گارشیا مارکیز اور کارسوا ،،،،،،،،گفتگو محض فلم ،سکرپٹ تک نہ رکی

پنجاب اور کراچی کے اندر رہنے والے اکثر لوگوں کے لیے کلچر ،نوآبادیات ،سامراجیت اور اسی سے متعلق بہت سے دیگر سوالات پر غور فکر کرنا وقت کا زیاں لگتا ہے اور اس اکثریت میں ،میں اپنے ان کامریڈز کو شامل نہیں کررہا جن کی عمر کا ایک بڑا حصّہ اس دشت کی سیاحی میں گزر گیا لیکن ان کی تعداد بھی کم ہی ہوئی بڑھی نہیں ہے لیکن کلچر ،نوآبادیات ،شناخت ،سامراجیت اور ترقی کے سرمایہ دارانہ ماڈل اور بالادستوں کی روشن خیالی سے ابھرنے والا خفیہ ریس ازم اور شاؤنزم بلوچ ،سندھی ،پشتون کے لیے بہت ہی غور فکر کا سامان رکھتے ہیں اور وہ اس حوالے سے اپنی سوچ کو پورے جگ جہان کے مجبوروں اور محکوموں سے جوڑنے کو بے تاب رہتے ہیں اور اس کی ٹھوس مادی وجوہات موجود ہیں میں نے یہاں پر سرائيکی کو عمومی دھارے میں اس لیے نہیں رکھا کہ ان کے ہاں بس گنتی کے دو چار لوگ ایسے ہیں جنھوں نے محکومیت ،مظلومیت ،ثقافت ،کلچر اور شناخت کے سوالوں کو عالمی سامراجیت ،عالمی نوآبادیاتی نظام ،غالب سامراجی سرمایہ داری اور اس کے جلو میں ابھرنے والا وہ مہا بیانیہ جسے ایڈورڈ سعید اوریئنٹل ازم یا مستشرقیت کہتا ہے کے تناظر میں اپنے آپ کو رکھکر اور پھر اس مہا بیانیہ کی ردتشکیل کرنے کی کوشش کی ہے اور اس ردتشکیل کو قبول عام بھی حاصل ہوا ہو اور اس کی ایک بنیادی وجہ تو یہ ہے کہ سرائیکی خطے کو ابھی اس ننگی جارحیت ،ننگی خون آشامی کا ماضی قریب میں تجربہ نہیں کرنا پڑا جس طرح کے تجربے سے نوآبادیاتی دور اور بعد میں کالی جلد والے سفید نقاب پہنے حکمران طبقوں کے ہاتھوں بلوچ ،سندھی ،پختون کو گزرنا پڑا لیکن پھر بھی استاد فدا حسین گاڈی،حیدر جاوید سید ، رفعت عباس ، اشو لال ،شمیم عارف قریشی اور رانا محبوب ایسے دانشور شاعر ادیب ہیں جن کے ہاں اس عالمی تناظر سے جڑ جانے کی لپک ملتی ہے لیکن سرائيکی قوم کے ہاں المیہ یہ ہے اس کی دانش پر ابھی تک دائیں بازو کے رجعت پسندوں اور شاؤنسٹوں کا قبضہ ہے یا ایسے نام نہاد ترقی پسندوں کا جو اپنی ترقی پسندی کو پی پی پی کی بورژوا لیڈر شپ کی دھلیز پر قربان کرنے میں کبھی دیر نہیں لگاتے اگرچہ انھوں نے عالمی تناظر پر بہت کچھ پڑھ رکھا ہے میں گبرئیل گارشیا مارکیز پر سماجی رابطے کی ویب سائٹ فیس بک پر آفیشل پیج پر گیا تو وہاں مجھے لاس اینجلس ٹائمز کا ایک لنک نظر آیا جس پر گابو اور جاپانی فلم میکر اکیرا کارسوا کی گفتگو کا اقتباس موجود تھا اور یہ گفتگو اصل میں بیسٹ فلم ریویو بلاگ پر شایع ہوئی تھی اور میں نے دیکھا کہ اسے بہت سے سندھی ،بلوچ دانشوروں اور ساتھیوں نے لائک اور شئیر بھی کیا ہوا تھا لیکن اس لنک پر مجھے کسی سرائیکی کا لائک نظر نہیں آیا تو سوچا کہ یہ مہاجر نژاد سرائیکی (یہ ازراہ تفنن کہا ہے)اس معاملے میں سبقت لے جائے گابو 1990ء میں جاپان کے دارالحکومت ٹوکیو گیا تھا تو اس وقت وہاں پر جاپانی فلم میکر ایکرا ساراکوا بھی ھیروشیما اور نگاساکی پر دوسری جنگ عظیم میں امریکہ کی جانب سے ایٹم بم گرائے جانے کے المیے پر بننے والی فلم فارسوڈی ان اگست کی شوٹنگ کے سلسلے میں موجود تھے اور اس موقعہ سے فائدہ اٹھاتے ہوئے گابو نے اپنے پسندیدہ فلم میکرز میں ایک کے ساتھ مکالمے کی سبیل نکال لی گابو اور کارسوا میں مجھے بہت سی چیزیں مشترک نظر آتی ہیں کہ دونوں نے اپنی عملی زندگی کا آغاز بطور صحافی کیا ،گابو نے اپنا شہرہ آفاق ناول لکھنے سے پہلے بوگاٹا میں کئی سال بطور فلم نقاد کے کام کیا اور گابو فلموں کا بہت رسیا ہے اور اس کے ناول ھیضہ کی وبا کے دوران محبت پر فلم بھی بنی اور کارسوا نے بھی کئی عظیم ادیبوں بشمول شکسپئیر ، فیودر دستوسکی ،گورکی پر فلمیں بنائیں اور کئی ایک ناولوں کی فلمی تشکیل کی گابو پر اگر لاطینی امریکہ کی لینڈ سکیپ ،اس کی تاریخ اور نوآبادیاتی ماضی کے ساتھ آنے والی طویل المدت آمریتیں ،خانہ جنگی ،تباہی ،انارکی ،انقلاب کی چھاپ ہے تو کارسوا کے ہاں دوسری جنگ عظیم اور اس کے آخر میں ایٹم بم گرائے جانے سے پیدا ہونے والی ٹریجڈی کا نقش بہت گہرا ہے اور اس کے ہاں بھی جنگ سے نفرت بہت شدت کے ساتھ موجود ہے دونوں نے چھے گھنٹے مختلف موضوعات پر بات کی لیکن اس ساری گفتگو میں مجھے بین السطور یہ بھی نظر آیا کہ دونوں خلاق زھن رکھنے والے اس مہا بیانیہ کے رد میں اپنا اپنا بیانیہ بنانے کی کوشش کرتے نظر آئے جس کو ایڈورڈ سعید مستشرقانہ بیانیہ کہتا ہے اور یہ آقاؤں اور حکمرانوں کی ںظر سے ہی محکوموں کو اپنے آپ کا بیانیہ تشکیل دینے پر مجبور کرتا ہے جس کے خلاف ابھرنے والی اپوزیشن اور مزاحمت کو ایڈورڈ سعید نے اپنی کتاب کلچر اینڈ امپریلزم میں خوب کھول کربیان کیا ہے اور اس کے مقامی تناظر پر میں نے اپنے حال ہی میں ایک بلاگ ميں بات کی ہے گبرئیل گارشیا مارکیز نے اس گفتگو کے آغاز میں کارسوا سے کہا تھا کہ وہ باہمی گفتگو کو روائتی پریس انٹرویو نہیں بنانا چاہتا اور دونوں سے آخر تک گفتگو کا یہ پیراڈائم برقرار رکھا گابو نے کارسوا سے پوچھا کہ وہ سکرپٹ کیسے لکھتا ہے اور گابو کا یہ سوال اس لیے معنی خیز تھا کہ خود گابو بھی سکرپٹ رائٹر تھا تو کارسوا نے کہا جب اس نے کوئی سکرپٹ لکھنا ہوتا ہے تو وہ خود کو ایک کمرے میں کاغذ ،پنسل لیکر بند کرلیتا ہے اور لکھنے بیٹھ جاتا ہے گابو نے پوچھا کہ اس کے زھن میں پہلے خیال آتا ہے کہ تمثال یعنی امیج تو کارسوا نے کہا وہ سٹریم آف آئیڈیاز کو فالو کرتا ہے ،ان کے بہاؤ کے ساتھ بہتا ہے اور پہلے اس کے زھن میں بکھرے بکھرے امیجز آتے ہیں جن کو وہ مناظر کے ساتھ نتھی کرلیتا ہے اور پھر ایک سکرپٹ کی شکل دیتا ہے اور اس نے کہا کہ دیگر جاپانی سکرپٹ رائٹر پہلے سکرپٹ کا مجموعی خاکہ بناتے ہیں پھر اس کے مطابق امیجز لاتے ہیں اور پھر سین بناتے ہیں اور اس طرح سے سکرپٹ کا پلاٹ تیار کرتے ہیں "میرے خیال میں ایسے سکرپٹ لکھنا ٹھیک نہیں ہے کیونکہ ہم خدا نہیں ہیں" گابو نے جب یہ بات ڈسکس کی کہ جن ناول نگاروں کے ناولوں پر فلمیں بنیں تو بہت کم ناول نگار ایسے تھے جنھوں نے ان فلموں پر اطمینان کا اظہار کیا تو اس میں کارسوا کا تجربہ کیا ہے تو کارسوا نے گابو سے الٹا سوال کردیا اور پوچھا کہ کیا تم نے میری فلم "ریڈ بیرڈ "دیکھی ہے ؟ گابو نے کہا کہ میں نے ان 20 سالوں میں اس فلم کا پھے مرتبہ دیکھا اور ہر بار اپنے بچوں سے اس بارے بات کی یہاں تک کہ انھوں نے بھی اسے دیکھ لی اور اب نہ صرف میں اور میرا خاندان اس فلم کو پسند کرتا ہے بلکہ یہ فلم میری سب سے فیورٹ فلم بھی ہے تو اس پر کاسوا کہتا ہے کہ اس فلم سے قبل آنے والی فلموں سے بعد آنے والی فلمیں بالکل مختلف تھی اور یہ دراصل تبدیلی کا سنگ میل تھی اور ایک سٹیج سے دوسرے سٹیج کی طرف مراجعت تھی گابو اس فلم کے دو مناظر کی طرف اشارہ کرتا ہے جن میں سے ایک منظر ایک ہسپتال کے صحن میں ہونے والی کراٹے فائٹ کا ہے تو کارسوا کہتا ہے کہ اس سین میں اصل میں عورت کی مکمل ناکامی کو دکھایا جایا جانا مقصود تھا جسے ناول کا مصنف نہیں دکھا سکا تھا دراصل کارسوا کہنا یہ چاہتا کہ بعض اوقات کسی ناول پر فلم بناتے ہوئے ڈائریکٹر ناول میں موجود کسی کمزور تاثر کو زیادہ طاقت کے ساتھ کسی ایسے منظر کے ساتھ فلماتا ہے جو اس ناول میں موجود نہیں ہوتا لیکن اس ناول کی کہانی کے کسی کردار کو اور زیادہ مضبوط کرڈالتا ہے تو میرے خیال میں ناول نگار اور فلم نگار کے درمیان جس تفاعل اور جاندار اشتراک عمل کو گابو اور کارسوا کی گفتگو نے واضح کیا ابتک میں نے کہیں نہیں دیکھا گابو میرے خیال کے مطابق کارسوا کو دوران گفتگو بڑے طریقے سے انگیخت کرتا ہے جب وہ کارسوا کی فلم "فاسوڈی ان اگست" بارے گفتگو کرتے ہوئے کہتا ہے کہ اس کے خیال میں کارسوا نے ٹھیک نہیں کیا کہ ایٹم بم کی مخالفت کرتے کرتے ایٹمی توانائی کو ہی مسترد کردیا تو کارسوا اس پر سخت ردعمل کا آظہار کرتے ہوئے کہتا ہے کہ ایٹمی توانائی سے چلنے والے مرکز اگر تابکاری خارج کرنے لگیں تو ان سے خارج ہونے والی تابکاری ہزاروں سال ابلتی رھتی ہے اور انسانوں کو معذور اور ہلاک کرتی رہتی ہے ،پانی اگر ابلنے لگے تو اسے فوری سرد کیا جاسکتا ہے لیکن تابکاری کو نہیں اصل میں کارسوا یاد دلاتا ہے کہ اگرچہ ٹرومین نے ناگاساکی اور ھیرو شیما پر بم برسانے کی توجیہ یہ دی تھی کہ وہ جنگ بند کرانا چاہتا تھا اور اس توجیہ کو چاپانیوں نے امریکی دباؤ کے زیر اثر مان لیا لیکن اس کے نزدیک یہ عذر لنگ ہے کیونکہ ایک طرف تو اس بم گرائے جانے سے 5 لاکھ جاپانی ہلاک ہوگئے اور 2700 اب بھی ہسپتالوں میں اپنے مرنے کا انتظار کررہے ہیں جبکہ یہاں تابکاری سے اب بھی پیدا ہونے والے بچے متاثر ہورہے ہیں تو یہ جنگ ابھی جاپانیوں کے لیے تو ختم نہیں ہوئی کارسوا کہتا ہے کہ وہ نوچوان صحافی تھا جب یہ المیہ رونماء ہوا اور وہ اس ٹریجڈی پر لکھنا چاھتا تھا لیکن امریکی قبضے کے سبب اور سنسر شپ کی وجہ سے اس پر لکھا نہیں جاسکتا تھا تو جب وہ ڈائریکٹر بنا تو اس نے اس ٹریجڈی بارے لکھا کارسوا کہتا ہے مصیبت یہ ہے کہ ایک مرتبہ جب شوٹنگ سٹارٹ ہوجاتی ہے تو یہاں تک کہ کرائسٹ اور فرشتے بھی ملٹری چیفس آف سٹافس میں بدل جاتے ہیں گابو دوران گفتگو ہی بتاتا ہے کہ جنگ بندی تو ایک بہانہ تھا کیونکہ امریکہ کا اگر یہ مقصد ہوتا تو وہ بم چاپانی ٹوکیو کے شاہی محل پر بم گراتا اور جاپانی ملٹری و سیاسی قیادت کو مارتا لیکن ایسا نہیں کیا بلکہ شہری گنجان آبادی پر بم برسایا گیا مقصد فوجی اور ملٹری قیادت کو برقرار رکھتے ہوئے ان سے سودے بازی کرکے سویت یونین کو چاپان پر ٹیک اوور کرنے سے روکنا تھا اور اپنا قبضہ کرنا تھا اس طرح سے فلم ،ناول ،سکرپٹ ،سٹریم آف آئیڈیاز پر بات ہوتے ہوتے اندر کہیں چپکے سے ماضی ،اس سے جڑے تجربات ،سامراج ،نوآبادیات ،کلچر ،روایت ،شناخت ،جنگ ،تباہی بربادی جیسے سیاسی سماجی موضوعات بھی گفتگو میں داخل ہوجاتے ہیں اور یہ اصل میں اس رد تشکیل بیانئے سے جڑ جانے کا عمل بھی ہے جسے ٹی ایس ایلیٹ کے تصور روایت سے معنوی طور پر ایڈورڈ جوڑتا ہے تو گابو اور کارسوا کی گفتگو بھی اپنے جوھر کے اعتبار سے اسی سے جاکر جوڑتی ہے Source: http://kino-obscura.com/ http://blogs.indiewire.com/thompsononhollywood/gabriel-garcia-marquez-and-akira-kurosawa-talk-film-writing-and-rhapsody-in-august-in-1991-20140716

داعش فی العقول والقلوب ۔۔۔۔۔ناھض حتر

ناھض حتر عرب دنیا کے ایک معروف دانش ور ہیں اور انھوں نے روزنامہ "الاخبار بیروت"کی تازہ اشاعت میں ایک مضمون "داعش فی العقول و القلوب"کے عنوان سے لکھا ہے اس مضمون میں انھوں نے بنیادی خیال یہ پیش کیا ہے کہ داعش جس کے عراق اور شام کے ایک وسیع علاقے پر کنٹرول کا چرچا عالمی سطح پر ہورہا ہے اور اس کے اس کنٹرول کے بارے میں مختلف قیاس آرائیاں جاری ہیں کی جڑیں عرب تاریخ میں پیوست ہیں اور مضمون نگار نے داعش کو ایک نفسیاتی و فکری لہر بتایا ہے جس نے عرب لوگوں کے دل اور دماغ میں ایک طویل پروسس کے بعد گھر کیا ہے یہ مضمون پاک و ہند کے سماج کے لیے بھی اتنا ہی اہم ہے جتنا عربوں کے لیے ہے کیونکہ ہمارے ہاں بھی دیوبندی اور وہابی مکاتب فکر کے اندر مثل داعش لوگوں کی اکثریت اس فکری و نفسیاتی لہر سے متاثر دکھائی دیتی ہے اور ہم اسے "التکفیری سلفیہ و دیابنہ فی العقول و القلوب"کا عنوان دے کر دیکھ سکتے ہیں ناھض حتر لکھتا ہے کہ شام ہو یا عراق آج وہاں پر ہمیں انقلابیوں کے نام سننے کو نہیں ملتے -شام کے اندر بہار عرب اور اس سے نکلنے والا جیش حر کہیں نظر آتا ہے نہ ہی جیش اسلام ،نہ تو ہمیں قومی شامی کونسل نظر آتی ہے اور نہ ہی متحدہ شامی اپوزیشن بس کہیں کہیں جبھۃ النصرہ کا نام سننے کو مل جاتا ہے مگر ان میں سب سے روشن نام داعش کا ہے عراقی انقلاب کے ہر اول دستہ قرار دئے جانے والے نہ تو سنّی گروپوں کا نام آج کے عراق میں نظر آتا ہے نہ ہی ایک ماہ پہلے تک جیش الحریہ النقشبندیہ ،بعث اور عزت الدوری کے جو نام سننے کو ملے تھے وہ سب اب نہ جانے کہاں چلے گئے ہیں ،عراقی زمین پر اگر کسی کا نام ہے تو وہ داعش ہے نوٹ :جس وقت نام نہاد افغان جہاد شروع ہوا تو ہم نے 90 ء کے عشرے تک افغان اسلامی مجاہدین کا بہت نام سنا اور اسلامی انقلاب کا خواب بھی تواتر سے ہمیں دکھایا گیا لیکن جس اسلامی انقلاب کی نوید سنائی جارہی تھی افغان جہاد کے بطن سے وہ تو برآمد نہ ہوا بلکہ اس کی جگہ طالبان ،لشکر جھنگوی جیسے سخت گیر اور متشدد تکفیری نے لی اور یہی حال ہم نے جہاد کشمیر سے برآمد ہوتے دیکھا اور آج افغانستان سے لیکر وزیرستان کے پہاڑوں تک اگر کوئی نام ہے تو وہ اسی تکفیری گروہ کا ہے ناھض کہتا ہے کہ لم يحدث ذلك بالمصادفة، ولا نتيجة مؤامرة، ولا بسبب فشل «الثورتين» وأخطاء «الثوريين». كلا، فـ «داعش» كانت مركوزة في قلب أول مظاهرة «سلمية» شهدتها سوريا في العام 2011، وكانت الجوهر العلني لـ «الثورة» العراقية، وللحركة الاخوانية والتحريرية والسلفية الخ... إن عيون قادة الاخوان لتلمع وهم يرفضون إدانة جرائم «داعش»، أو حتى التعرّض لها بكلمة؛ إنهم، بالعكس، يغبطونها على ما يحيطها من ظروف وما تملكه من قدرة على اطلاق غرائز الكراهية والقتل والإقصاء والسلب والسبي، وهي نفسها الغرائز الاخوانية ــــ السلفية داعش نہ تو حادثہ ہے نہ ہی کسی سازش کا نتیحہ نہ ہی دو انقلابی گروہوں کے درمیان انتشار کا اور نہ انقلابیوں کی غلطیوں کا بلکہ داعش تو اس اولین بڑے مظاہرے کے قلب میں بھی تھی جو شام میں 2011ء میں ہوا اور اس کا جوہر خاص انقلاب عراق میں بھی تھا اور یہی داعش اخوانی ،تحریری اور سلفی تحریکوں میں بھی موجود تھی ۔۔۔۔۔۔۔۔۔۔۔۔۔۔ان قائدین اخوان کی آنکھیں جمکنے لگتی تھیں اور وہ داعش کے جرائم کی مذمت کرنے سے انکار کرتے تھے اور کسی ایک جملے سے بھی ان کو بے نقاب نہیں کرتے تھے اس کے الٹ ان برتنوں سے جو ثپکتا اس پر خوش ہوتے اور جو کچھ ان کے قبضے میں تھا اور جن مکروہ افعال جیسے قتل ،قبضہ ہے ،غصب کرنا ہے اور سب و شتم ہے اس پر یہ خوش ہوتے اور اصل میں داعش کی جو خصوصیات ہیں یہ تو بذات خود غرائز الاخوان اور اصل میں سلفیہ کا جوہر ہیں خواجہ عامر جیسے نوجوان بریلوی بچے کہتے ہیں کہ عامر بھائی !آپ اخوان اور حماس کو یونہی اس صف میں کھڑا کرتے ہو جس صف میں داعش ہے ،نصرہ ہے اور دیگر تکفیری دیوبندی سلفی خوارج ہیں ان کو ناھض حتر کا یہ مضمون ضرور پڑھنا چاہئیے لیکن میں سوچتا ہوں کہ بیچارے ان نوجوانوں کا کیا قصور ہے ،ان کے سامنے اردو اور انگریزی کے وہی مضامین آتے ہیں جو ہمارا میڈیا بہت زیادہ سیلف نسر شپ کے تحت ان کے سامنے لیکر آتا ہے اور اسی لیے وہ داعش کو اس کے تاریخی روٹس سے ہٹ کر الگ تھلگ مظہر کے طور پر دیکھتے ہیں ناھض لکھتا ہے کہ «داعش» ليست ظاهرة مستجدة؛ إنها تمثّل ميولاً ما تزال ماثلة حتى تحت الجلود الناعمة واللحى الحليقة وربطات العنق الأنيقة، كما هو حال تيار المستقبل المعدود ليبراليا داعش کوئی جدید رونما ہونے والا مظہر نہیں ہے بلکہ یہ تو ان کی نمائندگی بھی کرتا ہے جن کی جلد نرم ،ڈاڑھی غآئب اور گلے میں خوشنما ٹائیاں ہیں جیسے کہ فیوچر پارٹی لبنان کے چند لبرل ہیں نوٹ :مطلب یہ ہوا کہ تکفیریوں کے ساتھ پاکستان کے ہی لبرل کا اتحاد نہیں ہے بلکہ یہ اتحاد تو مڈل ایسٹ میں بھی موجود ہے یعنی کما ھو حال لیبرالیا فی الباکستان بھی کہا جآسکتا ہے ناھض نے آگے ایک ایسا تاریخی جملہ تحریر کیا ہے جس کی جتنی بھی داد دی جائے کم ہے اور اسے ہم قلم توڑ جملہ کہہ سکتے ہیں «داعش» هي تاريخ وهاجس ونزعة، لم تستطع الدول الوطنية الحديثة انتزاعها من العقول والقلوب، وأطلقها ربيع الخليج من أقفاصها وقيودها. داعش تاریخ کے اس آسیب اور جھکاؤ کا نام ہے جسے جدید نیشنل سٹیٹس کا تصور بھی عقول و قلوب سے نکال نہیں سکا اور داعش کا خمیر بہار عرب کے پنجروں اور اس کی تنگنائیوں سے اٹھا ہے ناھض کہتا کہ عراق اور شام دونوں انقلاب کی بنیاد کو اگر اوپر والی سطح سے دیکھا جائے یا گہرائی میں جاکر دیکھا جائے تو اس کی بنیاد بہت تنگ نظر فرقہ پرستی پر ہے نہ کہ اس کی بنیاد نیشنل ازم ہے اور یہ انقلاب ایسے گروہوں کی جانب سے لانے کی کوشش ہوئی جو تعصب ،عدم برداشت اور ابال کے احساسات کا شکار تھے اور انھوں نے اس انقلاب میں سارے ہم وطنوں کو شریک کرنے سے انکار کیا اور ان کا مقصد اپنے اوپر مسلط لوگوں سے انتقام کا تھا اور اسے شام میں انھوں نے ایک اقلیتی گروہ سے اور عراق میں ایک غالب گروہ سے انتقام سے تعبیر کیا أولاً، الثورتان، بالأساس وفي العمق وعلى السطح، عبّرتا عن نزعة طائفية مغلقة لا وطنية، مشحونة بالتعصّب والتوتر واختمار مشاعر رفض الشركاء الوطنيين على الجملة، وتصعيد غريزة الانتقام من سلطات يُزعم بأنها تعبّر عن أقلية طائفية (في سوريا)، وتعبّر فعلاً عن أغلبية طائفية في العراق نوٹ:اگر ہم افغانستان اور پاکستان میں اس کو دیکھیں تو یہاں بھی اور وہاں دونوں جگہ اسلامی یا دیوبندی انقلاب کی بنیادیں وہی تنگ نظر فرقہ پرستی ،عدم برداشت اور نسلی و مذھبی تعصبات سے بھرے گروہوں کی پر تھیں اور ہیں ناھض کے مطابق یہ سارا گروہ فرقہ وارانہ سوچ سے مملو تھا اور اس دائرے کے اندر پہلے اعتدال پسندوں اور انتہا پسندوں کے درمیان معرکہ ہوا جس میں انتہا پسندوں نے اعتدال پسندوں کو خوراک بنایا اور اکثر یوں ہوتا ہے کہ پھر زیادہ انتہا پسند کم انتہا پسندوں کو اپنا رزق بناتے ہیں اور یوں انتہا پسندی کی کمال فکری حالت کا ظہور ہوتا ہے اور ناھض کے مطابق شام اور عراق میں یہی کچھ ہوا اور آج ہمیں عراق اور شام میں اس انتہا پسند فرقہ پرست مثالی شکل کا سامنا ہے جسے ناھض کی اصطلاح میں بدویۃ التکفیریۃ اجرامیہ کہہ سکتے ہیں اور ناھض کے بقول اس کی سب سے مثالی شکل داعش ہے اس کے مطابق داعش اصل میں صحرائی یا بدوی زندگی کی طرف پلٹ پڑنے اور عراق شام سمیت عرب ملکوں میں جو شہری تہذیبی زندگی سامنے آئی ہے اسے تباہ کرنے اور تاریخ کا پہیہ الٹا گھماکر پھر سے غزوات ،فتوحات ،زبج کردینے ،دین و تہذیب کی تطہیر کرنے ،گردنیں مارنے ،عورتوں کو اغواء کرنے ،کنیزیں و لونڈیوں کے بازار پھر سے کھولنے کے دور کو واپس لے آیا جائے جوکہ کسی زمانے میں عرب تاریخ پر چھایا رہا على مهاد التحشيد الطائفي، يبدأ الصراع، داخل ذلك التحشيد، حتمياً؛ فالمتطرف يأكل المعتدل، والأكثر تطرفاً يأكل المتطرف، وهكذا حتى وصلنا إلى اكتمال الصورة الفكرية ــــ التنظيمية التي تعكس العقلية الطائفية كلياً في صيغة بدوية ــــ تكفيرية ــــ اجرامية، تلك التي تمثّلها «داعش»؛ الردة إلى الصحراء، وشطب كل التراث الحضاري الاسلامي، والعودة إلى الغزوات والفتوحات والمذابح والتطهير العرقي والديني وقطع الرؤوس وسبي النساء واستعادة سوق الجواري وكل ذلك المشهد الذي استغرقت المجتمعات العربية ــــ الاسلامية، 14 قرناً لاستيعابه ووأده عندما يطل برأسه، واخضاعه لمنطق الاستقرار والانتاج الزراعي والحرفي والثقافي، أي لمنطق التحضّر المدني. میں جب ناھض کا یہ پیرا گراف پڑھ رہا تھا تو مجھے اچانک خیال آیا کہ ابھی دو روز پہلے میں نے ایک ہندوستانی لکھاری کا ایک آرٹیکل سماجی رابطے کی ویب سائٹ فیس بک پر پوسٹ کیا تھا Legacy of Syed Ahmad Baralvi اس میں مصنف نے پاک وہند کے اندر مسلمانوں کے اندر دھشت گردی اور انتہا پسندی کی تاریخی اور فکری جڑوں کا جائزہ لیا تھا اور اس جائزے کے دوران اس نے یہ کہا تھا کہ مغل دور کے زوال کے بعد جتنی بھی تحریکیں جہاد کے نام پر پاک و ہند کے اندر اٹھیں وہ اصل میں ہندوستان کے اندر اس دور حکمرانی کو واپس لانا تھا جس میں ہندؤ ،سکھ سب اشراف و اجلاف مسلمانوں کے ماتحت ہوا کرتے تھے اور اس یوٹوپیا کو حاصل کرنے کے خواب سے شروع ہونے والا سفر وہیں آکر ختم ہوا ہے جسے حضر المدنی سے بدویت کی طرف لوٹنے کا نام ناھض دیتا ہے کیا ایسا نہیں لگتا جیسے نسیم حجازی کے ناولوں کے کردار لوٹ آئے ہوں اور کردار بھی ایک قدرے جذباتی اور انتہائی سنجیدگی کے ساتھ کامیڈی کرنے میں مصروف ہوں ناھض داعش کے پس پردہ تاریخی رشتوں کی تلاش میں جب نکلتا ہے تو وہ داعش کے ظہور کو عرب خطے میں پائے جانے والی فرقہ وارانہ و نسلی بنیادوں پر مستقل عنصر کے طور پر موجود نسل کشی کے تناظر میں دیکھتا ہے اور اسے اسی کا تسلسل بتلاتا ہے اور اس کے نزدیک اس کا سلسلہ عثمانی ایمپائر کے زوال سے انسیویں صدی کے وسط میں شروع ہونے والے اس قتل عام سے شروع جو دمشق اور لبنان میں ہوا تھا اور جب پہلی جنگ عظیم میں عثمانی ترک ہارے تو انھوں نے اپنی شکست کا غصّہ آرمینیوں پر اتارا اور ان کی زبردست نسل کشی کی ناھض کہتا ہے کہ آرمینیوں کے دانشور ،سیاست دان ،فنکار ،شاعر ادیب ،مذھبی رہنماء سبھی تو تہہ تیغ کرڈالے گئے تھے اور آرمینیوں کی قومی شناخت اور ان کے ایک قوم ہونے کو فنا کرڈالا تھا اورایسے رخنے ڈالے کہ آج تک آرمینی ان رخنوں کو بھرنے کی کوشش کررہے ہیں ناھض کہتا ہے کہ اسی زمانے میں عرب یہودیوں کا اخراج اور بے دخلی شروع ہوئی اور عرب یہودی جوکہ عربوں کی تہذیب ،معاشرت اور شہری و دیہی زندگی کا جزو لاینفک تھے ان کو اس سے الگ اور خارج کرنے کا سلسلہ شروع ہوا اور اس وقت کرسچن عرب نے بھی اس اخراج پر خاموشی اختیار کی تھی اور وہآں سے یہ سلسلہ شروع ہوا تو پھر رکا نہیں کلاڈین ۔اسارین ،شہباک عرب ،پھر یہودی عرب ،پھر عیسائی عرب ،پھر یزیدی اور پھر شیعہ اور پھر داڑھی منڈھے اور وہ جو خلیفہ کی بیعت نہ کریں ،وہ سنّی جو شیدائی نذرونیاز و زیارات قبور و مقابر ہوں اور پھر وہ جو ہوں تو سلفی لیکن خلیفہ کی بیعت نہ کریں اور پھر ہ جو جہادیوں کو نکاح کے لیے عورتیں نہ دیں نوٹ:مجھے آرمینیوں کی طرح کا معاملہ پاکستان میں احمدیوں کا نظر آتا ہے جن سے یہ سلسلہ شروع ہوکر کرسچن ،ہندؤ اور شیعہ سے ہوتا ہوا سنّی بریلوی اور وہاں سے ہر اس آدمی تک آن پہنچا ہے جو دیوبندی تکفیریوں سے اتفاق نہیں کرتا ناھض کہتا ہے کہ اگر ہم چاہتے ہیں کہ داعش کہ الردہ الی الصحراء یا بدویۃ التکفیریہ الاجرامیہ کا مقابلہ عرب مدنی ثقافتی قومی انقلاب سے کرنے کے خواہش مند ہیں تو اس کا آغاز ہميں خود تنقیدی سے کرنا ہوگا اور یہ خود تنقیدی یہ ہے کہ ہم صہیونیت اور اسرائیل کے بارے میں اظہار خیال اور نفرت کے لیے ان دونوں کے متردادف لفظ بہودی کا استعمال بند کردیں اور یہ جان لیں کہ فلسطین کی آزادی اور فلسطین میں صہونیت کا خاتمہ عرب یہودیوں کی طرف یک جہتی ،ان سے انسانیت پرستی اور قومی محبت پر مبنی بیاںئے کے بغیر ممکن نہیں ہے ناھض کہتا ہے کہ داعش کی جو سخت گیر بدویت اور تکفیریت ہوسکتا ہے جلد ہی سامراجیوں کے ساتھ کسی ایڈجسمنٹ کی صورت میں ختم ہوجائے لیکن داعش کا جو فکری اور نظریاتی اثر ہے اس کا پھیلاؤ بہت زیاہ ہے اور اس کے فی الفور ختم ہونے کے کوئی آثار نظر نہیں آتے اس لیے داعش کے جرائم سے زیادہ داعش کی فکری اور نفسیاتی جڑوں کے خلاف لڑنے کی ضرورت ہے المطلوب الآن، ليس فقط حملة ضد جرائم «داعش»، بل ضد العقلية والسيكولوجية الداعشية التي ثبت أنها متجذرة في العقول والقلوب ناھض نے اگرچہ اپنے اس مضمون میں مذھبی نسلی اقلیتوں کو اپنا موضوع بنایا ہے اور اس نے قومی نسلی اکثریتی عرب گروہوں کے مقابلے مين اقلیتی قومی گروہ جیسے کرد ،خراسانی عرب ،بلوچ ہیں کا زکر نہیں کیا اگرچہ اس نے کلاڈین ،اسارین اور شہباک کا زکر کیا ہے اور اسے عرب مہا قومیت کے تعصب اور نوآبادیاتی تسلسل کو بھی بیان کرتے ہوئے اس کی مذمت کرنی چاہئیے تھی اور اگر کرد اور بلوچ عربوں اور پرشین سے اپنی الگ پہچان بنانے اور الگ قومی ریاست بنانے کے خواہاں ہیں تو اس کی حمایت کا کھل کر اظہار کرنا چاہئیے تھا جو نہیں ہوا شاید ناھض کےالثورة العربية الحضارية میں اس کی گنجائش نہیں بنتی جیسے محمود اچکزئی جیسوں کے ہاں اب سرائيکیوں کی آزادی اور ان کی پنجابیوں سے ہٹ کر شناخت کا سوال اور ان کی آزادی کچھ زیادہ اہمیت کی حامل نہیں ہے جیسے وہ پشتون بالادستی کی بات آئے تو اکثر پشتون قوم پرست بھی افغان ہزاروں ،ازبک ،تاجکوں ویسے ہی الگ قومی شناخت ماننے سے انکاری ہوتے ہیں اگرچہ میں ناھض کو اس قدر بے حس خیال نہیں کرتا ہوں لیکن اس مضمون کی اہمیت پھر بھی باقی ہے روزنامہ الاخبار بیروت سے شایع ہوتا ہے اور یہ اخبار مارکسسٹ اور بائیں بازو کی قوم پرستانہ لہروں کی ترجمانی کرتا ہے اور اس کے چیف ايڈیٹر جس کمرے میں بیٹھتے ہیں اس کمرے میں عین ان کی کرسی کے اوپر دیوار پر کارل مارکس کا بڑا سا پوٹریٹ لگا ہے اور یہ روزنامہ لبنان میں ایک طرف تو فیوچر پارٹی جیسی بورژوا پارٹیوں کا سخت مخالف ہے تو دوسری طرف یہ عرب دنیا میں گے ،ليزبین رآئٹس جیسے حساس اور انتہائی خطرناک نتائج کو دعوت دینے والے ایشوز پر بھی مین سٹریم دھارے کے خلاف بات کرتا ہے اور اس کے ساتھ ساتھ مزاحمت کی بنیاد پر یہ حزب اللہ ،حماس کا ساتھ بھی دیتا ہے لیکن مجھے ناھض ان میں سے نہیں لگتا کیوں کہ اس نے اس نے بہودی ہونے کو صہیونی ہونے اور اسرائيلی ریاست کے جرائم میں برابر کا شریک بنانے والی سوچ کا رد کیا ہے اگرچہ یہ اخبار بھی لفظ صہانیہ ہی استعمال کرتا ہے لیکن حماس و اخوان کے بارے میں اخبار کی پالیسی مختلف ہے پاکستانی عوام کی بدقسمتی ہے کہ اس کے مین سٹریم میڈیا میں ایسا کوئی بھی ميڈیا گروپ یا صحافی نہیں ہے جس نے فرقہ واریت ،تکفیریت ،جہاد ،نسل پرستی کو اس طرح سے دیکھنے کی کوشش کی ہو جیسے ناھض حتر سمیت کئی ایک عرب انٹلیکچوئل دیکھنے کی کوشش کررہے ہیں بلکہ اگر کسی نے ایسے وسیع کنویس کے ساتھ دیکھنے کی کوشش کی تو اسے مین سٹریم دھارے کے اخبار اور جریدے سے نکلنا پڑا ،میرے سامنے حیدر جاوید سید کی مثال ہے جو ناھض جیسی اپروچ رکھتے ہیں بلکہ وہ کسی بھی قوم کے حوالے سے تعصب کا شکار نہیں ہیں ان کو روزنامہ مشرق پشاور سے اسی لیے نکلنا پڑا اور پھر کالم بھی بند ہوگئے اور آج پاکستان کا کوئی بھی قومی اخبار حیدر جاوید سید کو اپنے مین ادارتی صفحے پر چھاپنے کو تیار نہیں ہے اور ایسی ہی ایک اور مثال عبدل نیشا پوری کی ہے جو جنگ میں کام کرتے رہے لیکن ان کو اپنی فکری ازادی کے لیے ایک ویب بلاگ کی بنیاد رکھنا پڑی ناھض کا یہ مضمون بیروت کے ایک بڑے ميڈیا گروپ کے عربی ایڈیشن میں شایع ہوا اور اس کے اس مضمون پر یہ تبصرہ اور حاشیہ نگاری پاکستان کے کسی ایک اخبار نے بھی شایع کرنے کی ہمت نہ کی ہم پاکستان میں تکفیریت ،فرقہ واریت ،نام نہاد جہاد ،نسل پرستی کے فکری و نفسیاتی اثرات اور اس کی تاریخی جڑوں کا ایمانداری کے ساتھ اور ایک معروضی تجزیہ کرنے کی ہمت کریں تو بھی پاکستان کے ازاد ميڈیا کی ٹانگیں اس کو چھاپتے ہوئے کانپنے لگتی ہیں اور اگر اس کے دانت نکال دیں تو بھی اس کو چھاپنے سے پہلے ایک وضاحتی نوٹ تیار کیا جاتا ہے جسے اوپر یا نیچے مضمون کے آپ کا منہ چڑانے کے لیے لکھا جاتا ہے جبکہ اس کے ساتھ چھپے بہت سے ملٹری اسٹبلشمنٹ ،مذھبی فسطائیوں کے جواز ڈھونڈنے والے مضمونوں بلکہ سرخ عمارت میں بیٹھے قومی و خارجہ و سیکورٹی پالسیوں کے خالق اور کنٹرولرز کی سفارش سے آنے والے آرٹیکلز پر کہیں ایسا وضاحتی نوٹ لکھا نظر نہیں آتا تو ہمارے ہاں متبادل بیانئیے ابھی تک اندھیروں اور گمنامی میں ٹامک ٹوئیاں مارتے پھرتے ہیں اور ان کو نکاس کی جگہ کی تلاش ہے اگرچہ سوشل میڈیا قدرے ایک کتھارسس ہائیڈ پارک بنکر ابھرا ہے اور اس نے رخنے بھی اس دیوار برلن میں ڈالے ہیں جسے ہم فلسفے کی زبان میں ایپیسٹمک بلاک بھی کہہ سکتے ہیں داعش» التي في العقول والقلوب http://www.al-akhbar.com/node/213125

نواز شریف کے اقتدار کی ڈولتی ناؤ

پاکستان تحریک انصاف کے چئیرمین عمران خان 14 اگست کو اسلام آباد لاکھوں افراد کے ساتھ پارلیمنٹ کے سامنے دھرنا دیں گے اور اپنے اس پروگرام کو انھوں نے آزادی مارچ کا نام دیا ہے جبکہ وفاقی حکومت نے 14 اگست کو ڈی چوک میں جشن آزادی ،مسلح افواج کی پریڈ کا پروگرام بنایا ہوا ہے انیس سو تہتر کے آئین کی شق 245 کا استعمال کرتے ہوئے اسلام آباد کو فوج کے حوالے کردیا گیا ہے گویا پاکستان کی مسلح افواج اس دوران اگر کوئی کاروائی عمل میں لائیں تو ان کے اقدامات کو ہائی کورٹس میں چیلنج نہ کیا جاسکے ڈاکٹر طاہر القادری ،چوہدری شجاعت سے پی ٹی آئی کے مذاکرات جاری ہیں اور شنید یہ ہے کہ یہ بھی پی ٹی آئی کے آزادی مارچ کی حمائت کریں گے جبکہ شیعہ سیاسی جماعت مجلس وحدت المسلمین ،سنّی تنظیم سنّی اتحاد کونسل آزادی مارچ کی حمائت کا اعلان کرچکی ہیں اور ایم کیو ایم بھی آخری لمحات میں ڈاکٹر طاہر القادری کے ہم رکاب ہوسکتی ہے اب تک اس سیاسی جوار بھاٹے کا جو مقصد سامنے آرہا ہے اس کا کم از کم ایجنڈا صاف صاف وسط مدتی انتخابات لگتا ہے کیونکہ ایک نجی ٹی وی کو انٹرویو دیتے ہوئے عمران خان اور ایک انگریزی معاصر اخبار سے بات چیت کرتے ہوئے پی ٹی آئی کے مرکزی رہنماء سابق وزیر خارجہ شاہ محمود قریشی نے یہی مطالبہ دوھرایا ہے پاکستان تحریک انصاف نے الیکشن کے فوری بعد کئی ایک حلقوں میں دھاندلی کا الزام عائد کیا اور دو ہفتوں تک احتجاج اور دھرنے چلے اس وقت یہ خدشات موجود تھے کہ کہیں عمران خان بلند توقعات کے برعکس نتیجہ سامنے آنے پر الیکشن کو ماننے سے انکار کرڈالیں لیکن ایسا نہیں ہوا بلکہ عمران خان نے خیبر پختون خوا میں کولیشن گورنمنٹ بنائی اور قومی اسمبلی میں اپوزیشن کا کردار ادا کرنا شروع کرڈالا اس دوران عمران خان کی طرف سے انتخابی عذرداریاں دائر کی گئیں اور یہاں پر مسلم لیگ نواز کے کامیاب امیدواروں نے عدالتی اسٹے آڈر لینے شروع کئے اور ووٹوں کی تصدیق کا عمل کرانے سے انکار کیا آغاز کار میں ایسا نظر آتا تھا کہ پی ٹی آئی حامد زمان ،عمران خان کی لاہور کی نشستوں اور لودھراں میں جہانگیر ترین کی نشست پر رزلٹ کو ناقبال یقین خیال کررہی ہے اور ان نشستوں پر اگر اس وقت ووٹوں کی تصدیق کا پروسس کرلیا جاتا تو نواز لیگ کی فیس سیونگ ہوسکتی تھی لیکن جیسے جیسے اس معاملے پر مسلم لیگ نواز کی طرف سے ہٹ دھرمی دکھائی گئی اور الیکشن ٹربیونل جاکر انتخابی بے قاعدگیوں کی شکایات کی تفصیل تحقیق سے اور باخبر زرایع سے سامنے آنے لگی اور اس دوران ایک ٹیپ نگران چیف منسٹر نجم سیٹھی کی مبینہ گفتگو کی سامنے آئی اور 35 پنکچر پنجاب میں لگانے کا تذکرہ ہوا ،ایک ایم آئی کے سابق افسر کی نگرانی میں رزلٹ بدلنے کی کہانی سامنے آئی اور پھر نادرا کے سابق چئیرمین طارق ملک کے ساتھ وزیر داخلہ نے جو کیا اس سے شکوک و شبہات بڑھتے چلے گئے اب صورت حال یہ ہے کہ پاکستان تحریک انصاف ،مسلم لیگ ق ،عوامی مسلم لیگ ،مجلس وحدت المسلمین ،سنّی اتحاد کونسل سارے الیکشن کو فراڈ کہہ رہی ہیں جبکہ پی پی پی کی قیادت کہتی ہے کہ انھوں نے جمہوریت کی خاطر الیکشن کو تسلیم کیا گویا ان کو بھی اس الیکشن کے انجئینرڈ ہونے پر شک نہیں ہے میرا خیال یہ ہے کہ پاکستان تحریک انصاف کے چئیرمین عمران خان اور ان کے دیگر رفقاء نے گذشتہ قومی انتخابات کے بارے میں اپنے خیال کو عوام کی اکثریت میں مقبول کردیا ہے اور لوگ اب میاں نواز شریف کے مینڈیٹ کو اصلی خیال نہیں کررہے شنید یہ ہے کہ عدالتی اسٹبلشمنٹ میں سابق چیف جسٹس افتخار محمد چودھری کی لابی کے میاں نواز شریف کے ساتھ ہونے کے باوجود اس وقت اسٹبلشمنٹ کا سب سے طاقت ور عنصر یعنی عسکری اسٹـبلشمنٹ غیر جانبدار ہے اور وہ میاں نواز شریف کے مخالفین کو فکس اپ کرنے میں کوئی دلچسپی نہیں رکھتیں ایک معاصر انگريزی اخبار کے مطابق میاں محمد نواز شریف نے اپنے انتہائی قریبی دوستوں کا ایک اجلاس لاہور رائے ونڈ جاتی امراء میں بلایا تھا جس میں کوئی ایک کابینہ کا رکن شامل نہیں تھا اور نہ ہی وفاقی وزیر ااطلاعات ،ترجمان نواز شریف پرویز رشید بھی مدعو تھے اور اس اجلاس میں میاں نواز شریف نے تسلیم کیا کہ ان سے چند موو غلط ہوئیں اور وہ یہ تسلیم کررہے تھے کہ ان کی حکومت پر ون مین شو ہونے کا امیج بری طرح سے چسپاں ہوگیا ہے جس سے وہ نکلنا چاہتے ہیں مسلم لیگ نواز کی سیاسی تنہائی میں اضافہ اور عوام کے اندر ان کی ساکھ کے بری طرح سے گرجانے کی ایک وجہ ان کی حکومت کے بلند وبانگ دعوے اور جھوٹی میڈیا کمپئین بھی بنی ہے جب سے یہ حکومت آئی ہے اس وقت سے مہنگائی نے بڑھنا شروع کیا ہے اور اس میں کمی دیکھنے کو نہیں مل رہی جبکہ اس حکومت نے 500 ارب سرکلر ڈیٹ کی مد میں بجلی کی کمپنیوں کو پری آڈٹ کے بغیر دے ڈالے اور بجلی کی لوڈشیڈنگ ميں کمی کے دعوے کئے لیکن پتہ یہ چلا کہ بجلی ایک طرف تو بہت مہنگی ہوئی دوسرا بجلی کی لوڈشیڈنگ کم ہونے کی بجائے اور بڑھ گئی اور یہ رمضان اور عید تو اس بحران کے سنگین ہونے میں خود نواز لیگ کی ساکھ کو بھی بٹھا گیا بجلی کی پیداوار ،گیس کی لوڈشیدنگ ختم کرنے کے لیے قطر سے گیس کی درآمد کے حوالے سے بھی حکومت کا کوئی ایک دعوی پورا نہیں ہوا بلکہ نندی پور پاور پروجیکٹ ،تونسہ اچ پاور پلانٹ ،گدو پاور پلانٹ کے بجلی کی پیداوار شروع کرنے کے نام پر افتتاحی تقاریب ہوئیں ،کروڑوں کے کے اشتہارات جاری کئے گئے لیکن پتہ چلا کہ وہ سب کاغذی اعلانات تھے میگا پروجیکٹس افسانہ ہائے ترقی کا کاروبار نواز شریف اور ان کے مشیروں اور ان کے بھائی شہباز شریف نے شروع کیا اور اربوں روپوں کے پروجیکٹس شروع ہوچکے ہیں لیکن چراغ تلے اندھیرے کے مصداق سرکاری تعلیمی اداروں ،ہسپتالوں ،روڈ انفراسٹرکچر کی حالت بہت بری ہوچکی ہے اور غربت میں بے تحاشا اضافہ ہوا ہے ،چند اربن سنٹرز میں ساری ترقی مرتکز ہے اور وہاں بھی امیر اور غریب میں بے تحاشا خلیج پیدا ہوئی ہے لوگ یہ سوال کرتے ہیں کہ روالپنڈی ،ملتان ،لاہور کے ہسپتالوں کے لیے ،کئی ایک تعلیمی اداروں کے لیے ،ادویات کی فراہمی کے لیے فنڈز نہیں ہیں لیکن میٹرو بس ،فلائی اوورز اور مونو ٹرین منصوبوں کے لیے پیسہ ہے خود سنٹرل پنجاب میں مڈل کلاس اور غریب شہری و دیہی آبادی کے اندر سخت بے چینی پائی جاتی ہے اور نوجوان بے روزگاروں کی ایک فوج ہے جس کو دینے کے لیے مسلم لیگ نواز کی حکومت کے پاس کچھ بھی نہیں ہے اور اس نے مسلم لیگ نواز کے سیاسی حمایت کے قلعے تصور ہونے والے شہروں میں پی ٹی آئی اور پاکستان عوامی تحریک کی انقلابی لفاظی اور تبدیلی کے نعرے کو مقبول کیا ہے جبکہ پنجاب کا سرائيکی ریجن تو اس دوسرے دور میں مسلم لیگ نواز کی پہلے سے زیادہ معتصبانہ اور شاؤنسٹ پالیسیوں کا مشاہدہ کررہا ہے اور یہاں بھی بھوک راج ہے اور ننگ روائت اور ایسے میں اس ریجن میں مسلم لیگ نواز کا روایتی حامی سمجھے جانے والا دوکاندار ،پروفیشنل ،اور درمیانہ صنعت کار پرتیں جو پیٹی بورژوازی پرت کہلاتی ہے جس کی ایک معتدبہ تعداد پہلے ہی پی ٹی آئی کا رخ کرچکی تھی اب اور تیزی سے پی ٹی آئی کی ہمنواء بن رہی ہے اور لمپن پرولتاریہ یعنی کچے مزدور اور انڈسٹریل ایریا کی نچلی مزدور پرتیں یہ بھی عمران خان کی سیاست اور طاہر القادری کے ریڈیکل سیاسی و معاشی نعروں سے متاثر نظر آتے ہیں میاں نواز شریف اور ان کے ساتھی پاکستان کے اندر دھشت گردی اور فرقہ پرستانہ سوچ رکھنے والوں کے حوالے سے ایک طرح سے ناکام سیاسی حکمت عملی کا شکار ہوئے ہیں اور اس ناقص حکمت عملی میں ان کے بھائی چیف منسٹر شہباز شریف کی غلطیوں کا بہت ہاتھ ہے پنجاب اور سندھ میں بریلوی سنٹر رائٹ جماعتوں نے ہمیشہ سے نواز شریف کا ساتھ دیا تھا لیکن یہ اتحاد وقت گزرنے کے ساتھ کمزور پڑتا گیا اور اس وقت سنٹر رائٹ بریلوی سیاسی تںظیموں ميں طاقت ور سیاسی تنظیمين سنّی اتحاد کونسل ،پاکستان سنّی تحریک ،جمعیت العلمائے پاکستان ،نظام مصطفی پارٹی وغیرہ ان کے ساتھ نہیں ہیں اور مخالف کیمپ میں کھڑی ہیں جبکہ شیعہ سنٹر رائٹ بھی ان سے ناراض ہے اور اب جبکہ شمالی وزیرستان کے فوجی آپریشن کو نواز شریف نے پوری طرح سے اون کیا ہے تو دیوبندی سنٹر رائٹ بھی ان سے خوش نظر نہیں آرہا اور اہل حدیث سنٹر رائٹ اور فار رائٹ جیسے جماعت دعوہ ہے وہ کشمیر ،افغانستان ،جیو بمقابلہ آئی ایس آئی جیسے واقعات کی وجہ سے نواز شریف سے دور ہے تو ہم کہہ سکتے ہیں کہ بہت تیزی سے نواز شریف نے مختلف مسالک کے سنٹر رائٹ گروپوں کو یا تو نیوٹرل کردیا یا ان کو مخالف کیمپ میں کھڑا کردیا پاکستان میں جہاں مسلم لیگ نواز کو سنٹر رائٹ سے سب سے بڑے چیلنج کا سامنا ہے وہیں مسلم لیگ نواز کی حکومت کی بڑھتی ہوئی غیر مقبولیت کی وجہ سے پی پی پی جیسی بڑی لبرل ڈیموکریٹک جماعت بھی اس سے زرا فاصلہ رکھنے اور کہیں کہیں حکومت کے خلاف تند و تیز بیانات کا سلسلہ جاری رکھے ہوئے سابق وزیر ا‏عظم سید یوسف رضا گیلانی کی کراچی میں مشرف -حکومت-نواز لیگ معاہدے کی کہانی پر مشتمل پریس کانفرنس ،زرداری کی جانب سے وزیر اعظم منتحب کرنے بادشاہ نہ بنائے جانے کا بیان ایسے تھے جنھوں نے نواز لیگ کو اور کونے میں دھکیلا ہے اس سارے معاملے کو دیکھتے ہوئے یہ نظر آتا ہے کہ اگر پاکستان تحریک انصاف مڈٹرم انتخابات کے موقف پر ڈٹی رہی تو پھر مڈ ٹرم انتخابات کے انعقاد کے سوا اور کوئی آئین کے اندر رہتے ہوئے طریقہ کار نہیں ہے اس ساسی بحران کے حل ہونے کا مسلم لیگ نواز کی قیادت نے پارلیمنٹ کے اندر اس معاملے کے نمٹ جانے کے امکان کو ضایع کرڈالا ہے اور اب پانچ سال حکمرانی کی ٹرین میں سوار رہنے کا خواب شرمندہ تعیبر ہوتا نظر نہیں آرہا ایک بات بہت حیرت انگیز ہے اور وہ یہ ہے کہ پاکستان بھر کے تمام سیاسی و صحافتی حلقے کہتے ہیں کہ موجودہ حکومت کا یہ ممکنہ زوال حزب اختلاف کی شاندار اور بے عیب حکمت علمی کا نتیجہ ہرگز نہیں ہے بلکہ اس حکومت کی کوہ ہمالیائی غلطیوں اور شاہ سے زیادہ شاہ کے وفادار وزیروں اور مشیروں نے حکومت کو اس حال تک پہنچایا ہے اور خود مسلم لیگی کیمپ کا حال یہ ہے کہ ہر ایک دوسرے پر الزام دھرتا نظر آتا ہے اور ساری حکومتی ٹرین کے ڈبوں کو باہمی جوڑنے والی کڑیاں بس ایک جھٹکے کی دیر ہے کہ سارے ڈبے بمعہ انجن سیاسی پٹری سے اترتے نظر آتے ہیں

بلوچ قومی مزاحمت کتاب کلچر و سامراجیت کے آئینے میں

جب میں فلسطینی عرب نژاد دانشور ایڈورڈ سعید کی کتاب "کلچر اور امپریلزم " فرانز فینن کی کتاب "ریچڈ آف ارتھ " اور "بلیک سکن اینڈ وائٹ ماسک " کا مطالعہ کرچکا اور ساتھ ہی اقبال احمد کے چند ایک مضامین کو پڑھ چکا تو مجھے اسی دوران بلوچ شاعروں ،ادبیوں اور ساسی دانشوروں کی ںگارشات پڑھنے کا اتفاق بھی ہوگیا ہے اور اس سے پہلے میں رفعت عباس ،اشو لال ،حفیظ خان ،حیدر جاوید سید جیسے سرائیکی دانشوروں کی فکر اور سوچ سے بھی کافی حد تک واقف ہوچکا تھا تو میرے زھن میں بے اختیار ایک بات یہ منکشف ہوئی کہ جس طرح سے ایڈورڈ سعید نے مشرق کو اپنے ڈسکورس کے ساتھ مغرب کی جانب سے بیان کرنے کی حقیقت کو منکشف کرتے ہوئے اس بیانیہ کے کالونیل ،امپریلسٹ ،حاکمانہ ہونے کی طرف اشارا کیا تھا اور فرانز فینن نے نوآبادیات کے خاتمے کے بعد بورژوازی اور جاگیردار حکمران اشرافیہ اور ان کی مددگار ودردی ،بے وردی نوکر شاہی نے اسی وآئٹ ڈسکورس کے ساتھ عوام کے ساتھ جو سلوک کیا جسے بلیک سکن کے ساتھ وائٹ ماسک کا نام فینن دیتا ہے تو یہی عمل پاکستان کے اندر بلوچ ،پشتون ،سندھی سرائیکی نیٹوز کے ساتھ اس حکمران کلاس نے کیا جس کی بھاری اکثریت پنجابی اور اردو بولنے والے مہاجر لوگوں پر مشتمل تھی ابھی حال ہی میں مجھے کے بی فراق جو کہ گوادر شہر سے تعلق رکھنے والے ایک استاد پیشہ شاعر ،ادیب دانشور ہیں کی کچھ نظمیں موصول ہوئیں اور پھر ایک اور بلوچ شاعر کی نظم لاپتہ ہوجانے والے بلوچ لوگوں پر ملی اور اسی طرح سے ایک نظم زبیر احمد آف تونسہ کی پڑھنے کا اتفاق ہوا اس سے مجھے اخوبی اندازہ ہوا کہ پاکستان کی ریاست اور اس کے حکمران طبقات نے جو بیانیہ اور ڈسکورس بلوچ ،سرائیکی ،سندھی ،پشتون ،گلگتی بلتی ،کشمیری اقوام کے بارے میں تشکیل دیا تھا اور ان کے کلچر ،زمین اور تاریخ کے بارے میں اپنایا تھا جس کی حقیقت ایک دوسرے زاویہ سے سامراجی اور نوآبادیاتی ہی تھی اور یہ ایک طرح سے مقامی حکمرانوں کا کالونیل ماسک تھا جو انھوں نے برٹش سامراج کے جانے کے بعد پہن رکھا ہے اس کو پاکستان کی محکوم اور مظلوم اقوام کے دانشوروں ،ادیبوں ،انقلابی سیاسی کارکنوں نے چیلنچ کرنا شروع کردیا ہے ایڈورڈ سعید کی کتاب کلچر اینڈ امپریلزم کا ایک باب "مخالفت اور مزاحمت " کے عنوان سے ہے اور اس کتاب کے اس باب سے چند ایک پیراگراف اپنے چند اخذ کردہ نتائج کے ساتھ یہاں درج کرتا ہوں تاکہ میرے اوپر زکر کردہ بات کی مزید وضاحت ہوسکے "مغربی لوگوں کو اب بخوبی پتہ ہے کہ انھوں نے محکوم بنائے لوگوں کی تاریخ اور ثقافتوں کے بارے مں جو کہا اسے خود محکوم لوگوں نے چیلنج کرنا شروع کردیا ہے وہ لوگ جو چند سال پہلے خود بھی اور ان کی ثفاقتیں ،زمین بھی اور تاریخ بھی عظیم مغربی ایمپائر اور اس کے منظم ڈسکورس کا حصّہ تھے (اب خود اس ڈسکورس کو چیلنج کررہے ہیں) آج اگر آپ پاکستان کی ریاست ،اس کے سیاسی حکمران ،وردی بے وردی نوکر شاہی ،بورژوازی سرمایہ دار میڈیا اور سرکاری نصاب تعلیم اور سرکاری پروپیگنڈا مشین اور ان کی مددگار دائیں بازو کی مذھبی تنظیمیں ان کو دیکھیں تو ان کی تمام تر کوششوں کا مرکز اس شعور کو رد کرنا ہے جو بلوچ قوم کے اندر اس وقت غالب ہے اور وہ ریاست اور اس کے حاکموں کے ڈسکورس کو چیلنج کرتا ہے اگرچہ حاکموں کی اپنی سرزمین پر حاکموں کا اپنا ڈسکورس غالب ہے لیکن بلوچ قوم کے اندر اس ڈسکورس کو چیلنچ کرنے والوں کی تعداد میں مسلسل اضافہ ہوتا چلا جارہا ہے اور یہ حاکموں کے مہا بیانیہ کو جو پاکستانی نیشنل ازم ،اسلام ،دو قومی نظریہ اور اردو کے ملغوبے سے ملکر بنا ہے اسے پنجابی سامراجی مہابیانیہ کے طور پر چیلنج کرتا ہے اب زرا ایڈورڈ سعید کی مذکورہ کتاب کے اس پیرا گراف کو پڑھیے "نوآبادیاتی مخالف اور لامحالہ سامراجی مخالف سرگرمی ،خیال کی طاقت ور لہر مغربی ایمپائر کے بھاری بھر کم بیانیے پر غلبہ پاچکی ہے اور پہلی مرتبہ مغربیوں کو نہ صرف اپنے راج کے مالک ہونے بلکہ ایک ایسے کلچر اور نسل کے نمائندے کے طور پر بھی مزاحمت کا سامنا ہے جس پر دھشت گردی ،جبر وستم اور ضمیر کے مجرم ہونے کا الزام ہے "

اس پیرا گراف کو اگر بلوچستان کے کیس کے مطابق کیا جائے تو ہم کہہ سکتے ہیں کہ پاکستان مخالف لامحالہ سامراج مخالف سرگرمی یا خیال کی طاقت ور بلوچ مزاحمتی لہر پاکستانی ریاست کے بھاری بھر کم بیانیہ پر غالب آچکی ہے اور پہلی مرتبہ پاکستانی ریاست کے کرتا دھرتاؤں کو نہ صرف پاکستانی ریاست کے سیاہ و سفید کے مالک ہونے کے اعتبار سے بلوچستان کو محکوم رکھنے والے کلچر اور نسل کے نمايندے کے طور پر بھی مزاحمت کا سامنا ہے اور اس پر دھشت گردی جبر وستم اور ضمیر کے مجرم ہونے کے الزامات بھی ہیں اس وقت پاکستان کے حکمران طبقات کی جو خوشحالی اور حکمران طبقات کی موجودہ صورت گری جو ہے وہ اصل میں بلوچ قوم ،سندھی قوم سمیت دیگر مظلوم اقوام کے وسائل کی بے انتہا لوٹ مار اور ان اقوام کے بدترین استحصال کا نتیجہ ہےاور ان کی بے انتہا قربانیوں کا اور فرانز فینن اپنی کتاب ریچڈ آف ارتھ میں لکھتا ہے کہ تیسری دنیا یورپ کا کلوسل ماس کے طور پر سامنا کررہی ہے اور اس مقابلے کا مقصد ان مسائل کا حل ہونا چاہئیے جسے یورپ حل کرنے سے قاصر ہے ،مغرب کے خلاف مزاحمت اور بغاوت پہلے بھی ہوئیں لیکن موجود صورت حال میں ایمپائر کے خلاف اس کے ایک ظالم وجابر ثقافتی وجود کے خلاف پائیدار اور مستحکم مزاحمت پہلی مرتبہ سامنے آئی ہے پیسفک سے لیکر انٹلاٹک تک سفید فام کے خلاف طویل عرصے سے موجود جذبات مکمل آزادی کی تحریکوں میں بدل چکے ہیں ،پین افریقی اور پین ایشیائی عسکریت پسند ابھرے ہیں جن کو اب روکا نہیں جاسکتا دو عظیم جنگوں کے درمیان جو عسکریت پسند گروپ تھے وہ مکمل طور پر مغربی کالونیل مہا بیانیہ کے خلاف نہیں تھے ،بعض کا خیال تھا کہ اس مہا بیانیہ کے اندر رہتے ہوئے اگر مسیحیت سے رجوع کرلیا جائے تو نجات مل جائے گی اور بعض کا خیال تھا کہ اگر اسلام سے اس مہا بیاںئے کی مطابقت ہوجائے تو نجات مل جائے گی اور بعض سمجھتے تھے کہ پوری طرح سے اس غرب زدگی میں اگر خود کو ڈھال لیا جائے تو نجات مل سکتی ہے باسل ڈیوڈسن کہتا ہے کہ افریقہ میں اس خیال کے حامل لوگ ہربرٹ میکاولی ،لیوپولڈ سنگرور ،جے ایچ کین لے ہیفرڈ ،سیموئل اھوجا تھے جبکہ عرب میں زغلول پاشا ،نوری السعید ،بشار الکھوری تھے نوٹ:ہم کہہ سکتے ہیں کہ ہندوستان میں اس خیال کے حامل سرسید ،اقبال ،راجہ موہن رائے اور سندھیوں میں ہم ابتدائی سندھی دانشوروں کو اس صف میں شامل کرسکتے ہیں یہاں تک کہ انقلابی لیڈر جیسے ہوجی منھ تھے ان کا ابتداء میں خیال تھا کہ مہا بیانیہ میں کچھ مناسب ترمیم کرکے نوآبادیاتی غلامی سے نجات پائی جاسکتی ہے مگر ان دانشوروں کی اس ترمیم پسندی کو بھی میٹرو پول میں کوئی پذیرائی نہ ملی اور اس طرح سے یہ ترمیم پسندی یا اصلاح پسندی مکمل مزاحمت میں بدل گئی فرانز فینن کی کتاب ریچڈ آف ارتھ میں سارتر مغربی ڈسکورس کے خلاف نوآبادیات کی اقوام کی مزاحمت کے ارتقاء کے بارے میں اپنے دیباچے کے اندر لکھتا ہے کہ اگر کالونیل ازم ایک سسٹم تھا تو پھر مزاحمت بھی خودبخود ایک سسٹم کی شکل اختیار کرنے لگی اس کو ہم کہہ سکتے ہیں کہ جب نوآزاد کالونی میں ایک سسٹم کے تحت وائٹ ماسک پہنے بلیک و رنگ دار نسلوں کی حکمران کلاس نے استحصال جاری رکھا اور اسے ایک سسٹم میں ڈھلا رہنے دیا تو مزحمت بھی بتدریج ایک سسٹم میں ڈھل گئی سارتر مزید کہتا ہے دنیا حقیقت میں دو باہم متصادم گروپوں میں تقسیم ہے ایک طرف 5 ملین افراد ہیں اور دوسری طرف ایک سو پانچ ملین مقامی آج بھی سامراج اور اس کے ماسک پہنے مقامی حکمران تاریخ کو دن اور رات میں واقعات کی گنتی کرنے والی مشین خیال کرتے ہیں لیکن ڈیوڈسن کے بقول یہ تو دماغوں پر منکشف ہونے اور دلوں پر الہام کی طرح نازل ہونے اور عوام کے کلچر اور عوام کے ظلم اور جبر کے خلاف ھیجانی ردعمل کی صورت ظاہر ہوتی ہے اور یہ مادی حقیقتوں ،معاشی حقیقت اور معروضی اشیاء کے درمیان تالیف کا کام کرتی ہے ڈیوڈسن نے بالکل ٹھیک لکھا کہ جابر مہابیانیہ کے خلاف متعدد اور متنوع تکثیری چھوتے چھوٹے رد بیانیے اور ثقافتی رد عمل سامنے آتے ہیں اور ان سب میں تبدیلی کی امید شدید اور مشترک ہوتی ہے اور اس امید سے انسپائر ہونا مشترک ہوتا ہے اور یہ بڑے پیمانے پر اس میں کشش پائی جاتی ہے اور تاریخ ایک نئے راستے پر گامزن ہوتی ہے محکوم علاقوں میں سامراجیت کا سوال دونوں یعنی محکوم اور حاکم دونوں کے لیے اہمیت کا حامل ہوتا ہے کہ دونوں نے اسے کیسے دیکھا ایڈورڈ سعید نے مزاحمتی اور آزادی کی تحریکوں کی ایک اور خاصیت کی جانب بھی اشارہ کیا ہے اور وہ یہ ہے کہ محکوم اور مظلوم اقوام جب اپنی آزادی کی جدوجہد اور لڑائی شروع کرتی ہیں اور حاکموں اور حکمرانوں کو چیلنج کرتی ہیں اور ان کے ڈسکورس کو رد کرتی ہیں تو وہ اپنی تحریک آزادی اور مزاحمت کو اچانک پھوٹ پڑنے یا کسی تسلسل کے بغیر ہونے کی نفی کرتے ہوئے اسے تاریخ میں ایک تسلسل کے ساتھ جوڑتے ہیں جیسے الجزائر کی نیشنل لبریشن فرنٹ نے 1954ء میں فرانس کے خلاف اپنی بغاوت کی جڑیں امیر عبدالقادر کی تحریک میں تلاش کیں جو کہ فرانسیسی قبضے کے خلاف 1830ء اور 1840ء کے درمیان لڑا تھا اور اسی طرح گنی اور مالی کی قومی مزاحمتی تحریکوں نے اپنی جڑیں کئی صدیوں پہلے سامورے اور حاجی عمر کی تحریکوں میں تلاش کیں

اس بات کو اگر ہم سندھی ،بلوچ ،سرائیکی ،پشتون ،گلگتی بلتی ،کشمیری مزاحمتی تحریکوں پر منطبق کریں تو تو وہاں بھی اپنی مزاحمتی تحریکوں کو دور ماضی میں ہونے والی بغاوتوں اور مزاحمتوں کی جڑوں میں تلاش کرنے کا رویہ پاتے ہیں ایڈورڈ سعید لکھتا ہے کہ مزاحمت اور آزادی کی ان تحریکوں کو اس وقت بھی مغربیوں نے مسخ کرنے کی کوشش کی اور انھوں نے اسے بے اطمینانی اور اس ناکامی سے تعبیر کیا جو ان اقوام کو اپنے حاکموں سے ریلیف کی صورت ملنے کی توقع پوری نہ ہونے سے پیدا ہوئی بلوچستان کے معاملے پر جب بھی بات ہو تو ہم اسلام آباد اور اس کے ہمنواؤں سے ایک ہی بات سنتے ہیں اور وہ ہے احساس محرومی اور بے چینی اور وہ ان تحریکوں کے پیچھے اس نئے ڈسکورس کی موجودگی ماننے کے لیے تیار نہیں ہوتے جو حاکم کے مہا بیانیہ کو چیلنچ کرہا ہوتا ہے بلوچ ،سندھی ،سرائيکی ،گلگت بلتستان ،کشمیری اور پختون قومی سوالوں پر آج بھی پنجابی حکمران کلاس کے ترتیب دئے ہوئے مہا بیانیوں کے حامی بلوچستان کے نورزخان ،سرائیکیوں کے احمد خان کھرل ،سندھیوں کے مراد سندھی وغیرہ کے کردار کو قومی مزاحمتی پہلو اور اس سے ابھرنے والے ھیروازم کو تسلیم کرنے سے قاصر ہیں اگرچہ یہ ابھی تھوڑے سے غیر پختہ خیالات ہیں جو میں نے پاکستان میں قومی مزاحمتی تحریکوں کے کچھ ایسے پہلوؤں کو اجاگر کرنے کی کوشش کی ہے جو ابھی زیادہ ڈسکسس نہیں ہورہے جن پر بات کرنے کی ضرورت ہے پاکستان کی ریاست جو عالمی سامراجیت کی غلامی میں جنگوں کو پھیلارہی ہے اور اس کی جانب سے اس وقت پاکستانی نیشنل ازم ،اسلام ،اردو وغیرہ کے ملغوبے کے ساتھ جو جنگجویانہ ڈسکورس بنایا گیا ہے اس کو چیلنج کرنے کا عمل تیزی سے ترقی کررہا ہے اور ہمیں بھی اس میں اپنا حصہ ڈالنا چاہئیے

نیا زمانہ - ایک اور روشن خیال جریدہ بند ہوگیا

مجھے زرا خبر دیر سے ہوئی کہ پروفیسر رفیع اللہ شہاب کے بیٹے اور ماہنامہ نیا زمانہ لاہور کے ایڈیٹر شعیب عادل پر توھین مذھب کا الزام لگا ہے اور ان کو مذھبی بنیاد پرستوں کے جنونی عتاب اور غصّے سے بچنے کے لیے ایک تو اپنے رسالے کو بند کرنا پڑا اور ساتھ ہی ان کو لاہور شہر سے فرار ہوکر روپوشی کی زندگی بھی گزارانا پڑ رہی ہے میرے پاس شعیب عادل کا جو فون نمبر ہے وہ بھی بند جارہا ہے اور ان کی کوئی خیر خبر موصول نہیں ہورہی اور ان کے بارے میں ایک انگریزی آرٹیکل بی بی سی سے وابستہ قلم کار محمد حنیف نے بی بی سی میگزین میں لکھا ہے جس کے آخر میں شیعب عادل نے بقول محمد حنیف سے درخواست کی کہ اس کو انگریزی میں شایع کریں کیونکہ اردو میں چھپا تو پھر ان سے ناراض مذھبی جنونی مزید ناراض ہوجائیں گے شعیب عادل کے والد پروفیسر رفیع اللہ شہاب جماعت اسلامی اور سید مودودی سے ہوتے ہوئے اسلامی سوشلزم اور اسلامی فیمنزم و روشن خیال و عقلیت پسند مذھبیت کے داعی ہوئے تھے میں نے ان کی بہت سے کتابیں اور آرٹیکل پڑھے جو دی نیشن میں ہر ہفتے شایع ہوا کرتے تھے اور پروفیسر رفیع اللہ شہاب کی عقلیت پسندی ،خرد افروزی شیعب عادل کے اندر بھی آئی اور جب وہ ایک کارخانے کی ملازمت سے مستعفی ہوکر آئے تو انھوں نے دوست ایسوسی ایٹس کے نام سے اسلامی روشن خیالی ،لبرل ازم ،اسلامی تعقل پسندی کی روایت کو روشن کرنے والی کتب شایع کرنا شروع کردی مجھے اگرچہ پروفيسر رفیع اللہ شہاب سمیت بہت سے اس دور کے تعقل پسندوں کے روایت اور تاریخ اسلام کے بارے میں قائم کئے گئے پروفیسر امین ،پرویز اور گولڈ زیہرمان سمیت بہت سے مستشرقین کے قائم کردہ مقدمات سے اتفاق نہیں تھا لیکن مجھے ان کی خرد افروزی ،روشن گر تفکر سے بہت شغف تھا شعیب عادل سے میری ملاقات 1998ء میں لاہور اردو بازار میں ہوئی اور انھوں نے دوران گفتگو مجھے بتایا کہ وہ ایک سہ ماہی جریدہ شروع کرنے جارہے ہیں جس کا نام ہوگا مکالمہ تو میں نے اس سے اتفاق کیا اور یہ جریدہ شروع ہوگيا جوکہ دور دراز کے چھوٹے چھوٹے علاقوں میں بھی تعقل پسندی پر مکالمے اور بحث کو فروغ دینے کا سبب بن گیا اسی دوران مجھ سمیت بہت سارے مکالمہ کے سرکل میں شامل دوستوں نے شعیب عادل کو مشورہ دیا کہ سہ ماہی ضغیم جریدہ نکالنے کی بجائے ماہنامہ شروع کرنا چاہئیے اور اس کے لیے سب دوستوں نے اپنے اپنے تئیں سالانہ ،دو سالہ ،بعض نے سہ سالہ اور بعض نے پنج سالہ خریداری فیس بھی ایڈوانس شعیب عادل کو بھیج دی ماہنامہ نیا زمانہ کے اولین لکھت کاروں میں احمد بشیر ،نصیر الدین شاہ ،ڈاکٹر پرویزی ،شعیب عادل ،شہزاد بادل(میں ان کے اصل نام سے بھی واقف ہوں)،سعید ابراہیم ،راقم اور دیگر شامل تھے نیا زمانہ دیکھتے ہی دیکھتے اپنی شہرت کے حوالے سے بلندیوں کو چھونے لگا اور اس ماہنامے نے بلاشبہ احمدی ،عیسائی ،ہندؤ ،شیعہ پر ہونے والے حملوں کے حوالے سے رائے عامہ کو بیدار کرنے اور حقیقت کو بیان کرنے میں اہم کردار ادا کیا اور خاص طور پر پنجاب ،سندھ ،بلوچستان ،خیبر پختون خوا کے انتہائی دور دراز علاقوں میں اس کی خواندگی ہونے لگی معروف صحافی خالد حسن نے واشنگٹن پوسٹ میں لکھے ایک مضمون میں نیا زمانہ کا زکر کیا اور میری تحریروں کے حوالے بھی اس میں دئے مجھے بھی اس ماہنامے کی وجہ سے احمد بشیر جیسی مہان ہستی کے قریب ہونے کا موقعہ ملا اور ان کے ساتھ ہونے والی نشستیں میرے لیے قیمتی یادیں ہیں نیا زمانہ نے کرسچن ،ہندؤ سے ہٹ کر جس طرح سے احمدیوں کی مذھبی پراسیکوشن کے بارے میں لکھا اور جس قدر کھل کر لکھا اتنا بولڈ انداز کسی اور اردو میں شایع ہونے والے روشن خیال جریدے دیکھنے کو نہیں اور مجھے شک ہے دیکھنے کو ملے گا بھی نہیں شعیب عادل سے میرے اختلافات بالکل وہی تھے جو طبقاتی سوال کو ابہام پرستی کے حوالے کرںے اور مارکسی فکر کی مبادیات کو رد کرنے والے لبرل دانشوروں سے ہوسکتے ہیں اور شاید یہی وجہ تھی کہ میں نیا زمانہ میں اپنا سفر جاری نہ رکھ سکا مگر اس کا مطلب یہ نہیں ہے کہ میں شعیب کی جانب سے خرد افروزی کے چراغ روشن کرنے کی نفی کردوں اور ان کے معاشرے میں روشن گری پھیلانے کے لیے اٹھائے جانے اقدامات سے انکار کرڈالوں نیا زمانہ یقینی طور پر روشن خیالی ،تعقل پسندی اور اعتدال پسندی کی اقدار سے وابستہ لوگوں کے لیے ایک اتحاد اور رابطے کی جگہ بنا نیا زمانہ جیسا لبرل ،رواداری اور آزادی اظہار کا ترجمان رسالہ اگرچہ علمی میدان میں تو رجعت پرستوں ،بنیاد پرستوں ،انتہا پسندوں کو چاروں شانے چت کرنے میں کامیاب رہا لیکن یہ مذھبی انتہا پسند اور فاشسٹ علمی میدان میں شکست کھاکر اوچھے ہتھکنڈوں پر اتر آئے اور انھوں نے شعیب عادل پر مذھبی توھین کا مرتکب ہونے کا الزام لگادیا اور ایک تیر سے دو شکار ہوئے یعنی ایک طرف تو شعیب عادل زیر زمین چلے گئے اور دوسری طرف نیا زمانہ جیسا روشن خیال جریدہ بھی بند ہوگیا اور اب اس کا دوبارہ شروع ہونا ناممکن ہے

پنجاب پولیس سٹیٹ بننے جارہا ہے

میڈیا میں شایع ہونے والی ایک خبر کے مطابق پنجاب حکومت نے ترکی کے پولیس ماڈل کو بنیاد بناتے ہوئے پنجاب پولیس کی تنظیم نو کرنے کا فیصلہ کیا ہے اور اس تنظیم نو کے منصوبے کے مطابق پنجاب پولیس کے تین ونگ بنائے جارہے ہیں ایک ونگ جو کہ ڈولفن ونگ کہلائے گا کسی بھی جگہ شورش سے نمٹنے کے لیے سریع الحرکت پولیس فورس پر مشتمل ہوگا ،اس ونگ کے پاس ہیوی موٹر بائیکس اور جدید ترین ہتھیار و آلات ہوں گے جبکہ یہ ونگ اندرون شہروں کی تنگ و تاریک گلیوں میں بھی سرعت کے ساتھ کاروائی کرے گا دوسرا ونگ انسداد فسادات پولیس ونگ ہوگا جو کسی بھی احتجاج ،ہڑتال ،جلسے جلوس میں حالات کنٹرول سے باہر ہوجانے کی صورت میں معاملات اپنے ہاتھ میں لے گا اور صورت حال کو کنٹرول کرے گا جبکہ تیسرا عام واچ اینڈ وارڑ و انوسٹی گیشن ونگ ہوگا پنجاب ہوم ڈیپارٹمنٹ تمام بڑے شہروں میں سی سی ٹی وی کیمروں کے زریعے سے شہر کے اندر جرائم کی ورک تھام کے لیے نگرانی کے مراکز تعمیر کرنے کا فیصلہ بھی کرچکا ہے پنجاب کے چیف منسٹر میاں محمد شہباز شريف ایک عرصہ سے یہ خواہش ظاہر کررہے تھے کہ وہ چاہتے ہیں کہ پنجاب میں پولیس کا ماڈل ترکی کی پولیس جیسا ہوجائے اور وہ استنبول پولیس ماڈل سے بھی بہت متاثر نظر آتے ہیں میاں محمد نواز شریف پی آیم اور ان کے بھائی شہباز شریف سی ایم ترکی کے معاشی اور ترکی کے سیکورٹی ماڈل سے بہت متاثر ہیں اور وہ اسی کو بنیاد بناتے ہوئے پاکستان کے اندر معاشی اور لاء انیڈ آڈر کے شعبوں میں اصلاحات متعارف کرانا چاہتے ہیں پاکستان میں بہت کم لوگ ایسے ہوں گے جنھوں نے ترکی میں طیب رجب اردوگآن کے معاشی اور سیکورٹی ماڈل اور اس کے اثرات و عواقب بارے زرا گہرائی میں جاکر جان کاری حاصل کرنے کی کوشش کی ہوگی طیب رجب اردوگان نے ترکی کے اندر سرمایہ داری کے نیولبرل فری مارکیٹ کے ماڈل کے تحت سرمایہ دار دوست اصلاحات متعارف کیں اور استنبول سمیت بڑے شہروں میں بڑے بڑے پلوں ،فلائی اوورز ،میٹرو بس ،میٹرو ٹرین ،پلازے ،اور دیگر میگاپروجیکٹس کا آغاز کیا اور انھوں نے ترکی کی معشیت میں سخت ترین نجکاری یہاں تک کہ مقامی حکومتوں کے ماتحت آنے والی سوشل سروسز صفائی ،سینی ٹیشن ،ٹاؤن پلاننگ ،سمیت بہت سے شعبے نجی سرمایہ کاروں کے حوالے کردئے ترکی کے وزیر ا‏عظم اردوگان کے ان میگاپروجیکٹس اور ترقی کے نیولبرل سرمایہ دارانہ ماڈل کے اثرات کا جائزہ لینے والے ماہرین ماحولیات،ماہرین بشریات ،آرکیالوجسٹ ،آرکیٹیکچر ،معاشیات کے ماہر اس بات پر متفق ہیں کہ اس ماڈل کے ترکی کے کلچرل ورثے ،ماحولیات ،ایکولوجی ،تہذیبی ورثے پر بہت برے اثرات مرتب ہوئے ہیں اور ان منصوبوں سے شہروں میں سلم ایریاز ،کچی آبادیادیوں ،غربت میں اضافے اور ورکنگ کلاس کی ملازمتوں کے معیار کا زوال ہوا ہے اس ترقیاتی منصوبوں سے متاثر ہونے والے شہریوں نے اور ورکنگ کلاس کے مختلف حصوں نے جب کبھی طیب اردوگان کی حکومت کے خلاف اور اس کے منصوبوں کے خلاف احتجاجی تحریک چلائی تو اس سے نمٹنے کے لیے طیب اردوگان نے سیاسی جمہوری رویہ اپنانے کی بجائے پولیس کو استعمال کیا اور اس سلسلے میں ترک پولیس کا ڈولفن اور انسداد فسادات پولیس ونگز کی شہرت بہت خراب ہے ترک پولیس پر انسانی حقوق کی سنگین خلاف ورزیوں کے الزامات ہیں اور اس کے بارے میں کہا جاتا ہے کہ وہ آزادی اظہار ،نقل و حمل کی آزادی ،اجتماع کی آزادی کو کچلنے میں مہارت تامہ رکھتی ہے ترکی میں ٹرانسپورٹ ورکرز کی تحریک ہو کہ سرکاری ادروں کی نجکاری کے خلاف مزدور تحریک ہو یا استنبول کے قدیم پارک کو بچانے پر کھڑی ہونے والی تحریک ہو سب کو طیب اردوگان نے سختی کے ساتھ کچلنے کی کوشش کی اور اس میں ترک پولیس کے ڈولفن و انسداد فسادات پولیس ونگز کا بہت بڑا ہاتھ تھا مجھے پنجاب پولیس اور شہباز شریف کی حکومت کے ٹریک ریکارڑ کو دیگھتے ہوئے یہ کہنے میں کوئی عار نہیں ہے کہ میاں شہباز شریف پنجاب کے طیب اردوگان بننے کی کوشش کررہے ہیں وہ چاہتے ہیں کہ پنجاب کے اندر وہ جس پولیٹکل اکنامی کے ایجنڈے کو نافذ کررہے ہیں اس سے متاثر ہونے والے ان کے نام نہاد میگا پروجیکٹس پر مبنی ترقی کے ماڈل کے سامنے روکاوٹیں کھڑی نہ کریں مثال کے طور پر پنجاب حکومت کے بہت سارے شعبے ایسے ہیں جہاں بنیادی سروس سٹرکچر اور سکیل سٹرکچر میں بہت بڑی ناانصافیاں موجود ہیں اور ایڈہاک ازم پر کام چلایا جارہا ہے صحت کے شعبے میں نوچوان ڈاکٹرز ،نرسیں ،لیڈی ہیلتھ وزیٹرز اور پیرامیڈیکل سٹاف کے بہت سے پیشے ایسے ہیں جہاں پر کنٹریکٹ ،ڈیلی ویجرازم چل رہا ہے اور ان شعبوں کے ہزاروں ملازمین کا مطالبہ ہے کہ ان کو مستقل کیا جائے ،ان کا سروس سٹرکچر ،بیسک پے سکیل وغیرہ کی تشکیل کی جائے اسی طری سے کلریکل جابس کرنے والے لوگ ہیں جیسے اپیکا ہے ،تعلیمی شعبے میں کام کرنے والے اساتذہ ہیں ،اسی طرح بڑے شہروں میں واسا اور چھوٹے شہروں ميں کارپویشن و ٹی ایم ایز کے ملازمین ہیں سب اپنی نوکری کے مستقل ہونے ،تنخواہوں میں اضافے اور دیگر مراعات کے لیے سرگرداں ہیں پنجاب حکومت کا رویہ یہ رہا ہے کہ وہ ہر مرتبہ وعدے وعید کرتی ہے ،ٹال مٹول کرتی ہے ،مذاکرات کا ڈھونگ رچاتی ہے اور جب یہ ورکنگ کلاس تنگ آکر سڑکوں پر آتی ہے ،احتجاج ،دھرنا اور ہڑتال کا آپشن استعمال کرتی ہے تو پھر ان کے خلاف پولیس کا استعال ہوتا ہے ،میڈیا پر اشتہاری مہم چلاکر احتجاج کرنے والی ورکنگ کلاس کے خلاف نفرت پھیلائی جاتی ہے اور اس سارے انتظام پر کروڑوں روپے خرچ کردئے جاتے ہیں ہم نے وحشیانہ تشدد ،لاٹھی چارج ،آنسو گیس اور انسداد دھشت گردی ایکٹ کے تحت مقدمات کا اندراج ہوتے بارہا دیکھا اور یہاں تک ایک حاملہ نرس بھی پولیس تشدد سے ہلاک ہوئی پولیس کو اپنے زاتی ملازموں کی طرح استعمال کرنے کی شہباز شریف کے پچھلے دور میں ہم نے کئی مثالیں دیکھیں ،لاہور کے وکلاء کے خلاف اس کو استعمال کیا گیا اور وکلاء پر اس پولیس تشدد پر جو جوڈیشل انکوائری ہوئی اس سے شہباز شریف ،رانا ثنا اللہ سمیت کئی پولیس افسران گناہگار ثابت ہوئے لیکن کوئی انصاف مظلوموں کو نہیں ملا حال ہی میں تازہ ترین واقعہ پنجاب پولیس کا ماڈل ٹاؤن میں پاکستان عوامی تحریک کے کارکنوں پر بدترین تشدد ،12 کارکنوں بشمول عورتوں کا قتل اور 85 افراد کا شدید زخمی ہونے والا جرم ہے جس کے حوالے سے انگلیاں سیدھی چیف منسٹر شہباز شریف کے اوپر اٹھ رہی ہیں جیف منسٹر شہباز شریف اور پنجاب پولیس کا ٹریک ریکارڑ انسانی حقوق کی پامالی کے حوالے سے الارمنگ ہے اور یہ ٹریک ریکارڑ بتاتا ہے کہ پنجاب کی ایڈمنسٹریشن کو عوام نواز رکھنے کی بجائے عوام دشمن اور سرمایہ دار نواز رکھا جاتا ہے پولیس کا جیف منسٹر شہباز شریف کے دور میں مذھبی اقلیتوں پر ٹوٹ پڑنے والی بپتا پر بھی مثالی نہیں رہا بلکہ گوجرہ میں کرسچن کالونی پر بلوہ ہو یا جوزف کالونی لاہور پر بلوائی حملہ ہو پولیس خاموش تماشائی بنی رہی اور دیکھتے ہی دیکھتے ان کالونیوں کو لوٹ لیا گیا ،گرجے گھر جلادئے گئے اور مکانات و دکانات کو آگ لگا دی گئی جبکہ آج تک ان واقعات کے زمہ داروں کو کوئی سزا بھی نہیں مل سکی اس طرح کے بلوؤں میں اور لوٹ مار میں جو گروہ ملوث تھے ان کے بارے میں انٹیلی جنس رپورٹیں یہ کہتی ہیں کہ ان کا تعلق فرقہ وارنہ کالعدم مذھبی فاشسٹ تنظیموں سے تھا جن کے ساتھ پنجاب حکومت کا اتحاد اور کئی ایک وزراء کا ان سے تعلق بھی بتایا جاتا ہے سانحہ ماڈل ٹاؤن لاہور ميں لوگوں کو سیدھی گولیاں مارنے والے ایک کانسٹیبل شہباز بابر کے بارے میں ميڈیا میں یہ بھی رپورٹ ہوا کہ اسے سابق صوبائی وزیر قانون رانا ثناءاللہ کی سفارش پر بھرتی کیا گیا تھا اور وہ ایک کالعدم تنظیم کا رکن بھی رہا ہے انٹیلی جنس کی رپورٹس جو میڈیا میں آئیں ان کے مطابق پنجاب پولیس میں کئی ایک اہلکار ایسے ہیں جو ملازمت سے پہلے کالعدم تنظیموں کے رکن تھے جیف منسٹر پنجاب شہباز شریف اور ان کے جملہ رفقاء کو یہ بات یاد رکھنی چاہئیے کہ ان کی حکومت کے پاس ترقی اور نام نہاد خوشحالی کا چاہے جتنا بھی بڑا خوش کن منصوبہ ہو اگر وہ اسے زبردستی نافذ کرنے کی کوشش کریں گے اور سرمایہ دارای کے اقربا پرور نظام کے لیے صوبے کو پولیس سٹیٹ بنادیں گے تو اس سے احتجاج اور مزاحمت ختم نہیں ہوگی بلکہ تشدد کے جواب میں تشدد ابھرے گا کیا یہ بات میاں نواز شریف اور شہباز شریف کے لیے خود احتسابی کو دعوت دینے والی نہیں ہے کہ اپنے اقتدار کے ایک سال کے اندر ہی ان کو سب سے زیادہ چیلنجز خود پنجاب کے سنٹر جہاں ان کے بقول ان کی بھاری حمائت موجود ہے سامنے آرہے ہیں ان کی حکومت سے جہاں اپوزیشن پی ٹی آئی ،پی اے ٹی ،پي پی پی ،جماعت اسلامی خوش نہیں ہے وہیں پر ان کی حکومت سے نہ تو مزدور خوش ہیں نہ ڈاکٹر ،نہ نرسیں ،نہ کلرک ،نہ اساتذہ نہ ہی واسا کے مزدور اور ان سے ریڑھی ،خوانـچے و تہہ بازاری لگانے والے سینکڑوں گھر سخت ناراض ہیں جن کو ناجائز تجاوازات کے خاتمے کے نام پر بے روزگار کردیا گیا ہے اور یہاکں تک کہ کچی آبادیوں کے مکین بے گھر کئے جانے کے خلاف مزاحمت کرتے ہیں تو ان کے خلاف انسداد دھشت گردی کے مقدمے درج کئے جاتے ہیں جبکہ بلڈر مافیا اور بڑے بڑے قبضہ گیروں کو کوئی ہاتھ نہیں لگاتا ہے اور نہ ہی مذھبی منافرت ،فرقہ واریت پھیلانے والوں کو کچھ کہا جاتا ہے ایسے ہی دو ہزار مزارعین اوکاڑا ملٹری فارمز کے اوپر انسداد دھشت گردی ایکٹ کے تحت مقدمہ درج کیا گیا ہے اور ان کا جرم فقط انتنا ہے کہ وہ دو سو سال سے جن زمینوں کو کاشت کررہے ہیں ان کی ملکیت کا مطالبہ کررہے ہیں جبکہ مزارعین کے حق ملکیت مانگنے پر انسداد دھشت گردی کم مقدمہ درج کرنے والی پنجاب حکومت دو ہزار ایکٹر زمین چینی کمپنی کو بہاولپور میں مفت دیتی ہے اور ایک ہزار ایکٹر شيخوپورہ اور قصور میں جبکہ سینکڑوں ایکڑ فیصل آباد میں مفت الاٹ کردیتی ہے ،اس سے ہم حکومت کی ترجیحات کا اندازہ لگا سکتے ہیں کہ اس حکومت کی نظر میں ورکنگ کلاس ،کسان ،مزارعوں ،کلرکوں کی کوئی حثیت نہیں ہے اور ان سب کو یہ سرمایہ داروں کے منافعوں کے لیے ہونے والی ترقی کے ہاتھی کے پیروں تلے روندنا ٹھیک خیال کرتی ہے اور اس پر اگر احتجاج ہو تو پھر آنے والے دنوں میں ڈولفن ونگ بھی ہے اور انسداد فساد پولیس بھی

نواز شریف کہتے ہیں -آبیل مجھے مار

پیمرا نے گذشتہ رات گئے اچانک ایک نجی ٹی وی چینل اے آر وائی نیوز کا لائسنس 15 روز کے لیے معطل اور اس پر ایک کروڑ روپیہ جرمانہ عائد کیا ہے اور وجہ یہ بتائی ہے کہ اس چینل نے عدلیہ کے خلاف ایک نامناسب پروگرام چلایا تھا پیمرا کی جانب سے بتائی گئی اس وجہ کو بظاہر تو حکومت کے سوا کسی اور نے قبول نہیں کیا ہے کیونکہ اس فیصلے سے ایک دن پہلے تو سپریم کورٹ نے اس ٹی وی چینل کے اینکر مبشر لقمان پر عائد پابندی ہٹائی تھی جس پر عدیلہ مخالف پروگرام کرنے کا الزام ہے اور یہ کیس ابھی سپریم کورٹ میں زیر سماعت ہے لیکن اس کے باوجود اے آر وائی کے خلاف عجلت میں فیصلہ کیا گیا کہ اس کو باقاعدہ نوٹس تک نہیں دیا گیا جیسے جیو انٹرٹینمینٹ و نیوز چینل کو نوٹس سرو کیا گیا تھا اور جیو گروپ کے معاملے میں حکومت کا وزن جیو کے ساتھ تھا جبکہ وہ اپنے ماتحت ادارے وزرات دفاع اور فوج سے فاصلے پر نظر آرہی تھی اگرچہ اب لگتا ہے کہ اس چینل کے حما‏ئتی سیاسی ،سماجی ،مذھبی اور دفاعی حلقوں کے دباؤ کی وجہ سے مذکورہ چینل کی قربانی دینے کو تیار نظر آتے ہیں جیسا کہ میں نے اپنے گذشتہ کالم میں لکھا تھا کہ میاں نواز شریف کی حکومت کے خلاف خارجی خطرات سے زیادہ خود ان کے اپنے اندر سے خطرات زیادہ ہیں اور بقول خورشید شاہ کہ ان کے اپنے بھائی ان کی حکومت کے لیے خطرہ ہیں یا بقول یوسف رضا گیلانی کہ نواز شریف خود ہی جمہوریت کے لیے خطرہ بنے ہوئے ہیں سانحہ لاہور کے بعد تو وفاقی اور پنجاب حکومت غلطیوں پر غلطیاں کرتی چلی جارہی ہے کہ ایک طرف چیف منسٹر شہباز شریف نے ماڈل ٹآؤن لاہور میں عوام پر سیدھی گولیاں چلانے والے اور ان کی قیادت کرنے والے پولیس افسران کو برخاست تک نہیں کیا بلکہ افسران کو او ایس ڈی لگادیا گیا ہے اور کہا یہ جارہا ہے کہ ایسا پولیس افسران کی جانب سے بھانڈا پھوڑنے کی دھمکی آنے کے بعد کیا گیا شہباز شریف نے گذشتہ جمعہ کی شب جو پریس کانفرنس کی اور اس میڑ وہ جس طرح سے رانا ثناءاللہ اور ڈاکٹر توقیر کے وکیل صفائی بنے اس نے رانا ثناء اللہ اور توقیر کی برخاستگی جیسے اقدام کا فائدہ مسلم لیگ نواز کو پہنچنے سے محروم کردیا اور شہباز شریف اور نواز شریف پر سے دباؤ نہیں ہٹ سکا حالانکہ ایک نجی چینل کے رپورٹر کی جانب سے سیون کلب روڈ پر ہونے والی رانا ثناء اللہ کی قیادت میں میٹنگوں کا راز کھلنے اور پوسٹ مارٹم رپورٹ آجانے کے بعد چیف منسٹر شہباز شریف کی زمہ داری بنتی تھی کہ وہ آئی جی پنجاب ،صوبائی وزیر قانون اور اس میٹنگ میں شریک دیگر افسران سب کو نوکری سے برخاست کردیتے لیکن ان کی جانب سے سستی اور اگر مگر نے ان شبہات کو تقویت دی ہے کہ یہ آپریشن اصل میں چیف منسٹر شہباز شریف کی مرضی اور منظوری سے ہوا سانحہ لاہور کی تپش ابھی کم نہیں ہوئی تھی کہ اے آر وائی نیوز کے لائسنس معطل کرنے کا فیصلہ سامنے آگیا ویسے اس فیصلے کی ٹائمنگ خاصی ڈسکس ہورہی ہے کہ ایک طرف تو طاہر القادری کی آمد سے دو دن پہلے یہ اقدام کیا گیا ،دوسرا یہ اقدام پیمرا نے پیمرا کے قائم مقام چئیرمین پرویز راٹھور کی وزیر اعظم میآں محمد نواز شریف سے ملاقات کے فوری بعد اٹھایا اور تیسرا کہ میاں نواز شریف کی صدرات میں مسلم لیگ نواز کا جو اعلی سطحی اجلاس ہوا اس میں بھی نجی ميڈیا میں ان گروپوں کو سبق سکھانے کو کہا گیا جو مسلم لیگ نواز کے بارے میں معروضی رپورٹنگ کررہے ہیں میاں محمد نواز شریف اور میاں محمد شہباز شریف کی جانب سے آزادی صحافت کی راہ میں روڑے اٹکائے جانے کا سلسلہ اور پنجاب کو پولیس سٹیٹ بنانے کی کوششیں اور ملٹری کی قیادت کے خلاف گٹھ جوڑ کرنے والی قوتوں سے دوستانے وہ عوامل ہیں جن کی وجہ سے مسلم لیگ نواز کی حکومت کو ایک سال بعد ہی گو،گو کے نعرے سننے کو مل رہے ہیں میاں نواز شریف اور شہباز شریف کے لیے یہ نیک شگون ہرگز نہیں ہے کہ انھوں نے 12 اکتوبر 1999ء تک جو بطور پنجاب اور وفاق کے حاکموں کے طور پر کیا اس کا تذکرہ پھر سے لوٹ آیا ہے اور لوگ میاں محمد نواز شریف کو پھر سے اسی آئینے میں دیکھنے لگے ہیں بلکہ اب تو لوگ ان کو مذھبی فاشسٹوں اور مذھبی جنونیوں کے ساتھ نتھی کرتے ہیں اور ان کا امیج قومی لیڈر کی بجائے ایک فرقہ پرست لیڈر کا ہوتا جارہا ہے اور یہ ان کے لیے سب سے زیادہ تشویش کا باعث ہونا چاہئیے لیکن وہ سارا قصور آپنے سیاسی مخالفوں کو دے رہے ہیں اور ان کے بھائی اور وزراء انتہائی ہتک آمیز اور اشتعال انگیزی سے کام لے رہے ہیں میآں نواز شریف نے ایک سال میں ہی ایک طرف تو ملٹری لیڈر شپ سے اپنے تعلقات بہتر بنانے کے اور خراب کرلیے ہیں اور ان سے حزب اختلاف کی جماعتوں کے تعلقات بھی انتہائی خراب ہوچلے ہیں یہاں تک کہ پی پی پی جو عملی طور پر دوست اپوزیشن کا کردار ادا کررہی تھی اسے بھی اپن ے لیڈروں کے وارنٹ گرفتاری جاری ہونے ،سانحہ لاہور میں ہونے والی ہلاکتوں اور اس سے پہلے کراچی ائر پورٹ پر دھشت گرد حملوں کے بعد سندھ حکومت سے وفاق کی چھیڑ چھاڑ کے بعد کو مجبور کردیا ہے کہ وہ بھی پنجاب ،وفاق میں حکومت کو ٹف ٹآئم دے اس وقت تمام اشاریے نواز حکومت کے خلاف ہیں اور نواز حکومت کے پیروں سے زمین سرکتی محسوس ہوتی ہے،اگرچہ پاکستان کی معشیت اور ریاست کی سلامتی کے لیے یہ شگون بد ہے لیکن اس میں زیادہ قصور خود نواز شریف ،شہباز شریف اور ان کے بھڑک جانے والے وزیروں اور مشیروں کا ہے رانا ثناء اللہ کے مستعفی ہونے کے بعد وزرات قانون رانا مشہود کو دے دی گئی ہے لوگ سوال اٹھارہے ہیں کہ یہ وزرات آخر سنٹرل پنجاب کا مقدر کیوں بنی ہوئی ہے یہاں پر سرائیکی ریجن سے کسی کو اس نشست پر کیوں نہیں لایا گیا؟اور لوگ رانا ثناء اللہ کی طرح رانا مشہود کے ایک مخصوص کالعدم تنظیم سے روابط پر بھی انگلیاں اٹھارہے ہیں اگرچہ چیف منسٹر شہباز شریف نے اپنی جمعہ کو کی جانے والی پریس کانفرنس میں مانا کہ ان پر دھشت گردوں سے رابطے کے الزام لگ رہے ہیں لیکن لگتا ہے کہ وزرات قانون کا ایڈیشنل چارج رانا مشہود کو دیتے ہوئے وہ یہ بھول گئے کہ رانا ثناء اللہ پر جس وجہ سے زیادہ تنقید ہورہی تھی وہ وجہ رانا مشہود کے ہاں بھی موجود ہے کہنے والے تو یہ بھی کہتے ہیں کہ شہباز شریف پنجاب میں چیف منسٹر کے ساتھ ساتھ بیک وقت صوبائی ہوم منسٹر ،صوبائی وزیر قانون بنے ہوئے ہیں اور پولیس ڈیپارٹمنٹ کے ڈی پی اوز تک کو وہ کنٹرول کرتے ہیں ،ہوسکتا ہے کہ یہ محض شبہات ہوں لیکن یہ شبہات آگے بڑھ کر اب پختہ تاثر بنتا جارہا ہے جس مشکلات بڑھیں گی کم نہیں ہوں گی نواز -شہباز شریف کو یہ بھی ذھن میں رکھنا چاہئیے کہ سرائیکی وسیب تو مسلم لیگ نواز کی بے رخی ،بے توجہی اور امتیازی پالیسیوں کی وجہ سے پہلے ہی لاتعلق ہوا ہوا ہے جبکہ اب سنٹرل پنجاب کے اندر بھی ان کے خلاف زبردست مخالفت اور نفرت پیدا ہورہی ہے ایک سال میں نواز حکومت کی جیت مشکوک ٹھہری ،ان کی معاشی پالیسیوں نے سفید پوش طبقے کو ان سے دور کیا اور پنجاب پولیس کے کارناموں نے پنجاب کے ڈاکٹرز،وکلاء،اساتذہ ،لیڈی ہیلتھ ورکرز،کلرکس،کسانوں کو نواز-شہباز سے دور کردیا ہے اس میں قصور کا زیادہ بوجھ خود میاں برادران پر ہی آتا ہے کسی اور پر نہیں