئے-اور یہ آگے چل کر موجودہ حکومت کے خلاف محرم کے بعد تحریک چلنے پر اتفاق کر لیتے ہیں -تو پھر سیاسی نقشہ وہ نہیں ہوگا -جو پی پی پی اپنے ذھن میں رکھے ہوئے ہے-تحریک انصاف اور مسلم لیگ نواز کو مختلف قوتیں یہ باور کرا رہی ہیں کہ وہ اگلے انتخاب کا انتظار نہ کریں-سینٹ کے انتخاب سے قبل ہی اسلام آباد کا رکھ کر لیں-زرداری ہٹاؤ مہم چلائی جائے-میاں نواز شریف زرداری ہٹاؤ مہم پر اتفاق کرچکے ہیں-ان کی طرف سے یہ عندیہ نظر آ رہا ہے کہ وہ محرم کے بعد زرداری ہٹاؤ تحریک کو نکلی سطح تک لے جائیں گے-جب کہ عمران خان کی جماعت کی مرکزی مجلس عاملہ بھی چند دنوں تک کوئی اصولی فیصلہ لینے والی ہے-شہمھمود قریشی ٢٧ نومبر کو گھوٹکی جلسہ میں ملک بچاؤ مہم کا آغاز کرنے والے ہیں-ذولفقار مرزا بھی سندھ کے شہروں میں جلسے کر رہے ہیں-سندھی قوم پرست بھی میدان میں آ رہے ہیں-ان سب کی مہم کا مقصد مرکزی حکومت کا خاتمہ اور نئے انتخابات ہیں-اب سوال یہ جنم لیتا ہے کہ آئینی راستہ تو ہے نہیں-اگر لانگ مارچ ہوتا ہے-حکومت تحریک کو زبردستی روکتی ہے-سیاسی جبر کا دور آتا ہے تو کیا یہ طریقہ پی پی پی کی حکومت کو فوجی مداخلت سے بچا سکے گا؟اگر فوج اور مقتدر طاقتیں صدر زرداری کو استعفا دینے پر مجبور کرتی ہیں تو کیا صدر زرداری ایسا کر دین گے؟صدر زرداری ایسا نہیں کرتے اور جواب میں فوج زبردستی ایسا کرتی ہے تو کیا حزب اختلاف کی پارٹیوں میں پھر سے پہلے انتخاب پھر احتساب یا پہلے احتساب پھر انتخاب والا اختلاف سامنے نہیں آئے گا؟یہی وہ اختلاف تھا جس نے قومی اتحاد میں پھوٹ ڈلوا دی تھی-اور ضیاء الحق ١١ سال حکومت کرتے رہے تھے-نوجوان نسل پاکستان میں کرپٹ سیاسی سماجی نظام سے نجات کے لئے سڑکوں پی آنے کے لئے بچیں ہے-سڑکوں پر یہ نئی نسل اگر ای تو پھر ان کی جدوجہد صرف زرداری ہٹاؤ مہم تک محدود نہیں رہے گی-اگر اس تحریک میں محنت کش طبقہ بھی شامل ہوگیا تو پھر یہ تحریک اور کئی قسم کے زیادہ ریڈکل سلوگنز کو بھی اپنا سکتی ہے-یہ تحریک ارب انقلاب کی تراز بھی اختیار کر سکتی ہے-جب حکومت کو ہٹائے جانے کے لئے سڑک سیاست کا انتخاب ہوتا ہے تو اس میں کئی طرح کے امکانات اور خدشات چھپے ہوتے ہیں-اور تحریک بھی پھر لیڈروں کی آرزوں کے مطابق نہیں چلا کرتی -یہ وہ خدشات ہیں جن کی وجہ سے عمران خان،میاں نواز شریف،شاہ محمود اور دیگر حکمران طبقات کے لوگ تحریک کو فی الفور چلانے میں تذبذب کا شکار ہیں-حکمران طبقات کی یہ تقسیم اور تذبذب نیچے سے بحران کے نیتجے میں اٹھنے والی بے چینی اور اس کے نتیجہ میں لوگوں کے باہر نکل کے آنے کے خطرے کو دور نہیں کر سکتے-معاشی بحران،مہنگائی میں اضافہ ،بے روزگاری کا طوفان،مسلسل بیروزگار ہوتے مزدور ،اور بند ہوتے کارخانے اور تباہ ہوتے چھوٹے کاروبار ،مڈل کلاس پرتوں پر بڑھتا ہوا بوجھ کسی بھی وقت عوام کی مختلف پرتوں کے صبر کا پیمانہ لبریز کر سکتا ہے-اور ایک بڑا سیاسی سماجی عبار دیکھنے کو مل سکتا ہے-

Monday, November 7, 2011

ایڈٹر تھا جس کا نام ..........

ایڈٹر تھا جس کا نام .............
لیل و نہار/عامر حسینی
ایک معاصر اخبار میں نوائے وقت کے مالک اور چیف ایڈیٹر محترم مجید نظامی کا ایک انٹرویو شایع ہوا ہے-اس انٹرویو میں انھوں نے اس بات کا رونا رویا ہے کہ آج کے زمانہ میں ایڈیٹر کا عہدہ غائب ہوگیا ہے-ان سے جب سوال کرنے والوں نے پوچھا کہ وہ کس ایڈیٹر سے متاثر ہوئے -تو انھوں نے" ڈان" کے ایڈیٹر الطاف قریشی کا نام لیا -میں یہ نام دیکھ کر چونک گیا-مجھے یاد آیا کہ کیا ہی اچھا ہوتا -اس موقعہ پر وہ یہ بھی بتاتے کہ کیسے الطاف صاحب نے ریاست کے ان مقتدر لوگوں کی سازش ناکام بنا دی تھی -جو قائد اعظم محمد علی جناح کی ١١ اگست والی تقریر کو سنسر کرنا چاہتے تھے-کیونکہ اس تقریر کی بنیاد پر پاکستان کی ریاست کے آئین کی تشکیل اگر کی جاتی تو پاکستان کو کبھی بھی ایک ایسی مذہبی ریاست میں نہیں بدلا جا سکتا تھا -جو اس ملک کے جاگیر داروں،وردی و با وردی نوکر شاہی کی جاگیروں اور آمرانہ طرز حکمرانی کا تحفظ کرتی ہو-
محترم مجید نظامی اس واقعہ کو ایڈیٹر کی ہمت اور بیباکی کے طور پر پیش کر سکتے تھے-لکین انھوں نے ایسا نہ جیا-اس کی جو وجہ مجھے سمجھ آتی ہے -وہ یہ ہے کہ یہ تقریر خود اس سارے جھوٹ کا پول بھی کھول دیتی ہے جو محترم مجید نظامی کا اخباری گروپ "نظریہ پاکستان "کے نام پر اتنے عرصۂ سے بولتا آ رہا ہے-ظاہر جب آپ جھوٹ بولتے ہیں تو اس کے پیچھے مفادات کی کہانی ہوتی ہے-یہ مفادات "نظریہ پاکستان ٹرسٹ "کی صورت میں بھی تو سب کے سامنے ہیں-پھر پرانی نوائے وقت کے دفتر والی عمارت بھی تو اس کا ایک ثبوت ہے-جو محترم حمید نظامی اور مجید نظامی نے مہاجر بن کر الاٹ کرالی تھی-سب جانتے ہیں کہ دونوں بھائیوں کا تعلق سانگلہ ہل سے ہے-اور شائد یہ انوکھا واقعہ تھا کہ سانگلہ ہل جیسے کسی پاکستان کے علاقہ سے لاہور آنے والے کو متروکہ املاک میں سے کوئی جائیداد الاٹ کردی گئی ہو-
اخبارات کے مدیروں کا تذکره چلا تو محترم مجید نظامی صاحب کو پاکستان ٹائمز اور امروز میں کام کرنے والے کسی مدیر کو مدیر ماننے کا حوصلہ نہیں ہوا -وہ فیض احمد فیض،چراغ حسن حسرت،ظہیر بابر کشمیری ،احمد ندیم قاسمی ،حمید اختر ،مسعود اشعر،سردار احمد علی کسی کو بھی ٹھیک طرح کا مدیر ماننے کو تیار نظر نہیں آئے-فیض احمد فیض ان کے نزدیک شاعر تھے-مدیر نہیں تھے-باقی نام تو ان کو یاد ہی نہیں آئے-انھوں نے ایک سچ بس محترم میر خلیل الرحمن صاحب کے بارے میں بولا کہ وہ جب ایوب خان سے ملنے گئے تھے تو انھوں نے کہا تھا کہ جو اخباری مالک صحافتی آزادی مانگتا ہے وہ اس کو دے دی جائے-مجھے تو اشتہارات چاہئیں-کاش وہ یہ بھی تو بتادیتے کہ ضیاء الحق اپنے زمانے میں مغرب کی طرف سے صحافت کی آزادی کو مصلوب کرنے کے سوالات کے جواب میں اپنے دور میں نوائے وقت گروپ کی ترقی کا حوالہ دیا کرتے تھے-کیا وہ بتا سکتے ہیں کہ جب دوسرے اخبارات مسلسل دباؤ کا شکار تھے-صحافیوں کو کوڑے پڑ رہے تھے تو ان کا اخبار ترقی کیسے کر رہا تھا؟اور اگر وہ واقعی ضیاء الحق کی آمریت کا ڈٹ کر مقابلہ کر رہے تھے -تو ضیاء الحق کے جبر کا شکار ان کا گروپ کیوں نہ بنا ؟
آج سوائے "روزنامہ ڈان "کے کسی اور ادارہ میں مدیر آزادی کے ساتھ کام نہیں کرتا-کئی اخبارات نے تو اس عہدہ کو گھر میں ہی رکھ لیا ہے-باپ بیٹا چیف ایڈیٹر اور ایڈیٹر بن بیٹھے ہیں-آزادی صحافت کا گلہ تو خود اخباری مالکوں نے اپنے ہاتھوں سے گھونٹ دیا ہے-
صحافت پر بات کرتے ہوئے -مجید نظامی ضمیر نیازی کی کتابوں کا تذکرہ بھول گئے-ان کی ایک کتاب "صحافت پابند سلاسل "میں بہت سی کہانیاں موجود ہیں-جن میں محترم مجید نظامی اور ان کے گروپ کا تذکره بھی موجود ہے-
ویسے ضمیر نیازی کی کتاب "صحافت پابند سلاسل "کے ساتھ پچھلے دنوں ایک ہاتھ آکسفورڈ پریس نے کیا -اس کتاب میں جو بھٹو اور ضیاء الحق کے دور میں جو سیاست کو پابند سلاسل کرنے کا احوال تھا -اس کو سرے سے غائب کر دیا گیا -آکسفورڈ پریس نے یہ کیوں کیا معلوم نہیں ہے-
پاکستان میں صحافت کی تاریخ تعصبات سے الگ ہو کر اور پورے سچ کے ساتھ کون لکھے گا-مدیر کی سیٹ پر بیٹھنے والے ضمیر نیازی نے تو اپنا فرض ادا کر دیا-لکین یہاں ابھی تک کوئی خشونت سنگھ جیسا بیباک مدیر نہیں جنم لے سکا -جو صحافت کی دنیا میں لوگوں تک خبر کو پہنچانے سے روکنے کے لئے ہونے والی تمام کوششوں کا احوال ٹھیک ٹھیک قلمبند کر دے-

Sunday, November 6, 2011

امام کعبہ کا خطبہ حج

امام کعبہ کا خطبہ حج
لیل و نہار /عامر حسینی
حج مسلمانوں کے ہاں بہت اہم فریضہ ہے-یہ اسلام کے بنیادی ارکان میں سے ایک رکن ہے-جو بھی مسلم حج کی طاقت رکھتا ہو -اس پر زندگی میں ایک بار حج کرنا فرض بنتا ہے-جب مسلم دنیا میں خلافت جیسا سیاسی نظام قائم تھا -تو سنی اسلام کے ماننے والوں کو حج کا خطبہ بھی وقت کا خلیفہ ہی دیا کرتا تھا-خطبہ حج کی روایت میں بس اب تبدیلی یہ ہوئی ہے کہ یہ خطبہ اب امام کعبہ دیتے ہیں-شیعہ مسلمانوں کے ہاں تو شائد اس خطبہ کی اس قدر اہمیت نہ ہو-لکین سنی مسلمان اس خطبہ کو بہت اہمیت دیتے ہیں-
پاکستان کا اردو پرنٹ میڈیا بھی اس خطبہ کو خاص طور پر ضیاء الحق کے زمانے سے بہت اہمیت دیتا آرہا ہے-اور اس خطبہ کو سب سے پہلے پی تی وی سے براہ راست نشر کرنے کا سلسہ شروع کیا گیا -پھر آج کے دور میں نجی تی وی چینل بھی اس کو نشر کرتے ہیں-
امام کعبہ نے اس مرتبہ جو خطبہ دیا -اس میں ویسے تو بہت سی باتیں ہیں جن پر بات کی جانی چاہئے-لکین میرے نزدیک ان میں کچھ باتیں ایسی ہیں جن کے پس پردہ محرکات کو آشکار کیا جانا بہت ضروری ہے-
امام کعبہ نے اپنے خطاب میں میڈیا پر بات کرتے ہوئے کہا کہ عالمی میڈیا مسلمانوں کے عقائد خراب کرنے کی کوشش کر رہا ہے-انھوں نے میڈیا پر یہ الزام بھی عائد کیا کہ وہ فحاشی اور عریانی کو فروغ دے رہا ہے-یہ باتیں جزوی طور پر تو ٹھیک ہوں گی-لکین حیرت کی بات یہ ہے کہ انھوں نے اپنے خطاب میں کہیں مڈل ایسٹ اور دیگر خطوں میں موجود مسلم ملکوں میں حکومتوں اور رجیموں کی طرف سے اپنے مظالم کو چھپانے اور سخصی آزادیوں کو ختم کرنے جیسی کوششوں ،مذہبی اقلیتوں اور کئی نسلی گروپوں پر سیاسی جبر اور معاشی جبر کی داستانوں کو لوگوں میں پھیلنے سے روکنے کے لئے میڈیا کو کلی،جزوی طور پر جو کنٹرول کیا ہوا ہے-اس پر کوئی بات نہیں کی-انھوں نے میڈیا کے اس کردار کو بھی نہیں سراہا جو اس نے مڈل ایسٹ میں نوجوانوں کی طرف سے کئی سالوں سے قائم جبر کی حکومتوں کے خلاف جدوجہد کو ساری دنیا کے سامنے پیش کر کے کیا -اس خطبہ میں اغیار کی سازشوں بارے تو بہت زور و شور سے بولا گیا -لکین مسلم ملکوں کی اپنی حکمران اشرافیہ جو کچھ اپنی ملکوں کی عوام کے ساتھ کر رہی ہے -اس پر بھی خاموشی اختیار کر لی گئی-
امام کعبہ نے مسلم ممالک کی عورتوں کی تحریک پر بھی منفی تبصرہ کیا-انھوں نے کہا کہ مسلم عورتیں جس قسم کی آزادی کے خواب دیکھ رہی ہیں -وہ مغرب کا دھوکہ ہے-کیا ہی اچھا ہوتا کہ امام کعبہ یہ بتا دیتے کہ جب سعودیہ عرب کی خواتین اپنے لئے ڈرائیونگ کرنے کا حق مانگتی ہیں،وہ جب ووٹ کا حق طلب کرتی ہیں،نوکری کے مساوی موقعہ مانگتی ہیں ،صنفی امتیاز کا خاتمہ چاہتی ہیں اور وہ سیاست کرنے کا حق مانگتی ہیں تو ان مطالبات میں کون سی خرابی ہے-اور یہ کون سی غرب زدگی ہے-جس کا تذکرہ امام کعبہ کو اپنے خطبہ میں کرنا پڑ گیا ہے-
انھوں نے اپنے خطبہ میں مڈل ایسٹ میں خاص طور پر خلیجی ریاستوں میں سالوں سے قائم بادشاہتوں اور آمریتوں پر ایک لفظ بھی کہنا گوارہ نہیں کیا-انھوں نے مڈل ایسٹ میں کردوں ،شیعہ ،بہائی،آرمنیوں سمیت مذہبی اور نسلی گروہوں پر ڈھائے جانے والے ستم اور ظلم پر ایک لفظ بھی نہیں کہا -بحرین کے حکمران اپنی عوام کو جس طرح سے دبا رہے ہیں اور وہاں پر جس طرح سے سعودی فوج داخل ہوئی ہے-اس پر بھی ان کے منہ سے ایک لفظ بھی نہیں نکلا-
ان کا یہ خطبہ سرکاری خطبہ ہی کہا جا سکتا ہے-جس میں کوئی ریڈکل ازم نہیں تھا-نہ ہی اس بات کی طرف کوئی اشارہ تھا کہ امام کعبہ کی مسند پر بیٹھا شخص مسلم ملکوں کی عوام کے مسائل اور ان کی مشکلات اور گلوبل سرمایہ داری کے بٹن سے جنم لینے والے جیو پولیٹکل اور معاشی مساقبت کے تناظر میں پیدا ہونے والی صورت حال سے واقفیت رکھتا ہے-
میرا یہ خیال تھا کہ اس مرتبہ تو امام کعبہ گلوبل فنانس سے جنم لینے والی گلوبل سامراجیت کے بارے میں کوئی لفظ منہ سے نکالے گا-اور وہ مسند اسلام پر بیٹھ کر سعودی حکمرانوں کی امریکی سامراجیت کی خدمت کے لئے کے گئے اقدامات کی مذمت کرے گا-لکین اس طرح کا کوئی بیان امام کعبہ نے نہیں دیا-وہ حسب سابق طبقاتی خلیج کو اسلام کے خلاف قرار دیتے رہے -لکین اس خلیج کا سبب بننے والے نظام کے بارے میں انھوں نے ایک لفظ بھی کہنا پسند نہ کیا-انھوں نے یہ بھی بتانا پسند نہ کیا کہ تیل پیدا کرنے والے ملکوں میں تیل کی کمپنیوں میں مثل سرمیداروں کے علمی سرمیہ داری کے ساتھ کیا رشتے اور ناتے ہیں-سعودیہ عرب،متحدہ عرب امارات ،بحرین،قطر ،سمیت خلیجی تعاون کنسل میں شامل ملکوں کی حکمران کلاس کا عالمی سرمایہ میں کیا ہیسہ بنتا ہے-اور یہ کس طرح سے مڈل ایسٹ میں سامراج کے قبضہ اور اس کی طرف سے ان ملکوں میں سامراجی سازشوں کو پروں چڑھانے میں ممد و معاون بنے ہوئے ہیں-یہ جو پورے عالم اسلام میں سنی اور شیعہ کے درمیان جنگ کی سی کیفیت ہے -اس کو پروں چڑھانے میں کس ملک کا سرمایہ کام آ رہا ہے-لبنان ،شام،فلسطین میں امریکی سامراجی ایجنڈہ کو کون سا ملک اور کون کون سے مقامی کردار آگے لیجا رہے ہیں-لکین وہ اس طرح کی کوئی بات بھی اپنے خطبہ میں نہ لا سکے-مجھے تو لگتا ہے کہ جس طرح جمعہ کے خطبے خلیج کی ریاستوں میں ریاستی سنسر شپ سے گرتے ہیں-اسی طرح یہ خطبہ بھی سعودی عرب کی وزارت مذہبی امور میں تیار ہوا ہوگا -کیونکہ اس خطبہ میں سعودیہ عرب کے حکمرانوں کے مفادات کا پورا پورا خیال رکھا گیا ہے-
مجھے شدت سے اس بات کا احساس ہوا کہ اس خطبہ میں کسی بھی جگہ لوگوں کے جمہوری،انسانی حقوق کی بات نہیں کی گئی-کسی بھی جگہ عورتوں ،اقلیتوں(مذہبی،نسلی) کے حقوق پر زور نہیں دیا گیا-مسلم ریاستوں میں فرسودہ جاگیرداری،قبائلی جاہلانہ رسوم و رواج کی مذمت نہیں کی گئی-بلکہ عورتوں کی آزادی اور سیاسی آزادی کی تحریکوں کی طرف حقارت اور مذمت کا رویہ اختیار کیا گیا-مسلم دنیا میں مدزہبی بنیادوں پر نفرت اور مذہب کے نام پر لوگوں کو قتل کرنے اور ان کے حقوق دبے جانے کا جو سلسلہ جاری ہے -اس پر بھی کوئی بات سامنے نہیں آئی-
یہ ساری معروضات پیش کرنے کا مقصد یہ ہے-کہ مسلم ملکوں کی مذهبی اشرفیہ کی سوچ کی ٹھیک ٹھیک عکاسی اس خطبہ کے مندرجات سے ہوتی ہے-مذهبی اشرافیہ مسلم ملکوں کی سرمایہ دار اور جاگیردار پرتوں کے مفادات کی پوری پوری حفاظت کر رہی ہے-اس کو ان ملکوں میں رہنے والے محنت کشوں،کسانوں اور شہری اور دیہی غریبوں کے مسائل سے کوئی لینا دینا نہیں ہے-نہ ہی ان کو ان ملکوں میں عورتوں ،بچوں اور مظلوم قومیتوں سے کوئی سوروکار ہے-وہ ان پرتوں کی طرف سے اتگھنے والی تحریکوں کو بھی اسلام دشمن اور مسلم دشمن قرار دینے سے گریز نہیں کرتیں-ان کے ہاں مسلم ملکوں کے سرمیہ داروں کا جو اتحاد سامراجی سرمایہ کے ساتھ ہے -وہ کوئی خلاف اسلام نہیں ہے-یہ خرد افروزی کی دشمن ہے-اور ایک طرح سے مسلم سماجوں کو پسماندگی اور رجعت پسندی کی دلدل سے باہر نہیں آنے دینا چاہتی-

امام کعبہ کا خطبہ حج

امام کعبہ کا خطبہ حج
لیل و نہار /عامر حسینی
حج مسلمانوں کے ہاں بہت اہم فریضہ ہے-یہ اسلام کے بنیادی ارکان میں سے ایک رکن ہے-جو بھی مسلم حج کی طاقت رکھتا ہو -اس پر زندگی میں ایک بار حج کرنا فرض بنتا ہے-جب مسلم دنیا میں خلافت جیسا سیاسی نظام قائم تھا -تو سنی اسلام کے ماننے والوں کو حج کا خطبہ بھی وقت کا خلیفہ ہی دیا کرتا تھا-خطبہ حج کی روایت میں بس اب تبدیلی یہ ہوئی ہے کہ یہ خطبہ اب امام کعبہ دیتے ہیں-شیعہ مسلمانوں کے ہاں تو شائد اس خطبہ کی اس قدر اہمیت نہ ہو-لکین سنی مسلمان اس خطبہ کو بہت اہمیت دیتے ہیں-
پاکستان کا اردو پرنٹ میڈیا بھی اس خطبہ کو خاص طور پر ضیاء الحق کے زمانے سے بہت اہمیت دیتا آرہا ہے-اور اس خطبہ کو سب سے پہلے پی تی وی سے براہ راست نشر کرنے کا سلسہ شروع کیا گیا -پھر آج کے دور میں نجی تی وی چینل بھی اس کو نشر کرتے ہیں-
امام کعبہ نے اس مرتبہ جو خطبہ دیا -اس میں ویسے تو بہت سی باتیں ہیں جن پر بات کی جانی چاہئے-لکین میرے نزدیک ان میں کچھ باتیں ایسی ہیں جن کے پس پردہ محرکات کو آشکار کیا جانا بہت ضروری ہے-
امام کعبہ نے اپنے خطاب میں میڈیا پر بات کرتے ہوئے کہا کہ عالمی میڈیا مسلمانوں کے عقائد خراب کرنے کی کوشش کر رہا ہے-انھوں نے میڈیا پر یہ الزام بھی عائد کیا کہ وہ فحاشی اور عریانی کو فروغ دے رہا ہے-یہ باتیں جزوی طور پر تو ٹھیک ہوں گی-لکین حیرت کی بات یہ ہے کہ انھوں نے اپنے خطاب میں کہیں مڈل ایسٹ اور دیگر خطوں میں موجود مسلم ملکوں میں حکومتوں اور رجیموں کی طرف سے اپنے مظالم کو چھپانے اور سخصی آزادیوں کو ختم کرنے جیسی کوششوں ،مذہبی اقلیتوں اور کئی نسلی گروپوں پر سیاسی جبر اور معاشی جبر کی داستانوں کو لوگوں میں پھیلنے سے روکنے کے لئے میڈیا کو کلی،جزوی طور پر جو کنٹرول کیا ہوا ہے-اس پر کوئی بات نہیں کی-انھوں نے میڈیا کے اس کردار کو بھی نہیں سراہا جو اس نے مڈل ایسٹ میں نوجوانوں کی طرف سے کئی سالوں سے قائم جبر کی حکومتوں کے خلاف جدوجہد کو ساری دنیا کے سامنے پیش کر کے کیا -اس خطبہ میں اغیار کی سازشوں بارے تو بہت زور و شور سے بولا گیا -لکین مسلم ملکوں کی اپنی حکمران اشرافیہ جو کچھ اپنی ملکوں کی عوام کے ساتھ کر رہی ہے -اس پر بھی خاموشی اختیار کر لی گئی-
امام کعبہ نے مسلم ممالک کی عورتوں کی تحریک پر بھی منفی تبصرہ کیا-انھوں نے کہا کہ مسلم عورتیں جس قسم کی آزادی کے خواب دیکھ رہی ہیں -وہ مغرب کا دھوکہ ہے-کیا ہی اچھا ہوتا کہ امام کعبہ یہ بتا دیتے کہ جب سعودیہ عرب کی خواتین اپنے لئے ڈرائیونگ کرنے کا حق مانگتی ہیں،وہ جب ووٹ کا حق طلب کرتی ہیں،نوکری کے مساوی موقعہ مانگتی ہیں ،صنفی امتیاز کا خاتمہ چاہتی ہیں اور وہ سیاست کرنے کا حق مانگتی ہیں تو ان مطالبات میں کون سی خرابی ہے-اور یہ کون سی غرب زدگی ہے-جس کا تذکرہ امام کعبہ کو اپنے خطبہ میں کرنا پڑ گیا ہے-
انھوں نے اپنے خطبہ میں مڈل ایسٹ میں خاص طور پر خلیجی ریاستوں میں سالوں سے قائم بادشاہتوں اور آمریتوں پر ایک لفظ بھی کہنا گوارہ نہیں کیا-انھوں نے مڈل ایسٹ میں کردوں ،شیعہ ،بہائی،آرمنیوں سمیت مذہبی اور نسلی گروہوں پر ڈھائے جانے والے ستم اور ظلم پر ایک لفظ بھی نہیں کہا -بحرین کے حکمران اپنی عوام کو جس طرح سے دبا رہے ہیں اور وہاں پر جس طرح سے سعودی فوج داخل ہوئی ہے-اس پر بھی ان کے منہ سے ایک لفظ بھی نہیں نکلا-
ان کا یہ خطبہ سرکاری خطبہ ہی کہا جا سکتا ہے-جس میں کوئی ریڈکل ازم نہیں تھا-نہ ہی اس بات کی طرف کوئی اشارہ تھا کہ امام کعبہ کی مسند پر بیٹھا شخص مسلم ملکوں کی عوام کے مسائل اور ان کی مشکلات اور گلوبل سرمایہ داری کے بٹن سے جنم لینے والے جیو پولیٹکل اور معاشی مساقبت کے تناظر میں پیدا ہونے والی صورت حال سے واقفیت رکھتا ہے-
میرا یہ خیال تھا کہ اس مرتبہ تو امام کعبہ گلوبل فنانس سے جنم لینے والی گلوبل سامراجیت کے بارے میں کوئی لفظ منہ سے نکالے گا-اور وہ مسند اسلام پر بیٹھ کر سعودی حکمرانوں کی امریکی سامراجیت کی خدمت کے لئے کے گئے اقدامات کی مذمت کرے گا-لکین اس طرح کا کوئی بیان امام کعبہ نے نہیں دیا-وہ حسب سابق طبقاتی خلیج کو اسلام کے خلاف قرار دیتے رہے -لکین اس خلیج کا سبب بننے والے نظام کے بارے میں انھوں نے ایک لفظ بھی کہنا پسند نہ کیا-انھوں نے یہ بھی بتانا پسند نہ کیا کہ تیل پیدا کرنے والے ملکوں میں تیل کی کمپنیوں میں مثل سرمیداروں کے علمی سرمیہ داری کے ساتھ کیا رشتے اور ناتے ہیں-سعودیہ عرب،متحدہ عرب امارات ،بحرین،قطر ،سمیت خلیجی تعاون کنسل میں شامل ملکوں کی حکمران کلاس کا عالمی سرمایہ میں کیا ہیسہ بنتا ہے-اور یہ کس طرح سے مڈل ایسٹ میں سامراج کے قبضہ اور اس کی طرف سے ان ملکوں میں سامراجی سازشوں کو پروں چڑھانے میں ممد و معاون بنے ہوئے ہیں-یہ جو پورے عالم اسلام میں سنی اور شیعہ کے درمیان جنگ کی سی کیفیت ہے -اس کو پروں چڑھانے میں کس ملک کا سرمایہ کام آ رہا ہے-لبنان ،شام،فلسطین میں امریکی سامراجی ایجنڈہ کو کون سا ملک اور کون کون سے مقامی کردار آگے لیجا رہے ہیں-لکین وہ اس طرح کی کوئی بات بھی اپنے خطبہ میں نہ لا سکے-مجھے تو لگتا ہے کہ جس طرح جمعہ کے خطبے خلیج کی ریاستوں میں ریاستی سنسر شپ سے گرتے ہیں-اسی طرح یہ خطبہ بھی سعودی عرب کی وزارت مذہبی امور میں تیار ہوا ہوگا -کیونکہ اس خطبہ میں سعودیہ عرب کے حکمرانوں کے مفادات کا پورا پورا خیال رکھا گیا ہے-
مجھے شدت سے اس بات کا احساس ہوا کہ اس خطبہ میں کسی بھی جگہ لوگوں کے جمہوری،انسانی حقوق کی بات نہیں کی گئی-کسی بھی جگہ عورتوں ،اقلیتوں(مذہبی،نسلی) کے حقوق پر زور نہیں دیا گیا-مسلم ریاستوں میں فرسودہ جاگیرداری،قبائلی جاہلانہ رسوم و رواج کی مذمت نہیں کی گئی-بلکہ عورتوں کی آزادی اور سیاسی آزادی کی تحریکوں کی طرف حقارت اور مذمت کا رویہ اختیار کیا گیا-مسلم دنیا میں مدزہبی بنیادوں پر نفرت اور مذہب کے نام پر لوگوں کو قتل کرنے اور ان کے حقوق دبے جانے کا جو سلسلہ جاری ہے -اس پر بھی کوئی بات سامنے نہیں آئی-
یہ ساری معروضات پیش کرنے کا مقصد یہ ہے-کہ مسلم ملکوں کی مذهبی اشرفیہ کی سوچ کی ٹھیک ٹھیک عکاسی اس خطبہ کے مندرجات سے ہوتی ہے-مذهبی اشرافیہ مسلم ملکوں کی سرمایہ دار اور جاگیردار پرتوں کے مفادات کی پوری پوری حفاظت کر رہی ہے-اس کو ان ملکوں میں رہنے والے محنت کشوں،کسانوں اور شہری اور دیہی غریبوں کے مسائل سے کوئی لینا دینا نہیں ہے-نہ ہی ان کو ان ملکوں میں عورتوں ،بچوں اور مظلوم قومیتوں سے کوئی سوروکار ہے-وہ ان پرتوں کی طرف سے اتگھنے والی تحریکوں کو بھی اسلام دشمن اور مسلم دشمن قرار دینے سے گریز نہیں کرتیں-ان کے ہاں مسلم ملکوں کے سرمیہ داروں کا جو اتحاد سامراجی سرمایہ کے ساتھ ہے -وہ کوئی خلاف اسلام نہیں ہے-یہ خرد افروزی کی دشمن ہے-اور ایک طرح سے مسلم سماجوں کو پسماندگی اور رجعت پسندی کی دلدل سے باہر نہیں آنے دینا چاہتی-